Lajme

Ademi: Opozita shqiptare bashkë me VMRO-në mbrojnë monopolin e kazinove dhe jo interesin qytetar!

Ndryshimet e Ligjit për Lojëra të Fatit nuk janë miratuar. Kuvendi sqaroi se edhe pse dje është thënë se konstatohen ndryshimet e këtij ligji, në fakt për të njejtin ligj duheshin 61 vota, kurse dje kanë votuar vetëm 51.

Për mos votimin e ndryshimit të Ligjit për Lojëra të Fatit reagon BDI. Koordinatori i grupit parlamentar Arbër Ademi kërkon nga deputetët që nuk kanë votuar, përgjegjësi morale dhe politike dhe i bënë thirrje gazetarëve dhe deputetëve që janë në anën e siç thotë ai kazonove, të deklarohen publikisht.

Arbër Ademi, koordinator i grupit parlamentar të BDI-së MKD

“Dje u pa një moment aspak i mirë për qytetarët e vendit nga deputetët e Kuvendit të Maqedonisë së Veriut, që së paku një herë, madje as edhe për një herë nuk u bashkuan njëzëri e të votojnë një ligj në të mirë të të gjithë qytetarëve. Opozita shqiptare, VMRO-DPMNE, Levica dhe disa deputetë të koalicionit, nuk përkrahën ligjin për Lojërat e Fatit, ligj ky që do të mundësonte që këto veprimtari të largohen 500 metra nga shkollat. Më vjen keq që me stërzgjatjen e debatit mbi këtë ligj e poashtu dhe mos përkrahjen e të njejtit, po mbrohet monopoli i kazinove dhe bastoreve, ndërsa nuk mendohet ardhmëria e qytetarëve dhe sidomos fëmijëve tanë, pasi këto veprimtari ndodhën shumë pranë objëkteve shkollore, ku mëson ndoshta fëmija im, apo edhe fëmijët e gjithësecilit prej jush”, /SHENJA/

Lajme

CNN: Shpërthime dëgjohen mbi Tel Aviv

Shpërthime janë dëgjuar mbi Tel Aviv. Kjo pasi Izraeli paralajmëroi se kishte zbuluar raketa që po vinin nga Irani.

Pamjet në Reuters treguan mbrojtjen ajrore të Izraelit duke u përpjekur të kapte predha në qiell.

Është pak pas orës 1 të mëngjesit sipas orës lokale në Izrael.

Lajme

Incident me thikë në Çair, ka të plagosur

Në orët e para të mbrëmjes së sotme, një incident ka ndodhur në lagjen Çair të Shkupit, në afërsi të marketit VERO.

Sipas informacioneve jozyrtare, një person është plagosur me thikë, ndërsa dy të tjerë janë dërguar në spital me autoambulancë për ndihmë mjekësore.

Në vendin e ngjarjes kanë ndërhyrë menjëherë njësi të shumta të policisë dhe ekipe të ndihmës së shpejtë. Rrethanat dhe motivet e incidentit janë ende të paqarta, ndërsa autoritetet po hetojnë ngjarjen.

Lajme

CNN: Izraeli po pret të shohë nëse ShBA do ta ndihmojë në sulmin ndaj Iranit

Disa ditë pas sulmeve të Izraelit ndaj Iranit dhe programit të tij bërthamor, zyrtarë të lartë izraelitë po presin për të mësuar nëse Presidenti i SHBA, Donald Trump, do t’i ndihmojë për ta përfunduar punën.

Kështu raporton “CNN” duke cituar një zyrtar të lartë izraelit:

“Ne po presim vendimin e presidentit”.

Zyrtarët amerikanë dhe izraelitë kanë qenë në komunikim të vazhdueshëm rreth ecurisë së operacioneve ushtarake izraelite në Iran dhe mundësisë së përfshirjes së SHBA-së.

Por dy zyrtarë izraelitë thanë se kryeministri izraelit, Benjamin Netanyahu, nuk po e nxit në mënyrë të drejtpërdrejtë Trump-in që të miratojë sulme amerikane ndaj objektit bërthamor të Fordow, i cili ndodhet nën një mal.

“I gjithë operacioni bazohet në supozimin se SHBA do të bashkohet në një moment,” – tha një zyrtar i tretë izraelit.

Zyrtarët izraelitë këmbëngulin se Izraeli ka edhe opsione të tjera për të shkatërruar ose të paktën për të paaftësuar përkohësisht objektin bërthamor të Iranit në Fordow, por asnjë prej tyre nuk ka gjasa të jetë aq efektiv sa një sulm nga bombarduesit strategjikë amerikanë me bomba depërtuese prej 30,000 paundësh.