Lajme

Ibrahimi: Ligji për Medresenë “Isa Beu” është nderim për dijen dhe besimin

Kryetari i Alternativës dhe një nga liderët e koalicionit VLEN, Zeqirija Ibrahimi, e ka cilësuar si një ditë historike për arsimin dhe komunitetin besimtar në vend miratimin nga ana e Qeverisë së propozim-ligjit për Medresenë “Isa Beu” dhe shkollat e tjera të mesme fetare.

“Me krenari dhe përkushtim ju njoftojmë se Qeveria dje ka miratuar propozim-ligjin për shkollat e mesme të komuniteteve fetare. Ky është një hap i rëndësishëm që i jep fund një çështjeje shumëvjeçare dhe të ndjeshme për nxënësit e shkollave fetare në Republikën e Maqedonisë së Veriut, dhe në veçanti për ata të Medresesë ‘Isa Beu’,” tha Ibrahimi në një deklaratë për media.

Sipas ligjit të ri, diplomat e Medresesë “Isa Beu” dhe të shkollave të tjera të ngjashme do të njihen dhe barazohen me diplomat e shkollave të mesme publike në vend. Kjo do të u mundësojë nxënësve të përfundojnë arsimin me profil gjimnazist, të pasuruar me lëndë fetare, dhe të kenë të drejtën për të dhënë maturën shtetërore. Kësisoj, ata do të kenë mundësi të barabarta për regjistrim në fakultete, si në institucionet vendore ashtu edhe ato ndërkombëtare – publike apo private.

“Pas disa dekadash diskriminim të heshtur dhe mungesë të përfaqësimit të drejtë, sot këta nxënës po e fitojnë të drejtën e tyre të barabartë si çdo qytetar tjetër,” theksoi Ibrahimi.

Ai shtoi se ky veprim nuk është vetëm një vendim teknik, por një përmbushje morale dhe një dëshmi për respektin ndaj dijes dhe përkushtimit fetar. “VLEN nuk bën lojëra politike me ndjenjat fetare.

Lajme

Alpinisti i vdekur në Majën e Titos është nga fshati Xhepçisht?!

Personi që humbi jetën sot në zonën e “Kodrës së Diellit”, përkatësisht në afërsi të Majës së Titos, mësohet se është nga fshati Xhepçisht i Komunës së Tetovës, mëson tetova1

Sipas informacioneve të para, bëhet fjalë për një person mbi 70-vjeç, i cili kishte dalë në zonën malore si alpinist. Për shkak të terrenit të vështirë dhe të paarritshëm me mjete të zakonshme, trupi i pajetë është transportuar me helikopter nga zona malore. Autoritetet pritet të japin më shumë detaje lidhur me rrethanat e ngjarjes./tetova1.mk

Lajme

Maran e la jashtë listës së Kombëtares, reagon Jasir Asani

Jasir Asani ishte një nga befasitë e trajnerit Maran, pasi mëngjarashi nuk ishte pjesë e listës me 29 futbollistë të grumbulluar për 4 ndeshjet e kombëtares në Ligën e Kombeve.

Këtë Asani nuk e ka “kapërdirë” dot dhe ka reaguar në rrjetet sociale. Asani ka “ironizuar”, me dy postime të bëra.

“Po rri urtë, se e di veten. Historia nuk harrohet kurrë. Më mirë të mos flas më…”, shkruan Jasir Asani në rrjetet sociale.

Lajme

Këto janë të dhënat që nuk duhet t’ia jepni ChatGPT-së

ChatGPT është bërë pjesë e përditshmërisë së shumë njerëzve, të cilët e përdorin për gjithçka, nga recetat dhe CV-të, deri te këshillat për shëndetin dhe problemet në punë.

Por përdorimi gjithnjë e më i madh i chatbotëve po ngre shqetësime te ekspertët e privatësisë, të cilët paralajmërojnë se disa informacione personale dhe konfidenciale nuk duhet të ndahen në bisedat me inteligjencën artificiale.

Sipas ekspertëve të cituar nga “HuffPost”, përdoruesit duhet të shmangin ndarjen e të dhënave që mund t’i identifikojnë drejtpërdrejt.

Të dhënat personale

Emri i plotë, adresa, numri i telefonit, numri personal, të dhënat e pasaportës, patentës apo dokumenteve të tjera zyrtare janë ndër informacionet që këshillohet të mos ndahen.

Ekspertët rekomandojnë që edhe para ngarkimit të një dokumenti për analizë të hiqen të dhënat që mund të identifikojnë personin.

Problemet dhe informacionet intime

Komunikimi natyral me chatbotët mund t’i bëjë përdoruesit të ndajnë histori familjare, probleme personale apo informacione intime.

Ekspertët paralajmërojnë se një chatbot nuk duhet trajtuar si psikolog, mjek apo avokat, pasi nuk ka të njëjtat detyrime profesionale dhe ligjore për konfidencialitet.

Dokumentet mjekësore
Raportet mjekësore dhe analizat laboratorike mund të përdoren për të marrë shpjegime nga inteligjenca artificiale, por këshillohet që paraprakisht të fshihen emri, datëlindja, numri personal dhe të dhënat e tjera identifikuese.
Informacionet e kompanisë

Raportet e brendshme, kontratat, të dhënat e klientëve, kodet burimore dhe dokumentet që mbrohen nga marrëveshjet e konfidencialitetit nuk duhet të ngarkohen pa autorizim.

Një veprim i tillë mund të krijojë probleme ligjore, kontraktuale ose rregullatore për punonjësin dhe kompaninë.

Të dhënat financiare

Numrat e llogarive bankare, të dhënat e kartave të kreditit, informacionet mbi investimet, të ardhurat dhe deklaratat tatimore janë gjithashtu informacione që duhet të mbahen larg chatbotëve.

Ekspertët këshillojnë përdoruesit të kontrollojnë cilësimet e privatësisë në platformat e inteligjencës artificiale dhe, kur është e mundur, të kufizojnë përdorimin e bisedave për trajnimin e modeleve.

Një alternativë është përdorimi i pseudonimeve ose përshkrimeve të përgjithshme në vend të emrave dhe të dhënave reale, duke i dhënë chatbotit kontekstin e nevojshëm pa ekspozuar informacionet personale apo konfidenciale.