Lajme
U kap duke thithur kokainë- Dr. Kuzmanovski do të marrë licencën për punë nëse kalon një trajnim tre mujor nën udhëheqjen e një mentori
Dr. Igor Kuzmanovski, ish-drejtori i Klinikës për Neurologji, i cili u shkarkua pasi në rrjetet sociale u përhap një video ku shihej duke përzier një substancë të bardhë pluhuri, do të mund të marrë përsëri licencën për punë nëse kalon një trajnim të specializuar tre mujor nën mbikëqyrjen e drejtpërdrejtë të një mentori. Kështu kanë vendosur anëtarët e Komisionit për çështje etike dhe juridike pranë Odës së Mjekëve.
“Pas përfundimit të trajnimit, mjeku do t’i nënshtrohet një provimi për kontroll të detajuar të njohurive dhe aftësive profesionale. Duke pasur parasysh se Ligji për mbrojtjen shëndetësore përcakton saktë kushtet për lëshimin, rinovimin, zgjatjen dhe heqjen e licencave për punë, dhe se aktualisht nuk ekziston ndonjë akt gjyqësor apo vendim ligjor që ndalon kthimin e licencës, Oda ka vendosur të zbatojë një mekanizëm të fortë kontrolli dhe edukimi”, thuhet në njoftimin e Odës së Mjekëve.
Nga aty informojnë se paralelisht me këtë proces, në Odë po zhvillohet edhe një procedurë e gjerë lidhur me sjelljen etike të doktorit.
“Oda ka shprehur publikisht dhe qartë dënimin moral për sjelljen e mjekut, duke theksuar se me veprimet e tij ka shkelur parimet etike dhe ka dëmtuar integritetin dhe reputacionin e profesionit mjekësor. Për të marrë një vendim përfundimtar dhe sa më të drejtë, Oda është duke pritur raportet nga komisionet e formuara nga Ministria e Shëndetësisë dhe Klinika Universitare e Neurologjisë, të cilat duhet të japin një pasqyrë më të gjerë për personalitetin profesional dhe aftësinë e përgjithshme të mjekut. Vendimi përfundimtar i Odës do të merret pas analizës së plotë të të gjitha provave dhe raporteve të mbledhura”, thuhet në njoftim.
Lajme
Zëvendësdrejtori i Agjencisë së Kadastrës Amet Ziberi merr pjesë në konferencën rajonale “From Property to Progress – Nga Prona te Progresi”
Zëvendësdrejtori i Agjencisë së Kadastrës së Maqedonisë së Veriut, Amet Ziberi, po merr pjesë në konferencën rajonale “From Property to Progress – Nga Prona te Progresi”, e cila po mbahet në Tiranë, ku përfaqësues nga vendet e Ballkanit Perëndimor janë bashkuar rreth një vizioni të përbashkët për transformimin digjital, sigurinë juridike të pronës dhe integrimin europian.
Në kuadër të kësaj konference, Ziberi theksoi rëndësinë e bashkëpunimit rajonal dhe shkëmbimit të përvojave ndërmjet institucioneve, duke vlerësuar se ndërtimi i institucioneve moderne, transparente dhe efikase mbetet thelbësor për ofrimin e shërbimeve cilësore ndaj qytetarëve.
Si zëvendësdrejtor i Agjencisë së Kadastrës së Maqedonisë së Veriut, ai potencoi se proceset e transformimit digjital dhe forcimi i sigurisë juridike të pronës janë ndër prioritetet kryesore për avancimin institucional dhe afrimin me standardet europiane.
“Së bashku drejt progresit, inovacionit dhe standardeve europiane”, është mesazhi që përcolli Amet Ziberi nga konferenca rajonale në Tiranë, e cila ka mbledhur përfaqësues institucionalë nga i gjithë rajoni i Ballkanit Perëndimor.
https://www.facebook.com/share/p/1cgbaR2ken/
Lajme
Deputetja Imerlije Saliu në Haxh: Falë mirësisë së Zotit këtë vit mu dha mundësia t’i përgjigjem thirrjes hyjnore
Deputetja e koalicionit VLEN, , ka bërë të ditur se këtë vit po kryen Haxhin, një nga obligimet më të rëndësishme fetare për besimtarët myslimanë.
Përmes një postimi nga vendet e shenjta në Arabinë Saudite, Saliji shprehu mirënjohjen që iu dha mundësia t’i përgjigjet thirrjes për këtë udhëtim shpirtëror, duke cituar fjalët e njohura të telbijes: “Lebbejke Allahumme Lebbejk, Lebbejke la sherike leke Lebbejk”.
Ajo tha se nata në Arafat, vend që në traditën islame njihet si vendi i takimit të parë mes Ademit dhe Havasë, e bën njeriun të kuptojë më thellë madhështinë e Krijuesit dhe përkohshmërinë e kësaj bote.
“Edhe pse kisha mundësinë ta përjetoja Haxhin në rrethana shumë më komode, zgjodha ta përjetoj si çdo besimtar tjetër, sepse Arafati ta rikujton fuqishëm se para Zotit nuk ka dallim pozite, pasurie, kombi apo titulli. Aty të gjithë qëndrojmë njësoj, vetëm si robër të Zotit”, shkroi Saliji.
Në mesazhin e saj, deputetja u lut që Allahu t’i pranojë lutjet e besimtarëve, t’u dhurojë zemra të qeta dhe faljen e Tij, duke kujtuar edhe thënien e Profetit Muhamed (paqja qoftë mbi të): “Haxhi është Arafat”.
Lajme
Çairi bëhet me pishinë të re
Kryetari i komunës së Çairit, Izet Mexhiti, ka njoftuar për hapjen e pishinës në Çair, një projekt që sipas tij ka kushtuar 1 milion euro.
Mexhiti, ka thënë se ata po realizojnë një nga një projektet të cilat i kanë realizuar.
“Pishina sportive, me investim prej 1 milion eurosh, sot hap dyert. Një projekt i madh që për shumë kohë ka qenë nevojë dhe kërkesë e qytetarëve, e që sot bëhet realitet.
Premtim pas premtimi, po i realizojmë. Një nga një. Çdo projekt që kemi zotuar ka hyrë në rrugën e realizimit dhe çdo ditë po dëshmojmë se puna, përkushtimi dhe përgjegjësia japin rezultate. Javë pas jave, bashkë me qytetarët, po përurojmë vepra që mbeten. Si sot këtë pishinë sportive.
Kjo është qeverisja jonë. Ky është VLEN. Fjalët i kthejmë në punë, ndërsa zotimet në rezultate.
Urime!”, ka shkruar Mexhiti.
-
Lajme6 months agoZbulohet Identiteti i Personit Të Vrarë Në Tetovë
-
Lajme2 years agoDetaje nga ngjarja tronditëse në Tetovë: Burri vrau gruan dhe vajzën 4 vjeçe, pastaj qëlloi djalin 9 vjeç dhe veten e tij
-
Lifestyle2 years agoTrashet miqësia me maqedonë në familjen e Adelina Tahirit
-
Lajme2 years agoKëto ministri dhe poste zv ministrash do ti takojnë VLEN-it
-
Lajme6 months agoAplikacion që zbulon kamerat radar, shoferët e shkarkojnë masivisht
-
Lajme2 years agoBurrin e Shkurte Fejzës e godet vetura (PAMJE)
-
Lajme2 years agoJa kush janë 13 deputetët e koalicionit “VLEN” (Lista)
-
Lajme2 years agoDetajet për vrasjen në Bllacë të Shkupit, 57 vjeçari Zelqif Tusha gjendet i vrarë
