Lajme

12 vendet më të sigurta për strehim, në rast se shpërthen Lufta e Tretë Botërore

Sulmet e SHBA-ve ndaj objektivave ushtarake iraniane, të quajtura “Operacioni Furia Epike”, dhe kundër-sulmet e Iranit ndaj interesave izraelite dhe amerikane në Lindjen e Mesme kanë shkaktuar shpërthime në disa vende, përfshirë Emiratet e Bashkuara Arabe, Bahreinin dhe Katarin. Ngjarjet e fundit përfshijnë edhe vdekjen e Liderit Suprem të Iranit, Ali Khamenei, duke shtuar frikën për një skenar të Luftës së Tretë Botërore. Duke marrë parasysh këto zhvillime, në një artikull të publikuar nga AOL, renditen disa nga vendet më të sigurta në botë, ku njerëzit mund të strehohen në rast të një konflikti global:

ANTARKTIDA. Me pozicionin e saj të largët dhe mbi 5.4 milionë milje katrorë tokë të paprekur, Antarktida konsiderohet një nga vendet më të sigurta për të shmangur konfliktin.
ISLANDA. I izoluar dhe i njohur si një nga vendet më paqësore në botë, Islanda ka mbajtur qëndrim neutral dhe nuk është përfshirë kurrë në luftëra apo pushtime.
ZELANDA E RE. Vendi renditet i dyti në Indeksin Global të Paqes dhe ka mbajtur qëndrim neutral në shumicën e konflikteve ndërkombëtare. Terreni malor i ofron mbrojtje shtesë.
ZVICRA. E njohur për neutralitetin e saj historik, Zvicra ka një terren natyror mbrojtës dhe shumë strehimore bërthamore, duke e bërë një nga vendet më të sigurta në botë.
GREENLAND. Si ishull i largët dhe territor i Danimarkës, Greenland ka një popullsi të vogël dhe nuk ka interes strategjik për superfuqitë globale.
INDONEZIA. Vendi ndjek politikën e neutralitetit dhe prioritetin e paqes globale, duke mos marrë pjesë në përplasjet ndërkombëtare.
TUVALU. Një ishull me vetëm 11 mijë banorë, i largët dhe me burime të kufizuara, që e bën të pakëndshëm si objektiv agresioni.
ARGENTINA. Me burime ushqimore të bollshme dhe tokë pjellore, Argentina ka potencial të mbijetojë një krizë globale, edhe pas një konflikti bërthamor.
BHUTAN. Vendi i izoluar në Azi Jugore ka shpallur neutralitet që nga 1971 dhe pozicioni i rrethuar nga male e bën më të sigurt.
CHILE. Me tokë pjellore, burime natyrore dhe infrastrukturë të zhvilluar, Chile është një nga vendet më të sigurta në Amerikën e Jugut.
FIJI. I vendosur larg Australisë dhe me një ushtri të vogël, Fiji ofron burime ushqimore, pyje të dendura dhe peizazhe të favorshme për mbijetesë.
AFRIKA E JUGUT. Me burime të shumta ushqimore, tokë pjellore, ujë të freskët dhe infrastrukturë moderne, Afrika e Jugut është një nga vendet më të favorshme për mbijetesë në rast të një konflikti global

Lajme

Kasami për protestën: BDI “hedh gurin dhe fsheh dorën”

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në “TV Koha” duke komentuar protestën e së nesërmes në Tetovë thotë se BDI në një farë forme luan rolin e saj në stilin “hedh gurin dhe fsheh dorën”!

Sipas tij, bëhet fjalë për situatë absurd.

“BDI nuk deklarohen se qëndrojnë zyrtarisht pas protestës. Këshilltarët e BDI-së para një kohe kërkuan seancë të jashtëzakonshme të Këshillit komunal dhe kur morën informatë se kjo nuk është çështje e Këshillit komunal dhe në situatë kur Këshilli komunal mund të përsërisë gabimin që është bërë në 2007, me automatizëm Këshilli komunal shkon në zgjedhje në bazë të Ligjit dhe Kushtetutës dhe e heshtën atë çështje. Duke e ditur që faji më shumë është i atyre, sepse nuk kemi ne aspak faj si VLEN as në pushtetit qendror e as në atë lokal, ata po mundohen edhe një herë të ‘hedhin gurin dhe të fshehin dorën’. Konkretisht ata duhet të tregojnë se cili është faji i kësaj qeverise aktuale të komunës dhe kësaj qeverie aktuale në pushtetin qendror”, ka thënë Kasami.

Lajme

Kasami: Vendimi i Gjykatës Kushtetuese nuk do të ndryshojë asgjë

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në TV Koha ka thënë se vendimi i Gjykatës Kushtetuese për emrat e rrugëve në Tetovë, nuk do të ndryshojë asgjë.

I pyetur se çfarë do të ndodhë me fatin e rrugës “Dervish Cara”, Sheshin “Iliria” dhe cili do të jetë epilogu, Kasami shprehet i prerë:

“Vendimi i Gjykatës Kushtetuese nuk do të ndryshojë asgjë. Komuna do të vazhdojë të përdorë emërtimet e vitit 2007 e këndej, institucionet do të vazhdojnë të përdorin emërtimet si gjithmonë, ndërkohë Komuna e Tetovës do të vazhdojë me procesin e emërtimit të rrugëve. Ky proces do të përfundojë konform Ligjit dhe Kushtetutës dhe nga ai moment edhe këta rrugë dhe shumë rrugë tjera do të kenë emërtime shqiptare”, ka thënë mes tjerash Kasami.

Lajme

Kasami: BDI dhe Gjykata Kushtetuese të sinkronizuar dakorduan vendimin

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në TV Koha duke komentuar protestën e nesërme tha se qytetarët nuk do t`i përgjigjen pozitivisht protestës së BDI-së, duke pranuar se integristët megjithatë kishin harxhuar kohën e tij, siç tha ai, “për të trajtuar një problem inekzistent”.

Ai tha se le të tregojnë se cila është përgjegjësia e Tetovës, cila është përgjegjësia e kësaj qeverie që ne siç tha, “të dalim e t`u përgjigjemi”.

“E vetmja përgjegjësi këtu është e Gjykatës Kushtetuese dhe e BDI-së që në mënyrë të sinkronizuar dakordojnë një vendim për abrogim të këtij vendimi në momentin kur jemi në fazën finale të emërtimit të rrugëve konform Kushtetutës dhe Ligjit. Dhe një herë duhet të pyes publikisht BDI-në ‘A është edhe një tentim i BDI-së, për të ndalur procesin e emërtimit të rrugëve në Tetovë?”, ka thënë Kasami.