Lajme

Osmani: Një ditë që ekspozon drejtimin e rrezikshëm të Qeverisë

Nënkryetari i parë i Bashkimit Demokratik për Integrim (BDI), Bujar Osmani, ka reaguar ashpër ndaj zhvillimeve të fundit në vend, duke numëruar një sërë vendimesh dhe veprimesh që, sipas tij, dëshmojnë për një devijim të qartë nga standardet demokratike dhe barazia ndëretnike.

Në një reagim publik, Osmani thekson se vetëm brenda një dite janë ndërmarrë disa hapa që prekin drejtpërdrejt përfaqësimin e shqiptarëve në institucionet shtetërore dhe orientimin strategjik të vendit.

Reagimi i plotë i Bujar Osmanit:

Vetëm në një ditë:

1. Qeveria ul me 38% strukturën drejtuese në MPB, duke goditur drejtpërdrejt pozitat ku shqiptarët kishin përfaqësim dhe ndikim në nivelet kyçe
2. Dokumentet dëshmojnë se 5 shqiptarë në Ministrinë për Marrëdhënie Ndërmjet Bashkësive janë larguar në mënyrë të kundërligjshme
3. 25 milionë euro blerje të energjisë elektrike vetëm në tre muaj, edhe gjatë orëve të natës
4. Kryetari i Gjykatës Kushtetuese thotë se më mirë të mbyllet Gjykata Kushtetuese sesa shqiptarët të kenë ndikim në të
5. 40 avancime në Regjistrin Qendror, asnjë për shqiptarët dhe komunitetet tjera etnike
6. Kryeministri mbylli shpresën se ky vend po ecën drejt Bashkimit Evropian, duke e bërë gjithnjë e më të qartë se ndryshimi i drejtimit strategjik të shtetit ka qenë plan i përgatitur me sponzorët e Qeverisë
7. Vlen? plotësojeni ju …

Lajme

Paraqitet Arben Fetai nga Tailanda

Zv/kryeministri Arben Fetai i cili një kohë të gjatë ka qenë larg opinionit, pas përplasjeve të brendshme në ASH dhe koalicionin VLEN, ka postuar një foto në rrjetet sociale nga Bagkogk- Tailandë.
Siç dihet Fetai është larguar nga skena politike, ndërsa paralajmërimet janë se shkarkimi i tij nga Qeveri do të ndodhë pas rikonstruimit të Qeverisë.

Lajme

Kuvendin voton për shfuqizimin e Qeverisë teknike

Në Kuvendin e Maqedonisë së Veriut janë miratuar ndryshimet në Ligjin për Qeveri, me të cilin parashikohet shfuqizimi i konceptit të Qeverisë teknike (Përzhinos), raporton SHENJA

Megjithatë ky ndryshim nuk do të hyjë menjëherë në fuqi, pra do të vlejë edhe për zgjedhjet e ardhshme, ndërsa më pas nuk do të ketë qeveri teknike.

Për këto ndryshime votuan 70 deputetë, ndërsa 11 ishin kundër.

Lajme

Shtekli dënohet me tetë vjet burg

Gjykata Themelore Penale në Shkup sot nxori një vendim me të cilin Rade Trajkovski, i njohur si “Shtekli”, dënohet me tetë vjet burg për organizim të një grupi trafikantësh droge.

Këshilli gjyqësor vendosi se Trajkovski udhëhoqi një grup që ishte i përfshirë në shitjen e kokainës dhe marihuanës, pas së cilës ai u dënua me burg.

Përveç tij, gjykata dha vendime edhe për të akuzuarit e tjerë në këtë rast.

Stefan Kitanov dhe Aleksandar Buçevski u dënuan me nga pesë vjet burg secili, Filip Tanevski gjithashtu mori një dënim me pesë vjet, ndërsa Stojan Millanov u dënua me tre vjet e dhjetë muaj burg.

Gjykatësi Ilija Trpkov theksoi se procedura u zhvillua në mënyrë efikase dhe pa vonesë, duke theksuar se çështja u përfundua brenda nëntë muajve me një rrjedhë të vazhdueshme të gjykimit.

Ky vendim i jep fund njërit prej rasteve më të rëndësishme që lidhen me trafikimin e drogës në periudhën e kaluar, dhe palët kanë të drejtë të ankimojnë.