Lajme

Deputeti Ilir Demiri i bashkohet VLEN-it

Ilir Demiri nuk do të jetë më deputet i pavarur por i njëjti do ti bashkohet koalicionit VLEN. Këtë informacion e konfimoi kreu i Lëvizjes Demokratike, Izet Mexhiti i cili mes tjerash mohoi përçarjet brenda ASH-së së drejtuar nga Arben Fetai. Ai tha se ata që kërkojnë që VLEN të jetë një parti janë vet votuesit që këtë parti e sollën në pushtet.

IZET MEXHITI, Kryetar i LD-së

“Shqiptarët nuk duan fragmentalizim, nuk duan parcializim nuk duan parti të vogla. Duan që VLEN të jetë një dhe konform kësaj kërkese dhe analize po veprojmë edhe ne, liderët e VLEN. Fillimisht e filloi z.Kasami, që shkriju organet e Besës dhe i drejtoi drejtë subjektit të ardhëshëm VLEN, të njëjtën po e bën edhe z. Fetahu edhe z. Azir Aliu edhe Mimoza edhe Ilir Demiri që është deputeti jonë më i ri”.

Mexhiti paralajmëroi se brenda javës do t’i thërret organet e LD-së për të ndjekur hapin e Lëvizjes Besa për shkarkim të organeve partiake dhe krijimin e VLEN si parti e vetme. Përsëriti se brenda koalicionit është duke u diskutuar modeli me bashkëkryetar dhe aktualisht janë duke u sheshuar argumentet pro dhe kundër.

IZET MEXHITI, Kryetar i LD-së

“Këto ditë me siguri po përgatitet edhe Lëvizja Demokratike që të thërret kuvendin themelues për tu shkrirë dhe për ta bërë VLEN-in një. Në këtë mënyrë besoj se të gjithë flasim me një zë dhe ky zë është drejtë shkrirjes së VLEN në një subjekt të vetëm politik. Ne po bëjmë biseda me argumente pro dhe kundër pjesa dërmuese e faktorëve brenda VLEN për konceptin me bashkëkryetar, po normal që këtu është edhe Alternativa me të cilën bashkë e kemi fillu këtë proces dhe bashkë do të vazhdojmë”.

Shkrirja e VLEN në një parti është duke u diskutuar tashmë disa javë, problematike mbetet modeli i kryetarit, shumica janë për modelin me bashkëkryetar, por ka zëra që kundërshtojnë dhe kërkojnë implementin e modelit kryetar me rotacion.

Lajme

Kasami për protestën: BDI “hedh gurin dhe fsheh dorën”

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në “TV Koha” duke komentuar protestën e së nesërmes në Tetovë thotë se BDI në një farë forme luan rolin e saj në stilin “hedh gurin dhe fsheh dorën”!

Sipas tij, bëhet fjalë për situatë absurd.

“BDI nuk deklarohen se qëndrojnë zyrtarisht pas protestës. Këshilltarët e BDI-së para një kohe kërkuan seancë të jashtëzakonshme të Këshillit komunal dhe kur morën informatë se kjo nuk është çështje e Këshillit komunal dhe në situatë kur Këshilli komunal mund të përsërisë gabimin që është bërë në 2007, me automatizëm Këshilli komunal shkon në zgjedhje në bazë të Ligjit dhe Kushtetutës dhe e heshtën atë çështje. Duke e ditur që faji më shumë është i atyre, sepse nuk kemi ne aspak faj si VLEN as në pushtetit qendror e as në atë lokal, ata po mundohen edhe një herë të ‘hedhin gurin dhe të fshehin dorën’. Konkretisht ata duhet të tregojnë se cili është faji i kësaj qeverise aktuale të komunës dhe kësaj qeverie aktuale në pushtetin qendror”, ka thënë Kasami.

Lajme

Kasami: Vendimi i Gjykatës Kushtetuese nuk do të ndryshojë asgjë

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në TV Koha ka thënë se vendimi i Gjykatës Kushtetuese për emrat e rrugëve në Tetovë, nuk do të ndryshojë asgjë.

I pyetur se çfarë do të ndodhë me fatin e rrugës “Dervish Cara”, Sheshin “Iliria” dhe cili do të jetë epilogu, Kasami shprehet i prerë:

“Vendimi i Gjykatës Kushtetuese nuk do të ndryshojë asgjë. Komuna do të vazhdojë të përdorë emërtimet e vitit 2007 e këndej, institucionet do të vazhdojnë të përdorin emërtimet si gjithmonë, ndërkohë Komuna e Tetovës do të vazhdojë me procesin e emërtimit të rrugëve. Ky proces do të përfundojë konform Ligjit dhe Kushtetutës dhe nga ai moment edhe këta rrugë dhe shumë rrugë tjera do të kenë emërtime shqiptare”, ka thënë mes tjerash Kasami.

Lajme

Kasami: BDI dhe Gjykata Kushtetuese të sinkronizuar dakorduan vendimin

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në TV Koha duke komentuar protestën e nesërme tha se qytetarët nuk do t`i përgjigjen pozitivisht protestës së BDI-së, duke pranuar se integristët megjithatë kishin harxhuar kohën e tij, siç tha ai, “për të trajtuar një problem inekzistent”.

Ai tha se le të tregojnë se cila është përgjegjësia e Tetovës, cila është përgjegjësia e kësaj qeverie që ne siç tha, “të dalim e t`u përgjigjemi”.

“E vetmja përgjegjësi këtu është e Gjykatës Kushtetuese dhe e BDI-së që në mënyrë të sinkronizuar dakordojnë një vendim për abrogim të këtij vendimi në momentin kur jemi në fazën finale të emërtimit të rrugëve konform Kushtetutës dhe Ligjit. Dhe një herë duhet të pyes publikisht BDI-në ‘A është edhe një tentim i BDI-së, për të ndalur procesin e emërtimit të rrugëve në Tetovë?”, ka thënë Kasami.