Lajme

Ministri i Brendshëm siguron se po merren masa për ndërtimet pa leje në Çair

Ministri i Brendshëm, Pançe Toshkovski ka konfirmuar sot se kanë urdhër nga Prokuroria për të vepruar në lidhje me ndërtimet pa leje. I pyetur se a është konstatuar ndonjë ndërtim pa leje, për çka vazhdimisht alarmon kryetarja e Qytetit të Shkupit, Danella Arsovska, Toshkovski tha se nuk mund të ndajë detaje rreth kësaj, megjithatë, ai premtoi se rezultatet në këtë fushë do të jenë të dukshme së shpejti.

Pançe Toshkovski, ministër i Brendshëm

“Në lidhje me atë se, a ka urdhër nga ana e prokurorit publik, po ka dhe po veprojmë. Ju siguroj se sikurse për të gjitha lëndët për të cilat është vepruar nën këtë udhëheqësi, ashtu edhe në të ardhmen nuk do ta vëmë në pikëpyetje asnjë lëndë konkrete në interes të publikut. Do të veprojmë në raport me të gjitha, ashtu siç i ka hije një vendi evropian. Për dallim nga qeveria paraprake, ne nuk jemi evropianë vetëm në mënyrë deklarative, këtë e dëshmojmë me vepra”.

Toshkovski po ashtu, në konferencën për media për rezultatet e vitit të parë të mandatit të tij, u zotua për luftë jo selektive dhe të pa kompromistë kundër çdo kujt që ka bërë shkelje ligjore.

Kujtojmë se, kryetarja e Qytetit të Shkupit Danella Arsovska gjatë muajit maj doli në terren në disa lokacione në Komunën e Çairit ku zhvilloheshin ndërtime, prej ku përmes lidhjes direkte në profilin e saj në Facebook, akuzonte se bëhet fjalë për ndërtime të paligjshme. Ajo u bëri thirrje institucioneve kompetente të reagojnë dhe ka dorëzuar në prokuroria të gjitha dëshmitë relevante në lidhje me ndërtimet pa leje në Çair.

Ndërkaq, Arsovska po ashtu ka hedhur dyshime se, kryetari i Komunës së Çairit, Visar Ganiu ka falsikifuar dokumente dhe ka bërë legalizime në mënyrë të paligjshme.

Sipas saj, Prokuroria veç më po zhvillon dy procedura për Ganiu, prej të cilave njëra është për falsifikimin e librit të arkivit me numra dhe kërkesa për legalizime, ndërsa tjetra është për një rast tjetër.

Lajme

Trump: Po flasim me NATO-n për Grenlandën

Presidenti amerikan Donald Trump tha se Grenlanda është jetike për sigurinë kombëtare të SHBA-së dhe konfirmoi se diskutimet me NATO-n janë duke vazhduar në lidhje me territorin.

“NATO ka pasur marrëdhënie me ne për çështjen e Grenlandës. Ne kemi shumë nevojë për Grenlandën për sigurinë kombëtare”, tha Trump.

“Nëse nuk e kemi, kemi një boshllëk të madh në sigurinë kombëtare – veçanërisht kur bëhet fjalë për atë që po bëjmë në lidhje me Kupolën e Artë dhe të gjitha gjërat e tjera”, shtoi ai.

Trump nuk dha detaje specifike rreth iniciativave ushtarake ose të sigurisë që ai përmendi, por theksoi se SHBA-të po angazhohen në mënyrë aktive me aleancën për këtë çështje.

“Po flasim me NATO-n”, tha ai.

Trump tha se po shqyrton përdorimin e tarifave si mjet kundër vendeve që kundërshtojnë interesat e SHBA-së në lidhje me Groenlandën.

“Mund ta bëj këtë edhe për Grenlandën”, deklaroi presidenti amerikan, duke kujtuar një shkëmbim me presidentin francez Emmanuel Macron, në të cilin ai përdori kërcënimin e një tarife gjithëpërfshirëse prej 25% për të nxitur çmime më të larta të barnave në Francë.

Javën e kaluar, Trump sugjeroi që SHBA-të duhet ta “blejnë” Grenlandën për të parandaluar që Rusia ose Kina të fitojnë kontrollin e territorit autonom të Danimarkës.

Si Danimarka ashtu edhe Grenlanda kanë hedhur poshtë çdo propozim për të shitur territorin, duke riafirmuar sovranitetin danez mbi ishullin. /AA/

Lajme

Policia e Maqedonisë së Veriut me njoftim të ri në lidhje me projektin “Qyteti i Sigurt”

Ministria e Punëve të Brendshme njofton qytetarët se në kuadër të projektit “Qyteti i sigurt”, në periudhën nga 20 deri 31 janar do të bëhet testimi, kalibrimi dhe verifikimi i pajisjeve (kamerave) të vendosura për mbikëqyrjen e qarkullimit. Testimet do të realizohen çdo ditë në periudhën nga ora 08:00 deri në orën 20:00.

“Gjatë zbatimit të këtyre aktiviteteve, automjeteve në vendet ku kryhet testimi nuk do t’u lejohet të kalojnë ndërsa procedura është në zhvillim e sipër. Në javën e parë të periudhës së planifikuar, aktivitetet do të kryhen ekskluzivisht në vendet me kamera të instaluara në zonën e qytetit të Shkupit”.

“U bëjmë thirrje qytetarëve dhe të gjithë pjesëmarrësve në trafik që të respektojnë kufizimet e përkohshme, si dhe të tregojnë mirëkuptim, durim dhe bashkëpunim me qëllim që të sigurohet zbatimi i qetë dhe i sigurt i aktiviteteve të planifikuara”, thonë nga MPB.

Lajme

Taravari me akuza të reja: Gjithmonë mbivotohesha në VLEN, tre me një!

Arben Taravari njëri nga ish liderët e VLEN-it, Arben Taravari në emisionin “Vetëm Intervistë” në Kanal 5 ka hedhur akuza të reja në drejtim të VLEN-it dhe liderëve të saj se për gjatë kohës kur ishte pjesë e këtij koalicioni në çdo temë në çdo debat që bëhej kur vinte pjesa e votimit pavarsisht arsyeshmërisë unë mbivotohesha në raport tre me një. Kjo qasje më la të kuptoj se ne dhe Alenaca për Shqiptarët ishte e pa dëshiruar në atë koalicion dhe dukej qartë që sdo të funskionoj, shkruan Top24