Lajme

VLEN pret vendimin e Alternativës! Partia ende po shqyrton marrëveshjen për ndarjen e strukturave

Janë dakorduar të shkrihen në një parti, por ka mbetur vetëm Alternativa të pajtohet për ta zyrtarizuar VLEN-in si një subjekt i vetëm.

“Ka mbetur ashtu siç e kemi potencuar që Alternativa këto vendime t’i kalojë në organet e partisë dhe të vazhdojë procesi i formal i ngritjes së strukturave të përbashkëta të VLEN-it”, tha Bilall Kasami-VLEN.

Kasami e përsëriti se marrëveshja është me dy kryetarë, ai bashkë me Mexhitin dhe ndarja e pushtetit të jetë në 5 pjesë nga 20%. Por për këtë Alternativa model ende po mendohet nëse do të pajtohen ose jo!?

“Bëhet fjalë për një dakordësi paraprake që lidershipi të jetë me dy bashkëkryetarë, me dy nënkryetarë, sekretar gjeneral dhe pjesa tjetër organizative. Poashtu ka një dakordësi paraprake që ndarja të jetë 5 nga 20% e strukturës së organeve të partisë dhe kur do të jetë si do të jetë, varet nga konsultimet brenda Alternativës”, shtoi Bilall Kasami nga VLEN.

Ndërkohë jashtë VLEN-it mund të mbetet Arben Fetai i cili pasi mbeti jashtë loje doli me një reagim në të cilin shkroi:

“Mësimi është i thjeshtë: kur një lëvizje fillon të konsumojë njerëzit e saj për shkak të apetiteve të fraksioneve, ndonjëri prej tyre mund të forcohet përkohësisht, por në fund, lëvizja e han kokën e vet”, tha Arben Fetai.

I pyetur për këtë Kasami tha se VLEN është organizatë gjithëpërfshirëse dhe se ideja ka qenë përfshirja e sa ma shumë subjekteve apo faktorëve politikë në skenën politike, por siç shtoi, nuk mund askënd ta mbajmë me forcë.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net