Lifestyle

Njihuni me vajzën nga Shkodra që sapo u bë Alumne e Harvard Business School

Armanda Prendushi-Hadribeaj lindi në Shkodër, Shqipëri, dhe u shpërngul në Shtetet e Bashkuara në moshën 12-vjeçare—por kurrë nuk i harroi rrënjët e saj. Arsimi ka qenë gjithmonë një vlerë thelbësore për familjen e saj dhe me këmbëngulje e vendosmëri ajo arriti të diplomohej në Universitetin e Miçiganit. Së fundmi, ajo iu bashkua me krenari radhëve të alumneve të Harvard Business School, ndërkohë që balanconte një karrierë me kohë të plotë, sipërmarrjen, martesën dhe jetën si nënë e dy fëmijëve.

Armanda e shikon motrën e saj, Adelën, si dritën udhëzuese—ëndrra e saj për Harvardin u bë frymëzim për të ndjekur edhe ajo këtë rrugë. Që në fëmijëri, prindërit dhe motrat e saj (Adela dhe Romina) kanë qenë gjithmonë një ndikim pozitiv, duke mbjellë tek ajo vlera të punës së ndershme, besimit dhe mirësisë. Sot, ajo ndjehet e bekuar jo vetëm nga arritjet akademike e profesionale, por edhe nga dhurata e të pasurit një partner që beson tek ajo dhe fëmijë që i japin gëzimin më të madh. Për këtë, ajo falënderon çdo ditë Zotin.

Aktualisht, Armanda është Drejtore Menaxhuese në një kompani konsulence dhe një sipërmarrëse e suksesshme. Së bashku me bashkëshortin e saj, Adrian Hadribeaj—një luftëtar profesionist i MMA dhe Kampion Bote – ata zotërojnë dhe drejtojnë Birmingham Martial Arts (BMA), ku Armanda menaxhon çdo aspekt të biznesit, nga stafi e financat deri tek zhvillimi strategjik.

Përtej biznesit, ajo është edhe bashkëthemeluese e Mission You, një organizatë e përkushtuar për të ulur varfërinë dhe për të mbështetur komunitetet vulnerabël brenda dhe jashtë vendit. Puna e saj ka përfshirë nga ndërtimi i një shtëpie për një familje me aftësi të kufizuara në Shkodër, deri tek ndihma për banorët e Miçiganit me qira etj.

Mesazhi i Armandës për shqiptarët, për fëmijët e saj dhe për të rinjtë kudo është i qartë: gjej një pasion pozitiv, puno fort dhe mos u dorëzo—puna e vështirë mund të marrë kohë, por gjithmonë shpërblehet.

“Unë dhe motra ime Adela dikur ëndërronim Harvardin. Sot mund të themi me krenari se jemi alumne të Harvardit. Besoni, punoni fort dhe qëndroni të fokusuar—nuk ka kufi për atë që mund të arrini, dhe kurrë nuk është vonë për të ndjekur ëndrrat tuaja.”

Me një bashkëshort kampion bote dhe një alumne të Harvardit, ky çift është i pandalshëm—dëshmi e gjallë se përkushtimi, disiplina dhe besimi mund të kthejnë ëndrrat në realitet.

Lifestyle

“Kam pi” ndez atmosferën, projekti i ri nga Bledar Vishi në fokus

Skena muzikore shqiptare është pasuruar me një tjetër projekt të ri. Bledar Vishi ka publikuar këngën më të fundit “Kam Pi”, të shoqëruar me një videoklip që po tërheq vëmendje në rrjetet sociale.

Projekti vjen me një prodhim muzikor nga Nurtel, duke sjellë një stil ritmik dhe të kapshëm për publikun, ndërsa ana vizuale është realizuar nga Estia Films, që i jep klipit një estetikë moderne dhe dinamike.

Në videoklip shfaqet edhe modelja Mona, e cila i shton projektit një dimension më tërheqës vizual, ndërsa pas kamerës kanë kontribuar emra si Emiljano Gjonaj.

Xhirimet janë realizuar në ambiente atraktive si Lugina e Surrelit dhe Clasic Hotel Tirana, duke krijuar një atmosferë që përputhet me energjinë e këngës.

“Kam Pi” pritet të jetë një nga hitet e sezonit, me një kombinim të fortë mes muzikës dhe imazhit, që po gjen menjëherë reagim pozitiv nga publiku dhe fansat e artistit.

Lifestyle

Nora Istrefi flet për raportin me Robert Berishën: Çdo njeri e meriton një shans të dytë, por jo të tretë ndoshta

Këngëtarja, Nora Istrefi, ka qenë e ftuar në një intervistë për Prive By Liberta Spahiu, ku përveç projektit të ri muzikor “EP IV”, është ndalur edhe te jeta e saj private dhe raporti me ish-bashkëshortin, Robert Berishën.

Në javët e fundit në media dhe rrjete sociale kanë qarkulluar zëra për një afrim të mundshëm mes dyshes, sidomos pas një darke të përbashkët në Zvicër dhe deklaratave të Robert Berishës, i cili ka lënë të hapura mundësitë për çdo zhvillim mes tyre.

E pyetur për këto spekulime, Nora Istrefi ka reaguar fillimisht me humor duke thënë: “A fillut ju?”.

Më pas, ajo është ndalur te ideja e shanseve të dyta në marrëdhënie, ku ka dhënë një qëndrim të qartë mbi këtë temë.

Ajo është shprehur: “Unë mendoj që çdo njeri e meriton një shans të dytë, në momentin e duhur, por jo të tretë ndoshta”.

Në vijim të intervistës, kur është pyetur nëse do të zgjidhte një intervistë me ish-partnerin apo një pushim të përbashkët me të, këngëtarja ka treguar se marrëdhënia mes tyre mbetet korrekte edhe pas ndarjes. Ajo ka thënë: “Të dyjat i kam bërë, po”.

Ndërkohë, Nora Istrefi po vazhdon aktivitetin e saj muzikor me publikimin e projektit “EP IV”, i cili është pritur me interes nga publiku.

Lifestyle

“Ndarja” ndez skenën: Blerta Veseli me projekt të ri spektakolar

Pas një viti pauzë, këngëtarja rikthehet fuqishëm me projektin e saj më të ri “Ndarja”, një këngë që vjen e shoqëruar me një videoklip mbresëlënës, me standarde të larta produksioni dhe një estetikë që të kujton prodhimet hollywoodiane.

Klipi është realizuar nga XL Films, duke sjellë një vizual të kuruar deri në detaj, ku çdo skenë ndërton një atmosferë të fortë emocionale dhe artistike. Projekti dëshmon qartë se rikthimi i Blertës nuk është i rastësishëm, por i menduar për të bërë impakt të madh.

Pas këtij projekti qëndron një ekip i fuqishëm i industrisë muzikore. Producent dhe tekstshkrues është Nurteel, një emër i njohur për hitet e tij, ndërsa i gjithë projekti është menaxhuar nga Labinot Nuraj, duke garantuar profesionalizëm dhe strategji të qartë në çdo hap.

Por “Ndarja” është vetëm fillimi.

Burime pranë këngëtares zbulojnë se Blerta Veseli tashmë është duke punuar intensivisht në projekte të reja me të njëjtin ekip, të cilat pritet të publikohen shumë shpejt. Madje, kënga e radhës mban titullin “Business” – një projekt që pritet të jetë edhe më ambicioz dhe që synon të kapë jo vetëm publikun, por edhe vëmendjen e industrisë muzikore.

Me këtë rikthim, Blerta Veseli duket e vendosur të rikthejë vendin e saj në majat e skenës – dhe këtë herë, më e fortë se kurrë.