Connect with us

Lajme

Ish-deputeti i VMRO-së sulmon fizikisht mjekun në orar të punës – rasti paraqitet në polici

Mjeku turk H.E., i cili punon në spitalin publik të Radovishit, mbrëmë u sulmua fizikisht gjersa ishte në detyrë, në repartin e emergjencës.

Mjeku i Spitalit Shtetëror të Radovishit, H.E, në deklaratën e tij dhënë për TIMEBALKAN, deklaroi që mbrëmë rreth orës 19.00, ishte sulmuar fizikisht nga ish deputeti i VMRO DPMNE-së, T.D.

Duke folur rreth kësaj çështje, mjeku turk H.E. nga Radovishi deklaroi: “Rreth orës 19:00 në mbrëmje, derisa isha në orar të punës, personi T.D., hyri në dhomë dhe më sulmoi fizikisht, para kolegut tim dhe shoferit. Menjëherë e kemi denoncuar ngjarjen në polici dhe kemi bërë deklaratën e nevojshme. Pavarësisht kësaj, policia nuk bëri e punën e saj duke mos ndaluar personin”, theksoi i sulmuari.

Sipas të dhënave jozyrtare, thuhet që shkak për sulmin ndaj mjekut turk, paska qenë vdekja e nënës së ish ish-deputetit nga VMRO- DPMNE, T. D.

Click to comment

Leave a Reply

Your email address will not be published. Required fields are marked *

Lajme

Paralajmëroi burgosjen e Vuçiqit nëse hyn në Kosovë pa leje, deklarohet Sveçla

Ministri i Brendshëm, Xhelal Sveçla ka folur për deklaratën e tij se nëse Vuçiq tenton të futet pa leje në Kosovë, do të arrestohet.

Sveçla tha se kjo është deklaratë mëse normale e një shteti sovran.

“Nuk mund të pretendojmë se nuk ka ndodhur Banjska, se s’ka ndodhur kidnapimi i policëve. Ne me vetëdije kemi vendosur që të kthejmë normalitetin në çdo cep të vendit, të vendosim ligjshmëri edhe në pjesë të tjera. Destruktiviteti i Serbisë duhet të luftohet jo vetëm nga ne, por edhe nga aleatët tanë.

Ka pasë deklarata, ftesa qëndrime që Vuçiq duhet të vijë në Kosovë. Deklarata ime ka qenë e zakonshme, është obligim i yni ta mbrojmë sovranitetin dhe integritetin territorial të Kosovës. Është deklaratë mëse normale e një vendi të pavarur dhe sovran. Nëse Vuçiq pretendon me u futë në Kosovë me ushtri, ne do të përgjigjemi”, tha Sveçla në Euronews Albania.

Ai po ashtu është shprehur se autoritetet kosovare kanë prova se presidenti i Serbisë, Aleksandër Vuçiç, ka qenë drejtpërdrejtë i përfshirë në trajnimin e grupit terrorist që kreu sulmin në Banjskë të Zveçanit.

Sveçla tha se Kosova i ka të gjithë skenarët dhe përgatitjet e duhura për t’iu përgjigjur agresionit të mundshëm serb.

“Kishim fatin të mblidhnim shumë dëshmi lidhur me grupin terrorist. Tani e dimë se para sulmit në Banjskë, ky grup është trajnuar në një poligon zyrtar ushtarak të Serbisë. Së fundi vuçiç vizitoi këtë poligon, ku ushtria e rregullt serbe pati një trajnim ushtarak. Kemi incizimet, kemi pranim dorëzimet e armatimit nga magazinat e ushtrisë për këtë grup terrorist, tha Sveçla.

“Kemi informata inteligjente, dëshmi gojore, që tregojnë se Vuçiq ishte drejtpërdrejtë i përfshirë në trajnimin e këtij grupi. Kemi të gjitha dëshmitë. Është tjetër nëse dëshirojmë t’i injorojmë apo minimizojmë. Ne për këto arsye kemi pasur edhe takime të Këshillit të Sigurisë. Ne kemi skenarët, përgatitjet dhe mobilizimin e kapaciteteve tona për t’iu përgjigjur çdo lloj agresioni të grupeve terroriste të financuara nga Serbia”.

Ai tha gjithashtu se gjatë qeverisjes së kryeministrit Albin Kurti, është punuar që situata në veri të Kosovës t’i kthehet normalitetit.

“Ne po punojmë që 17 % e territorit të Kosovës t’i kthehet normalitetit. Të gjithë e dimë se për 22-23 vite situata në veri të Kosovës, në 4 komunat veriore nuk ka qenë normale. Ka qenë një agresion i hapur i Serbisë përmes instrumenteve të saj, që është shpërfaqur herë shumë agresive, duke shtypur popullin shqiptar atje, si në vitin 2000 kur u shpërngulën nga Mitrovica e Veriut 11 mijë shqiptarë e u vranë 11 persona”, tha Sveçla.

Continue Reading

Lajme

Ngritet kallëzim penal ndaj 36-vjeçarit për tentim vrasje ndaj kryetarit të komunës së Haraçinës, Ridvan Ibraimit

MPB njofton se SPB Shkup ka zbardhur ngjarjen penale nga 01.04.2024 në fshatin Aracinovë, rajoni i Shkupit, kur u raportua se ndaj kryetarit të komunës së Aracinovës, R.I., dhe persona të tjerë të punësuar në komunë, ndërsa po kryenin inspektime në punimet ndërtimore, nga një person i panjohur me armë automatike u qëlluan disa plumba, ku mbetën të plagosur E.S. (39) dhe A.A. (22). Menjëherë pas marrjes së raportit, nga ana e zyrtarëve policorë të Njësisë për Krime të Dhunshme – Seksioni për Krime të Gjakut dhe Seksuale në SPB Shkup, në koordinim me Prokurorinë Themelore Publike Shkup, janë ndërmarrë një sërë veprimesh operative dhe hetimore, ku është identifikuar autori.

Pas përfundimit të plotë të materialeve zyrtare dhe ekspertizave të kryera, më 16.07.2024, në Prokurorinë Themelore Publike Shkup është dorëzuar një kallëzim penal kundër M.A. (36) për veprën penale “tentim për vrasje”, e parashikuar dhe e ndëshkueshme sipas nenit 123 në lidhje me nenin 19 të Kodit Penal.

Continue Reading

Lajme

5.601 persona kanë hequr dorë nga nënshtetësia e RMV-së në pesë vitet e fundit

Vende të ndryshme kanë rregulla të ndryshme për marrjen e shtetësisë. Disa lejojnë mbajtjen e dy ose tre pasaportave, e disa të tjera jo. Shkas për trajtimin temës së kthimit të nënshtetësisë së Maqedonisë së Veriut u bë vendimi i Gjermanisë për lejimin e dyshtetësisë, e cila deri para pak kohësh insistonte në shtetësi ekskluzive. Si rregull, një i huaj mund të bëhej gjerman nëse hiqte dorë ose humbiste shtetësinë paraprake. Megjithatë rrethanat ndryshojnë, ashtu sikurse në këtë rast, ndërsa qytetarët ngrenë pikëpyetjen, a mund ta kthejnë shtetësinë e Maqedonisë së Veriut pas ndryshimit të rrethanave apo ligjeve të vendit përkatës? Portalb.mk pyeti MPB-në për këtë çështje dhe përgjigjja është: PO. Por si dhe kur?

Sipas MPB-së, personat që heqin dorë nga shtetësia e Maqedonisë së Veriut, nuk mund të parashtrojnë menjëherë kërkesë për kthim të së njëjtës, por për ta bërë këtë, duhet të kalojë një periudhë e caktuar kohore.

“Qytetarët e Republikës së Maqedonisë së Veriut të cilët kanë marrë vendim për heqjen e shtetësisë së Republikës së Maqedonisë së Veriut, pas 3 vjetësh nga data e pranimit të vendimit për heqjen e shtetësisë, mund të paraqesin kërkesë personale për kthimin e shtetësisë sipas Nenit 8 të Ligjit për shtetësinë e Republikës së Maqedonisë së Veriut”, thuhet në përgjigjen e MPB-së.

Ligji për shtetësinë e Republikës së Maqedonisë së Veriut rregullon mënyrën dhe kushtet për fitimin dhe heqjen dorë nga shtetësia e Republikës së Maqedonisë së Veriut, përcaktimin e shtetësisë, organin kompetent shtetëror për zgjidhjen e këtyre rasteve, vërtetimin e shtetësisë dhe mbajtjen e evidencës së qytetarëve të Republika e Maqedonisë së Veriut.

Kërkesa për nxjerrjen, heqjen ose përcaktimin e shtetësisë së Republikës së Maqedonisë së Veriut dorëzohet në Ministrinë e Punëve të Brendshme sipas vendbanimit të personit ose, nëse personi jeton jashtë vendit, në përfaqësinë diplomatike-konsullore të Republikës së Maqedonisë së Veriut jashtë vendit.

“Qytetarët e Republikës së Maqedonisë së Veriut të cilët kanë paraqitur kërkesë për lirim nga shtetësia e Republikës së Maqedonisë së Veriut, gjatë procedurës mund të heqin dorë nga kërkesa për lirim nga shtetësia në pajtim me nenin 54 paragrafi 1 të Ligjit për Procedurën e Përgjithshme Administrative, me të cilën do të ndërpritet procedura administrative dhe do të konsiderohen shtetas të Republikës së Maqedonisë së Veriut”, njofton MPB.

Në pyetjet e redaksisë sonë se sa persona kanë hequr dorë nga nënshtetësia e vendit tonëviteve të fundit, për cilën arsye më të shpeshtëdhe shtetësinë e cilit vend kanë marrë, nga MPB thonë se në pesë vitet e fundit, 5.601 persona janë liruar nga shtetësia e Republikës së Maqedonisë së Veriut.

“Numri më i madh i kërkesave për përjashtim janë për marrjen e nënshtetësisë së RF të Gjermanisë, Sllovenisë dhe Austrisë, ndërsa një numër më i vogël i kërkesave për marrjen e shtetësisë së Holandës, Republikës së Kroacisë, Bosnjë-Hercegovinës, Republikës së Serbisë, Bullgaria, Lihtenshtajnit, Singapori dhe vende të tjera”, thuhet në njoftim.

Qytetarët e Republikës së Maqedonisë së Veriut shtohet më tej, lirohen nga shtetësia e Republikës së Maqedonisë së Veriut për të fituar shtetësinë e një shteti tjetër, i cili në përputhje me legjislacionin e tyre kombëtar ka siguruar posedimin e vetëm një shtetësie.

Kushtet që duhet plotësuar për nënshtetësi nëpërgjithësi
1. Të jetë 18 vjeç;
2. Të jetojë në RMV në mënyrë të ligjshme dhe të vazhdueshme për të paktën 7 vjet;
3. Të ketë një apartament të siguruar;
4. Të ketë siguruar një burim të përhershëm të mjeteve të jetesës në një masë që mundëson siguri materiale dhe shoqërore në kushtet e përcaktuara me ligj;
5. Në RMV dhe në shtetin e të cilit jeni shtetas, nuk jeni dënuar me burgim të paktën një vit, për vepra për të cilat ndiqen sipas detyrës zyrtare dhe që dënohen sipas rregulloreve në RMV-së;
6. Në RMV dhe në shtetin e të cilit jeni shtetas, kundër jush nuk duhet të zhvillohet procedim penal;
7. Të zotërosh gjuhën maqedonase në atë masë sa të kuptosh lehtësisht rrethinën;
8. Nuk ju është shqiptuar masa ndaluese e qëndrimit në RMV;
9. Pranimi juaj në shtetësinë RMV nuk kërcënon sigurinë dhe mbrojtjen e RSM;

Çfarë kushtesh duhet plotësuar, ata që kanë hequr dorë?
Nëse keni qenë të martuar para një gjendjeje civile me një shtetas të RMV për të paktën tetë vjet dhe jetoni ligjërisht dhe përgjithmonë jashtë vendit, mund të merrni nënshtetësinë RMV nëse:

· plotësoni të gjitha kushtet e mësipërme që duhet të plotësojë çdo i huaj, përveç kushteve 2, 3, 4 dhe 7, gjegjësisht nuk duhet të keni jetuar fare në RMV, nuk duhet të flisni gjuhën maqedonase dhe nuk duhet të hiqni dorë nga shtetësia e huaj ose të vërtetoni se do ta merrni atë.

· Paraqisni një kopje të dokumentit që konfirmon se keni një vendbanim të ligjshëm të regjistruar në një shtet tjetër, vërtetimin e shtetësisë së burrit/gruas tuaj, si dhe të gjitha dokumentet e tjera të listuara më sipër, përveç pyetësorit për njohjen e gjuhës maqedonase.

Po nëse nuk jetoni në RMV, por jeni emigrant nga RMV apo fëmijë emigranti apo keni hequr dorë nga nënshtetësia?
Ju mund të aplikoni për shtetësi me dokumentet e nevojshme si më sipër në ambasadën (konsullata) më të afërt të RMV-së. Nuk keni nevojë të liroheni nga shtetësia që keni ose të jetoni në RMV dhe nuk duhet të flisni gjuhën maqedonase, por duhet të plotësoni të gjitha kushtet e tjera si çdo i huaj i përmendur më lart.

Për informata më të detajuara, qytetarët duhet të drejtohen në konsullatat apo ambasadat më të afërta të RMV-së, për të nisur procedurën e kthimit të nënshtetësisë

Kujtojmë se ligji i ri për shtetësinë në Gjermanika hyrë në fuqi më 27 qershor 2024. Ky ligj mundëson që më lehtë të merret pasaporta gjermane, përfshirë mbajtjen e dyshtetësisë. Përpara kësaj, personat që kanë pasur shtetësi të huaj dhe i kanë plotësuar kushtet për pasaportë gjermane, duhej të hiqnin dorë nga shtetësia e atij vendi. Po kështu ka ndodhur edhe me shtetas të Maqedonisë së Veriut.

Ligji i ri, i cili u propozua nga koalicioni qeveritar trepartiak i qendrës së majtë i Gjermanisë, ua mundëson njerëzve ta marrin shtetësinë gjermane pa e humbur shtetësinë e vendit të lindjes.

Njerëzit tani mund të aplikojnë për shtetësi gjermane pasi të kenë jetuar pesë vjet në Gjermani, nëse i plotësojnë të gjitha kushtet. Në të kaluarën, kusht ishte tetë vjet banim në Gjermani.

Fëmijët e lindur në Gjermani nga prindër të huaj do ta fitojnë shtetësinë gjermane nëse njëri prej prindërve ka qenë banor i ligjshëm në Gjermani për pesë vjet, në vend se për tetë vjet.

Continue Reading

TË FUNDIT

Lajme13 mins ago

Paralajmëroi burgosjen e Vuçiqit nëse hyn në Kosovë pa leje, deklarohet Sveçla

Ministri i Brendshëm, Xhelal Sveçla ka folur për deklaratën e tij se nëse Vuçiq tenton të futet pa leje në...

Lajme15 mins ago

Ngritet kallëzim penal ndaj 36-vjeçarit për tentim vrasje ndaj kryetarit të komunës së Haraçinës, Ridvan Ibraimit

MPB njofton se SPB Shkup ka zbardhur ngjarjen penale nga 01.04.2024 në fshatin Aracinovë, rajoni i Shkupit, kur u raportua...

Lajme16 mins ago

5.601 persona kanë hequr dorë nga nënshtetësia e RMV-së në pesë vitet e fundit

Vende të ndryshme kanë rregulla të ndryshme për marrjen e shtetësisë. Disa lejojnë mbajtjen e dy ose tre pasaportave, e...

Lajme18 mins ago

Qeveria ka emëruar disa drejtorë, ja emrat

Qeveria e Republikës së Maqedonisë së Veriut dje në seancën e gjashtë ka marrë disa vendime për emërimin e disa...

Lajme20 mins ago

Rriten pensionet për 2500 denarë menjëherë! Qeveria sapo mbaroi seancën

Ministri, Aleksandar Nikollovski ka njoftuar se para pak minutash ka mbaruar seanca qeveritare, transmeton TV21. Në kuadër të kësaj seance,...

Lajme22 mins ago

SHBA-ja raportohet se u informua për një komplot iranian për v’rasjen e Trumpit

Autoritetet amerikane u informuan nga një person civil mbi një komplot nga Irani për vrasjen e Donald Trumpit, një zhvillim...

Lajme16 hours ago

ASH: vLEN legjitimon planin e Stoilkoviçit për largimin e 3000 shqiptarëve nga administrata

Nga Aleanca për Shqiptarët kanë reaguar pas deklaratave të Bilall Kasamit lidhur me 3000 të punësuarit sipas Marrëveshjes së Ohrit,...

Sport24 hours ago

Southgate jep dorëheqje nga Anglia

Gareth Southgate ka dhënë dorëheqje nga pozita e selektorit të Anglisë. Dorëheqjen e ka dorëzuar para pak minutash në Federatën...

Lajme24 hours ago

Prokuroria do ta hetojë aksidentin e autobusit të NTP Shkup

Prokuroria Themelore e Shkupit njofton se ka hapur lëndë dhe po ndërmerr veprime për hetimin e aksidentit të autobusit të...

Lajme24 hours ago

MPB konfirmon rastin me personin e vdekur që u gjet në fshatin Orman të Shkupit

Një burrë i rritur me inicialet Ç.R mbrëmë me lëndime të rënda në kokë është gjetur pranë një veture në...

Trending