Lajme

Sela: Akuza e Mickovskit se autostrada nga ana e Shqipërisë ka ngecur 25 km nga kufiri, është manipulim

Nga Aleanca për Shqiptarët, krahu i Ziadin Selës, kanë reaguar pas deklaratave të sotme të kryeministrit Hristijan Mickoski në lidhje me ndërtimin e Korridorit 8. Nga ASH Sela thonë se nuk është e vërtet që pjesa e Shqipërisë do të përfundojë 25 km larg Qafë Thanës, dhe se për këtë çështje ka marrëveshje mes dy qeverive.

Në lidhje me: Deri në qershor do të dihet fati i segmentit Trebenishtë-Qafë Thanë, Mickoski: Nga pjesa e Shqipërisë, Korridori 8 do të përfundojë 25 km larg Qafë Thanës

“Përgjigja e kryeministrit Hristian Mickoski lidhur me Korridorin 8 përmban shumë të pavërteta dhe shtrembërime. Tentimi për të akuzuar Shqipërinë se autostrada ka ngecur 25 kilometra larg kufirit është një manipulim i radhës, sepse ajo ka qenë një marrëveshje mes dy Qeverive për ndërtimin dhe bashkëfinancimin e një tuneli që edhe pikën kufitare do ta zhvendoste në një pozicion më të favorshëm që shkurton dukshëm rrugën dhe mirëmbahet më lehtë. Por edhe këtë marrëveshje Qeveria aktuale e ka shkelur dhe mundohet ta manipulojë”, thonë nga ASH-Sela.

Nga ASH-Sela kritikuan kryeministrin, në pjesën ku tha se vendet si Kërçova e Struga janë me banorë me shumicë absolute maqedonase.

“Edhe më skandaloze është pjesa e deklaratës kur kryeministri thotë se Dibra, Kërçova e Struga janë me shumicë absolute maqedonase. Kjo jo vetëm që nuk është e saktë, por shfaq nënvetëdijen e tij e cila është kontradiktore me fjalët paraprake kur zohet se është kryeministër për të gjithë qytetarët dhe bën thirje që projektit të mos i jepet karakter etnik. Tani që të gjitha faktet dolën në shesh dhe skenaret u demantuan, e ftojmë kryeministrin që t’i kthehet realitetit dhe punës për realizimin e Korridorit 8 pa vonesa e komplikime”, shtojnë nga ASH-Sela.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net