Lajme

Rama: Pa SHBA nuk do të kishte një shtet të pavarur të Kosovës

“Interesi ynë të ndërtojmë një të ardhme në paqe për gjeneratat e tjera”

Në konferencën e përbashkët për shtyp me Sekretarin Amerikan të Shtetit, Antony Blinken, Kryeministri Edi Rama u ndal edhe tek dialogu mes Kosovës dhe Serbisë. Rama tha se SHBA-të kanë qenë, janë dhe do mbeten mbështetëse të palëkundura të procesit të njohjes përfundimtare të shtetit të Kosovës dhe theksoi se ‘është mirë që asnjëherë shqiptarët kudo që janë të mos e harrojnë se pa SHBA-të nuk do të kishte një shtet të pavarur të Kosovës’.

“Siç dihet Shqipëria ka një politikë të dorës së shtrirë të miqësisë dhe duam që rajoni të shkojë përpara sepse në radhë të parë është në interesin tonë si popull. Sigurisht që e kemi nxitur dhe do vazhdojmë ta nxisim dialogun e pazëvendësueshëm mes Kosovës e Serbisë. SHBA-të kanë qenë, janë dhe do mbeten mbështetëse të palëkundura të procesit të njohjes përfundimtare të shtetit të Kosovës dhe është mirë që asnjëherë shqiptarët kudo që janë të mos e harrojnë se pa SHBA-të nuk do të kishte një shtet të pavarur të Kosovës. Interesi i SHBA për mbarëvajtjen e punëve në Shqipëri dhe Kosovë nuk është interes i dorës së dytë, as interes i ndarë nga çfarëdo aspekti, nga interesi ynë në Shqipëri dhe Kosovë, për të ndërtuar një të ardhme në paqe dhe prosperitet për gjeneratat e tjera. Pa diskutim që ne ndjehemi të keqardhur sa herë shohim hapa pas dhe pa diskutim që jemi të vetëdijshëm për vështirësinë e këtij dialogu, për dhimbjen e plagëve të një tragjedie jo shumë të largët për ata që sot jetojnë në Kosovë. Padyshim jemi të vetëdijshëm që në momente të caktuara, si rasti i sulmit terrorist në Banjskë, Serbia nuk është se e ndihmon gjithmonë siç duhet procesin, por duhet të jemi të vetëdijshëm që është në interesin tonë, është në interesin e Kosovës, që të përparojë”, tha mes të tjerash Rama./tvklan.al

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net