Lajme

ASH e Selës pjesë e Qeverisë! Mehmedi: I kemi tre kushte

ASH është subjekt politik i krijuar për shqiptarët, jo për ndarjen dhe përfitimin e pozitave e privilegjeve pa kushte.” Kështu u shpreh në intervistën “1+1” të TVM2 nënkryetari i ASH-së, së Ziadin Selës, Remzi Mehmedi, i pyetur nëse ky subjekt, tashmë i larguar nga AKI, ka fuqi të qëndrojë gjatë në opozitë apo është i gatshëm të bëhet pjesë e Qeverisë.

Sipas tij, opozita apo pushteti nuk janë çështje ambicieje personale, por varen nga rrethanat politike dhe vullneti i elektoratit. Deri më tani nuk u është ofruar asnjë ofertë konkrete, megjithatë subjekti politik i Ziadin Selës mbetet i gatshëm të shqyrtojë seriozisht çdo ofertë për pjesëmarrje.

“Unë mund të themë se në qoftë se do të kemi një ofertë konkrete dhe në bazë të kësaj, sepse duhet të jem korekt, me juve dhe me opinionin që po na ndjek, një ofertë konkrete për ta shtruar në tavolinë që ne ta kemi objekt diskutimi dhe mbi atë të vendosim se çfarë bëjmë, deri në këto momente nuk kemi, ndërsa me dinamikën e zhvillimeve këtu gjithçka është e mundur, duke filluar nga zgjedhjet e shpejta dhe të parakohëshme siç duket çdo ditë që ka tensione midis partnerëve të vetë koalicionit. Nëse i referoheni koalicionit ‘VLEN’ ata janë në proces të koonsolidimit ose shkrirjes së një parti të vetme, nuk është vetëm ai problem, shohim edhe probleme më të theksuara se aq” – u shpreh nënkryetari i ASH-së, Remzi Mehmedi.

Mehmedi: Tre kushte për t’u bërë pjesë e Qeverisë

Edhe në rast se ASH-së do t’i ofrohej një ftesë për pjesëmarrje në Qeveri, shton Mehmedi, prioritet nuk do të ishte marrja e pushtetit si qëllim në vetvete, por përmbajtja e ofertës dhe garancitë konkrete për ndryshime reale në dobi të qytetarëve, veçanërisht të shqiptarëve.

Pa pasur garanci të qarta për zhbllokimin e integrimit evropian, për barazi të plotë institucionale dhe për mekanizma që mbrojnë vullnetin politik të shqiptarëve, çdo ofertë për pushtet do të kërkonte analizë të thelluar dhe vendimmarrje mbi bazë parimesh nga ASH-ja.

“Sigurisht është se debllokimi i rrugës integruese për në BE-n, përfaqësimi i drejt dhe adekuat i shqiptarëve në institucione, çështja që Gjykata Kushtetuese vendimet t’i merr me Badenter në të ardhmen, si dhe çështje të tjera të cilat seriozisht i stabilizojnë funksionimin politik të këtij shteti” – deklaroi Mehmedi.

Kjo pranverë për ASH-në do të jetë sezon riorganizimi dhe rikthimi politik, me ambicie për t’u pozicionuar si faktor kyç në skenën politike. Në pranverë pritet të mbahet kongresi i rregullt, ku ASH-ja do të zgjedhë kryesinë e re, në një moment që shihet si pikë kthese për subjektin.

Lajme

Elezi: VLEN po e kthen përfaqësimin e drejtë dhe adekuat në ligj

Përfaqësuesi i VLEN-it, Afan Elezi, ka deklaruar se përfaqësimi i drejtë dhe adekuat nuk është dhuratë politike, por parim kushtetues që buron nga Marrëveshja Kornizë e Ohrit dhe një nga shtyllat kryesore të karakterit multietnik të shtetit.

Sipas tij, për më shumë se dy dekada kjo çështje ka mbetur pa një zgjidhje ligjore të qëndrueshme, duke u trajtuar përmes mekanizmave të përkohshëm dhe interpretimeve të ndryshme, por pa një ligj të veçantë.

“Për gati 23 vite kjo çështje mbeti pa ligj të veçantë. Arsyet i dimë, kishim arnime, mekanizma të përkohshëm dhe interpretime të ndryshme, por asnjëherë ligj”, ka theksuar Elezi.

Ai ka vlerësuar se me ardhjen e VLEN-it në përfaqësimin e shqiptarëve janë hapur procese që, sipas tij, nuk janë iniciuar gjatë dy dekadave të kaluara.

“Për vetëm 24 muaj ne sollëm ligj dhe po e avancojmë Marrëveshjen e Ohrit. Ky është një hap historik dhe një përgjigje serioze ndaj boshllëkut institucional që u krijua pas shfuqizimit të balancuesit”, ka deklaruar Elezi.

Në fund, ai ka bërë thirrje që të gjitha subjektet politike të mbështesin këtë proces, duke theksuar se tashmë është koha për vendime konkrete dhe jo për retorikë politike.

“Ky është momenti kur secili duhet të tregojë nëse është në anën e historisë. Nuk ka më vend për patriotizëm të rrejshëm. VLEN nuk bën zhurmë për të drejtat e shqiptarëve, por i kthen ato në ligj. VLEN shqiptarët po i bën ligj”, ka përfunduar Elezi.

Lajme

Deputetja e VLEN Mimoza Musa merr pjesë në Konferencën e 5-të në Parlamentin Evropian në Bruksel

Deputetja e Kuvendit të Republikës së Maqedonisë së Veriut nga koalicioni VLEN, Mimoza Musa, mori pjesë më 23 dhe 24 qershor në Konferencën e 5-të me temë “Kapërcimi i hendekut ndërmjet pjesëmarrjes politike të të rinjve dhe politikave rinore”, e mbajtur në Parlamentin Evropian në Bruksel.

Në këtë aktivitet, së bashku me deputetë dhe përfaqësues të shoqërisë civile nga vendet e Ballkanit Perëndimor, u diskutuan tema të rëndësishme që lidhen me politikat rinore dhe përfshirjen e të rinjve në proceset vendimmarrëse.

Gjatë punimeve të konferencës, u trajtuan çështje si avancimi i politikave për të rinjtë, sfidat e shëndetit mendor te gjeneratat e reja, si dhe nevoja për rritjen e pjesëmarrjes së tyre në jetën publike dhe politike. Po ashtu, u theksua rëndësia e perspektivës evropiane për vendet e rajonit dhe forcimi i bashkëpunimit ndërmjet Ballkanit Perëndimor dhe Bashkimit Evropian.

Pjesëmarrësit shkëmbyen përvoja dhe ide mbi mënyrat se si mund të krijohen më shumë mundësi për të rinjtë, duke synuar politika më gjithëpërfshirëse dhe më afër nevojave të tyre.

Deputetja Musa vlerësoi rëndësinë e këtyre forumeve ndërkombëtare si hapësira ku ndërtohen ura bashkëpunimi dhe ku forcohet dialogu për të ardhmen e gjeneratave të reja në rajon.

https://www.facebook.com/share/p/1HGPU1rqzd/

Lajme

Ali Ahmeti priti në selinë e BDI-së të riun nga Gostivari, Naser Veliun

Kreu i Bashkimit Demokratik për Integrim (BDI), Ali Ahmeti, priti sot në selinë e partisë Naser Veliun nga Gostivari, nipin e bashkëveprimtarit të tij të hershëm, të ndjerit Naser Veliu.

Gjatë takimit, Veliu u prezantua si elektroinxhinier i diplomuar në universitete prestigjioze në Mbretërinë e Bashkuar. Takimi u vlerësua si një mundësi për bashkëbisedim me të rinj të arsimuar dhe me përgatitje profesionale, të cilët, sipas Ahmetit, përfaqësojnë një brez me potencial për të kontribuar në zhvillimin shoqëror dhe institucional.

Ahmeti theksoi rëndësinë e përfshirjes së të rinjve në procese shoqërore dhe profesionale, duke vlerësuar se kapitali njerëzor i arsimuar jashtë vendit është një vlerë e shtuar për komunitetin dhe vendin.

Në përfundim të takimit, ai i uroi Naser Veliut suksese të mëtejshme në rrugëtimin e tij profesional dhe personal.

Ja postimi plotë:

Sot kisha kënaqësinë ta pres në selinë e BDI-së Naser Veliun, të riun nga Gostivari, nipin e bashkëveprimtarit tim të hershëm, të ndjerit Naser Veliu.

Naseri është elektroinxhinier, i diplomuar në universitete prestigjioze në Angli. Takime me të rinj të arsimuar, të përgatitur profesionalisht dhe me vizion për të ardhmen janë gjithmonë të këndshme dhe japin shpresë se brezat e rinj do të vazhdojnë të kontribuojnë me dije, përkushtim dhe përgjegjësi për zhvillimin e shoqërisë sonë.

I uroj suksese të mëtejshme në rrugëtimin e tij profesional dhe personal.