Lajme

Skender Isufi: Me bashkim dhe vizion të qartë, Haraçina mund të bëhet shembull zhvillimi

Kandidati i Aleancës për Shqiptarët, krahu i Ziadin Selës, për komunën e Haraçinës, Skender Isufi, ka drejtuar një thirrje të fuqishme për mbështetje, duke theksuar se bashkimi i qytetarëve është forca më e madhe për zhvillimin e komunës.

Isufi vuri në pah se Haraçina ka potencial të madh, por mungon një drejtim i përgjegjshëm dhe vizion i qartë. Ai premtoi se, me përkushtim të plotë dhe me ndershmëri në punë, është i gatshëm të udhëheqë komunën drejt një të ardhmeje më të mirë për të gjithë banorët.

“Jam i përkushtuar të punoj për zhvillim ekonomik dhe hapje të vendeve të reja të punës, përmirësim të infrastrukturës dhe shërbimeve publike, investime në arsim, kulturë dhe sport, si dhe transparencë e llogaridhënie në çdo vendim,” tha Isufi.

Ai theksoi se qytetarët meritojnë një komunë që punon për qytetarët dhe me qytetarët, duke i ftuar të gjithë që me votën dhe besimin e tyre të bëhen bashkë për një Haraçinë më të zhvilluar, më të drejtë dhe më të fortë.

“Së bashku mund ta ndërtojmë Haraçinën që e duam: një komunë që funksionon, që ofron mundësi dhe që kujdeset për secilin banor,” përfundoi kandidati i ASH-së, duke theksuar se vizioni i tij nuk është vetëm premtim elektoral, por një kontratë e sinqertë me qytetarët.

Lajme

Vrasja në Duqanxhik të Shkupit, MPB jep detaje

Dy sulmues me motoçikletë hapën zjarr ndaj një grupi prej pesë banorësh të Shkupit, duke goditur 26-vjeçarin A.M., i cili më vonë ndërroi jetë në spital nga plagët e marra.

Të shtënat u raportuan më 6 shtator rreth orës 23:30, pranë kryqëzimit të rrugëve “Prohor Pcinski” dhe Vojdan Çernodrinski” në Shkup.
Nga MPB thonë se D.G. (29), A.Xh. (24), K.B. (36), E.B. (25) dhe A.M. (26), të gjithë nga Shkupi, po qëndronin para një dritareje biznesi në atë moment.

Një një motoçikletë që ishin dy persona ndaloi përpara tyre, pas së cilës u qëllua me armë zjarri ndaj grupit. Sulmuesit ikën menjëherë.

Një nga plumbat goditi A.M., i cili u dërgua me ambulancë në Kompleksin e Klinikës Nënë Tereza, ku dhe ndërroi jetë.

Nga policia ende nuk kanë njoftuar për identitetin e sulmuesve, dhe arsyet incidentit.

Lajme

Një 27-vjeçar nga Maqedonia qëllohet për vdekje në Berlin, autorët në arrati

Në orët e para të mëngjesit të së hënës, në rrugën Sonnenallee në Neukölln në Berlin të Gjermanisë u qëllua për vdekje një 27 vjeçar nga Maqedonia e Veriut, raportuan mediat gjermane.

Sipas policisë, ngjarja ndodhi rreth orës 02:40 në kryqëzimin e rrugëve Planetenstraße dhe Sonnenallee, ndërsa i vdekur mbeti një shtetas i Maqedonisë së Veriut i moshës 27 vjeçare.

Policia e Berlinit njoftoi se, pavarësisht përpjekjeve të menjëhershme për reanimim personi i plagosur ndërroi jetë në vendngjarje.

Mbi viktimën u qëlluan gjashtë plumba njoftoi policia gjermane, ndërsa autori apo autorët e e sulmit dyshohet se janë larguar me një automjet të markës Mercedes.

Autoritetet e sigurisë po hetojnë nëse në ngjarje kanë qenë të përfshirë disa persona dhe nëse rasti ka lidhje me krimin e organizuar. Me urdhër të Prokurorisë, ka nisur hetimet.

Lajme

Përparim Bajrami në arrati, Gjykata vendosi ta gjykojë në mungesë

Për shkak se i akuzuari Përparim Bajrami vazhdon të jetë i pakapshëm për organet e përndjekjes, Gjykata vendosi që ta gjykojë në mungesë.

Familjarët e ish drejtorit të Lotarisë Shtetërore, Bajrami, kanë angazhuar Avokatin Elenko Millanov, i cili dorëzoi te gjyqtarja listën me prova. Bajrami është i akuzuari i parë. /Alsat.mk