Lajme

Ahmeti: Gjithkund goditet BDI – se kanë me BDI-në por me shqiptarët!

Shqiptarët nuk mund të prezantohen në Qeveri nga një koalicion që nuk e reflekton vullnetin e shumicës së qytetarëve – është mesazhi që vjen nga Fronti Evropian, pasi lideri I VMRO-DPMNE-së, Hristijan Mickoski, para përfundimit të zgjedhjeve parlamentare, preferon koalicionin VLEN në qeverinë e ardhshme.

Mickoski, gjatë cdo tubimi vazhdon të adresojë akuza dhe sulme ndaj BDI-së, duke dërguar mesazhin që BDI-ja duhet të shkojë në opozitë.

Por, lideri I BDI-së, Ali Ahmeti, gjatë një tubimi në Saraj të Shkupit, tha se veprimet e fundit të Mickoskit, nuk janë të rastësishme.

“Gjithkund goditet BDI-ja. Nuk goditet BDI-ja, por shqiptarët. Shqiptarët janë pengesa pse e mbështesin BDI-në. Ju jeni fajtorë, ashtu sic thoshte Çubriloviqi – vrisni nënën shqiptare, mos I vrisnin burrat. Nënën shqiptare, ajo është fajtorja, Duan t`ja vrasin nënën, BDI-në shqiptarëve në Maqedoni, sepse është bërë halë në sy. Ne nuk jemi pengesë për të tjerët. Ne I kemi mbështetur qytetarët tanë për historinë e tyre, për gjuhën, kur të gjithë të tjerët ua kontestojnë”, tha Ali Ahmeti.

Por, gjatë një tubimi në Çair të Shkupit, lideri I BDI-së Ali Ahmeti, I është kundërpërgjigjur edhe kandidates presidenciale të VMRO-DPMNE-së, Gordana Siljanovska Davkova, lidhur me pretendimet e saj për Tribunal të Hagës për UÇK-në. Sipas Ahmeti, kjo nuk do të ndodh.

“UÇK ka nënshkruar një marrëveshje me NATO-n, Amerikanë, BE-në dhe I ndjeri Boris Trajkovski dhe unë si Komandant I Përgjithshëm. Ky kapitull është mbyllur sepse drejtësia ndërkombëtare ka vërtetuar se UÇK-ja është ushtri clirimtare dhe jo mercenarë”, tha Ahmeti.

Nga Fronti Evropian thonë se në rrethin e parë të zgjedhjeve presidenciale, kandidati presidencial I VLEN-it ka rreth 37.000 vota më pak se ai I Frontit Evropian dhe nëse rezultati përsëritet edhe në zgjedhjet e 8 majit, përfaqësues legjitim në qeverinë e ardhshme është pikërisht Fronti Evropian.

Por, Mickoski vazhdon të insistojë se parimi fituesi me fituesin është shkelur para 7 viteve./tvklan.mk

Lajme

CNN: Shpërthime dëgjohen mbi Tel Aviv

Shpërthime janë dëgjuar mbi Tel Aviv. Kjo pasi Izraeli paralajmëroi se kishte zbuluar raketa që po vinin nga Irani.

Pamjet në Reuters treguan mbrojtjen ajrore të Izraelit duke u përpjekur të kapte predha në qiell.

Është pak pas orës 1 të mëngjesit sipas orës lokale në Izrael.

Lajme

Incident me thikë në Çair, ka të plagosur

Në orët e para të mbrëmjes së sotme, një incident ka ndodhur në lagjen Çair të Shkupit, në afërsi të marketit VERO.

Sipas informacioneve jozyrtare, një person është plagosur me thikë, ndërsa dy të tjerë janë dërguar në spital me autoambulancë për ndihmë mjekësore.

Në vendin e ngjarjes kanë ndërhyrë menjëherë njësi të shumta të policisë dhe ekipe të ndihmës së shpejtë. Rrethanat dhe motivet e incidentit janë ende të paqarta, ndërsa autoritetet po hetojnë ngjarjen.

Lajme

CNN: Izraeli po pret të shohë nëse ShBA do ta ndihmojë në sulmin ndaj Iranit

Disa ditë pas sulmeve të Izraelit ndaj Iranit dhe programit të tij bërthamor, zyrtarë të lartë izraelitë po presin për të mësuar nëse Presidenti i SHBA, Donald Trump, do t’i ndihmojë për ta përfunduar punën.

Kështu raporton “CNN” duke cituar një zyrtar të lartë izraelit:

“Ne po presim vendimin e presidentit”.

Zyrtarët amerikanë dhe izraelitë kanë qenë në komunikim të vazhdueshëm rreth ecurisë së operacioneve ushtarake izraelite në Iran dhe mundësisë së përfshirjes së SHBA-së.

Por dy zyrtarë izraelitë thanë se kryeministri izraelit, Benjamin Netanyahu, nuk po e nxit në mënyrë të drejtpërdrejtë Trump-in që të miratojë sulme amerikane ndaj objektit bërthamor të Fordow, i cili ndodhet nën një mal.

“I gjithë operacioni bazohet në supozimin se SHBA do të bashkohet në një moment,” – tha një zyrtar i tretë izraelit.

Zyrtarët izraelitë këmbëngulin se Izraeli ka edhe opsione të tjera për të shkatërruar ose të paktën për të paaftësuar përkohësisht objektin bërthamor të Iranit në Fordow, por asnjë prej tyre nuk ka gjasa të jetë aq efektiv sa një sulm nga bombarduesit strategjikë amerikanë me bomba depërtuese prej 30,000 paundësh.