Connect with us

Lajme

Shtrenjtimi i kurbanit nuk ndalon besimtarët ta kryejnë obligimin e tyre fetar

Therja e kurbanit vazhdon të jetë një ritual i rëndësishëm fetar e kulturor që përcakton Kurban Bajramin. Besimtarët myslimanë, siç thonë ata, i përgjigjen thirrjes së Zotit për bamirësi, derisa njohësit e fesë potencojnë se qëllimi i këtij akti është afrimi me Zotin. Rritja e çmimit të kurbaneve, pavarësisht se po krijon pakënaqësi te blerësit, kjo nuk i ndalon ata për ta kryer këtë obligim fetar.

Imami i Xhamisë “Bedri Kamberi” në Prishtinë, Labinot Maliqi thotë se kurbani si akt daton që nga njeriu i parë, Ademi, derisa potencon se qëllimi i therjes së kurbanit është afrimi me Zotin dhe bamirësia.

Maliqi tregon se ndarja e mishit të kurbanit duhet të bëhet në tri pjesë, një për veten, një për familjarët dhe tjetrën për nevojtarët, jetimët apo edhe të tjerë.

Maliqi: Një pjesë të mishit të kurbanit ta ndajmë për nevojtarët

“Kurbani si akt, prerja e një kafshe të caktuar daton që nga njeriu i parë, Ademi, babai i njerëzimit, bekimet e Zotit qofshin për të. Që nga fëmijët e tij, Kabili dhe Habnili kur u obliguan që të therin nga një kurban, për tu siguruar se cili është në të drejtën dhe në të vërtetën. Që nga atëherë fillon edhe ky historiku i therjes së kurbanit e më pas edhe tek profeti Ibrahim, bekimet e Zotit qofshin për të. Dhe kështu edhe vetë Zoti në Kuran na urdhëron dhe na thotë ‘Faluni dhe preni kurban për hir të Zotit juaj’…Qëllimi është që të afrohemi te Zoti i madhëruar nëpërmjet therjes së një kafshe të caktuar. Por, me të nuk synojmë që ne të përfitojmë nga mishi, por të përfitojmë nga shpërblimet e Zotit të madhëruar, ngase të tillë e ka legjitimuar vetë Zoti dhe e ka bërë një diçka që nëpërmjet therjes së Kurbanit, afrohemi tek Zoti, shtohet bamirësia te të tjerët, ngase edhe shpërndarja e mishit mund të jetë një gjë e mirë…Ndarja e kurbanit preferohet që të bëhet në tri ndarje. Një ndarje ta bëjmë për vete, një pjesë për familjarët, edhe nëse ata i kanë mundësitë shumë të mira, ndoshta edhe më të mira se ne, është mirë që ta ndajmë edhe me ta një pjesë të mishit të Kurbanit. Gjithashtu, një pjesë të mishit të kurbanit ta ndajmë për nevojtarët, familjet skamnore, jetimët e të tjerë”, thotë Maliqi.

Blerja e kurbaneve nga qytetarët e besimit islam bëhet nëpër ferma apo edhe vende të tjera.

Ferma “Te Gasht” tash e disa vite merret me blegtori, duke bërë mbajtjen, shitjen dhe therjen e kurbaneve.

Albion Gashi thotë se këtë vit ka pasur interesim të madh për blerjen e kurbaneve, pavarësisht se çmimi i tyre ka shënuar rritje. Ai tha se çmimi për një dele fillon nga 200 euro, derisa tregon se për këtë bajram ka shitur mbi 150 kafshë për kurban dhe se pritet që numri të rritet gjatë këtyre dy ditëve.

Gashi: Mbi 200 euro një kurban, ka interesim për blerje

“Me këtë merremi qysh moti, babë e gjysh, por prej pas luftës merremi më intensivisht me to (dele). Familjarisht i përkushtohemi atyre…I kemi mbi 200 copë (dele)…Prej pas luftës merremi më shumë me (kurban), i premë, i shesim…Pak ka një ngritje (të çmimeve), por jo shumë…Prej 200 euro e lartë shkojnë ato, varet nga dëshira e konsumatorit, se çfarë i pëlqen dhe si i pëlqen…Ka pasur interesim të mirë, i kemi konsumatorët tanë…Prej 150 (persona) e lartë, varet si është interesimi i konsumatorëve…Një javë përpara fillojnë t’i shejojnë (t’i ndajnë), i shejojnë i lënë këtu, konsumatorët vijnë më pas ditën e Bajramit, tri ditë bajram i premë këtu dhe i marrin konsumatorët dhe ecin…A po ankohen konsumatorët për rritje të çmimeve? Jo, ai që e ka nijet ta therë nuk i intereson çmimi”, tha Gashi.

Ndërkaq, një fermer tjetër, i cili nuk ka dëshiruar të prononcohet para kamerës thotë se çmimi i deleve fillon nga 230 deri në 300 euro.

Fermeri: Çmimi i kurbaneve nga 230 deri në 300 euro

“A po i mbani shtrenjtë (kurbanet) sivjet? 250, prej 230 (euro) deri në 300. A nuk ka më lirë se 230? Jo, nuk ka”, thotë një fermer.

Ani pse çmimet janë ngritur, besimtarët myslimanë po vazhdojnë ta bëjnë prerjen e kurbanit.

Islam Rrahimi tregon se për çdo vit bën therjen e kurbanit, derisa kujton kohët e para disa viteve, për cak potencon se ky veprim kishte vlerë më të madhe për nevojtarët. Por, Rrahimi thotë se për kushtet dhe standardin e jetesës në Kosovë, çmimet e kafshëve për kurban, janë të shtrenjta.

Rrahimi: Mezi e kanë pritur të varfrit Bajramin e Vogël që t’u dërgojnë mish

“Jo, kësmet nesër do ta blejmë sepse është një dhuratë që shpërndahet te komshinjtë. Nuk është ndoshta edhe aq shumë, por vlerën e ka sepse komshiut pak i ndihmon. Sidomos më herët ka qenë shumë e rëndësishme, që mezi e kanë pritur të varfrit Bajramin e Vogël që të therin dhe t’u dërgojnë mish`. Tash nuk është interesant, por si obligim duhet të theret…A keni prerë Kurban çdo vit? Po, po çdo vit…Kundër standardit që e kemi ne dhe kushteve, tek ne është si traditë, obligim për bajram, janë të shtrenjta”, potencon Rrahimi.

Edhe Gani Sijarina thotë se ditën e Kurban Bajramit do ta bëjnë therjen e kafshës. Ai tregon se e shpërndajnë mishin e kurbanit në tri apo më shumë pjesë, ashtu siç e thotë edhe feja islame, porse shton se disa edhe nuk e pranojnë atë.

Sijarina: E ndajmë kurbanin në disa pjesë, por disa edhe nuk po e marrin

“Do ta therim kësmet, ditën e Bajramit ne e presim gjithmonë ashtu e kemi, paradite duhet herët…Ashtu është e paraparë, kur të kemi mundësi e (therim kurbanin), por rrallë ndodhë që nuk e (therim). A e shpërndani te të tjerët? Po, tri vende, shtatë vende, si t’i gjejmë njerëzit, se ndonjëherë disa edhe nuk po e marrin…Rritje të çmimeve ka shumë, keq është…Nuk bënë të rriten çmimet për asgjë, por janë rritur të gjitha në përgjithësi”, tha Sijarina.

Dita e parë e Kurban – Bajramit është të dielën më 16 qershor 2024. Manifestimi qendror për territorin e Kosovës, kushtuar festës së Kurban Bajramit, mbahet në Xhaminë e Madhe në Prishtinë.

Click to comment

Leave a Reply

Your email address will not be published. Required fields are marked *

Lajme

Gjashtë punëtorë nga Nepali e lënë punën pa paralajmërim, pronarët nga Maqedonia ankohen në polici

Dukuria e shtetasve të Nepalit të punësohen në Maqedoninë e Veriut, duket se po bëhet gjithnjë dhe më prezente. Edhe pse disa prej tyre zënë vend të mirë në kompanitë e vendit, sërish zgjedhin të ikin.

Dy raste janë paraqitur vetëm dje në Polici, ku dy pronarë të kompanive të vendit kanë denoncuar se të punësuarit e tyre nga Nepali nuk janë paraqitur në punë dhe se kanë lëshuar vendbanimin, duke mos i paralajmëruar dhe pa ua kumtuar motivet.

Rasti i parë është paraqitur në Stacionin policor në Shën Nikollë, nga V.M.(34) nga Shën Nikolla, pronar i një kompanie private. Ai denoncoi në polici se 5 punëtorë të tij nga Nepali, me qëndrim të përkohshëm në Shën Nikollë, të moshës 27 – 38-vjeçare e kanë lëshuar vendin.

Rasti i dytë është paraqitur në Berovë, nga D.V.(44) nga Berova, udhëheqës në kompani private në Pehçevë.

Ai denoncoi në polici se 38-vjeçari nga Nepali, i punësuar te ai, e ka lëshuar vendin ku ka qenë duke qëndruar.

Continue Reading

Lajme

A do të vazhdojë Fatmir Bytyqi të jetë pjesë e LSDM-së?

I ftuar në Daily Click në TV21 është Fatmir Bytyqi nga LSDM nga ku foli nëse do të mbetet pjesë e LSDM-së ose do të ketë një rrugë tjetër që do të ndjekë, përcjell TV21. Bytyqi tha se pjesë e politikës është bërë për shkak të bindjeve ideologjike dhe siç thotë, nëse do të kishte ndonjë lëvizje që që jeton më mirë ideologjia social demokrate do ta mendonte por siç tha, Fatmir Bytyqi mbetet në LSDM.

“Unë në politikë kam hy për shkak te bindjeve ideologjike dhe vlerave që i takojnë LSDM-së. Po qe së në skenën politike do të kishte lëvizje tjetër që do të dëshmonte se ideologjia socialdemokrate jeton shumë më mirë se sa këtu ku është, ndoshta do e mendoja por ajo nuk është rast kështu që, Fatmir Bytyqi ngelet në LSDM”, tha Bytyqi.

Continue Reading

Lajme

Dimra pa borë, vera deri në 50 gradë, si do të jetë klima në Maqedoni në vitin 2080?

Temperaturat e larta dhe nxehtësia që ndjejmë si pasojë e ndryshimeve klimatike nuk do të ulen. Dimrat në Maqedoni dhe në vendet përreth do të jenë më të ngrohtë dhe rrallë do të bjerë borë, ndërsa valët e të nxehtit do të zgjasin më shumë me temperatura gati 50 gradë Celsius, raporton 360 Gradë, transmeton Portalb.mk.

Këto janë parashikimet e shkencëtarëve me ndikim që merren me ndryshimet klimatike. Njëri prej tyre, Matthew Fitzpatrick, profesor në Qendrën për Studime Mjedisore në Universitetin e Maryland, SHBA, krijoi një hartë interaktive duke përdorur të dhënat nga Paneli Ndërqeveritar për Ndryshimet Klimatike (IPPC).

Ai tregon edhe Maqedoninë, gjegjësisht kryeqytetin Shkupin dhe jep një parashikim se si do të jetë klima në më pak se gjashtëdhjetë vjet. Temperatura në Shkup në vitin 2080 gjatë periudhës së verës pritet të jetë 7,5 gradë më e lartë se ajo aktuale në vitin 2024. Do të jetë më thatë, pasi lagështia pritet të ulet me 12.4 përqind.

Edhe dimrat do të jenë më të ngrohtë, ndaj parashikohet të rriten me 4.7 gradë në krahasim me ato aktual në atë periudhë të vitit. Supozohet se në kushte të tilla nuk mund të priten reshje bore, ndërsa si faktor shtesë tregohet se lagështia e ajrit në muajt e dimrit do të jetë më e ulët se ajo aktuale për 1.7 përqind.

Hartën interaktive mund ta shihni në këtë link “Future Urban Climates”.

Fitzpatrick thotë se si rezultat i ndryshimeve klimatike, qytetet në hemisferën veriore do të kenë një klimë të ngjashme në pesëdhjetë deri në gjashtëdhjetë vjet me atë që kanë tani qytetet në jug.

Kështu për shembull, supozohet se nën ndikimin e ngrohjes globale, banorët e Oslos në Norvegji do të duhet të përshtaten me motin sepse temperaturat atje do të jenë të ngjashme me ato në Kroaci sot. Vjena do të ketë një klimë si Firence apo Genova, Londra do të jetë e nxehtë si Bordeaux dhe Miami si Abu Arish në Arabinë Saudite.

E dhënë e brendshme është se në krijimin e hartës interaktive “Future Urban Climates” merr pjesë edhe Teofil Nakov nga Maqedoia, i cili pas përfundimit të studimeve për biokimi në Universitetin Shën Kirili dhe Metodi në Shkup niset për në SHBA, ku doktoroi në biologji në Universitetin e Austin, Teksas.

Për simulimin e hartës interaktive u mblodhën të dhëna nga më shumë se 40,000 qytete dhe mbi 5,000 rajone.

Kujtojmë se këto ditë, në Maqedoninë e Veriut, temperaturat maksimale kanë arriur deri në 43 gradë celsius.

Continue Reading

TË FUNDIT

Lajme10 hours ago

Gjashtë punëtorë nga Nepali e lënë punën pa paralajmërim, pronarët nga Maqedonia ankohen në polici

Dukuria e shtetasve të Nepalit të punësohen në Maqedoninë e Veriut, duket se po bëhet gjithnjë dhe më prezente. Edhe...

Lajme10 hours ago

A do të vazhdojë Fatmir Bytyqi të jetë pjesë e LSDM-së?

I ftuar në Daily Click në TV21 është Fatmir Bytyqi nga LSDM nga ku foli nëse do të mbetet pjesë...

Lajme10 hours ago

Dimra pa borë, vera deri në 50 gradë, si do të jetë klima në Maqedoni në vitin 2080?

Temperaturat e larta dhe nxehtësia që ndjejmë si pasojë e ndryshimeve klimatike nuk do të ulen. Dimrat në Maqedoni dhe...

Lajme10 hours ago

Vrasja e policit serb nga 33-vjeçari kosovar, reagon Aleksandër Vuçiq

Presidenti serb Aleksandër Vuçiq ka reaguar për ngjarjen e ndodhur në qytetin e Loznicës, ku sipas autoriteteve të Beogradit 33-vjeçari...

Lajme10 hours ago

LSDM: Të shtëna të reja në Çair, me VMRO-në rrugët janë bërë të pasigurta për qytetarët

LSDM sot ka reaguar në lidhje me plagosjen e një 31-vjeçarit mbrëmë më Çair të Shkupit. Nga atje thonë se...

Lajme10 hours ago

Përleshja me armë në Çair, policia jep detajet

Një tridhjetë e një vjeçar nga Shkupi (D. B.) është plagosur në shkëmbimin e zjarrit të mbrëmshëm në Çair të...

Lajme1 day ago

Paralajmëroi burgosjen e Vuçiqit nëse hyn në Kosovë pa leje, deklarohet Sveçla

Ministri i Brendshëm, Xhelal Sveçla ka folur për deklaratën e tij se nëse Vuçiq tenton të futet pa leje në...

Lajme1 day ago

Ngritet kallëzim penal ndaj 36-vjeçarit për tentim vrasje ndaj kryetarit të komunës së Haraçinës, Ridvan Ibraimit

MPB njofton se SPB Shkup ka zbardhur ngjarjen penale nga 01.04.2024 në fshatin Aracinovë, rajoni i Shkupit, kur u raportua...

Lajme1 day ago

5.601 persona kanë hequr dorë nga nënshtetësia e RMV-së në pesë vitet e fundit

Vende të ndryshme kanë rregulla të ndryshme për marrjen e shtetësisë. Disa lejojnë mbajtjen e dy ose tre pasaportave, e...

Lajme1 day ago

Qeveria ka emëruar disa drejtorë, ja emrat

Qeveria e Republikës së Maqedonisë së Veriut dje në seancën e gjashtë ka marrë disa vendime për emërimin e disa...

Trending