Lajme

Kalaja e Shkupit hapet për vizitorët në fillim të gushtit

Kalaja e Shkupit do të rihapet për vizitorët në fillim të muajit gusht. Kështu bëri të ditur nga Drejtoria për Mbrojtjen e Trashigimisë Kulturore. Drejtoresha Vesella Çestoeva po bëhet rregullimi i muzeve dhe po zhvillojnë disa procese paralelisht dhe siç u shpreh përgatitjet janë nga fundi.

Vesella Çestoeva, drejtoresh e Drejtoria për Mbrojtjen e Trashëgimisë Kulturore

“Me nënshkrimin e marrëveshjes, njëri muze është kryer, tek tjetri ndërtimet janë nga fundi. Për dy javë ai do të jetë gati. Paralelisht me këtë proces, po e ndjek edhe procesin në kadastër. Pra, për 1 muaj, ose 1 muaj e gjysëm do të jemi gati, diku në fillim të muajit gusht”.

Ndërkohë, punimet po shkojnë me dinamikën e planifikuar edhe në Sallën Universale. Ministri i Kulturës Zoran Lutkov njoftoi se ajo do të përfundojnë në fund të vitit 2027.

Zoran Lutkov, ministër i Kulturës dhe Turizmit

“Po punohet në sallën universale, tempoja është e shkëlqyer. Marr informaione në bazë javor. Nëse vazhdohet me këtë tempo, në fund të 2027-tës, duhet të jetë e përfunduar”.

Këto dy objekte do të jenë ndër kryesoret gjatë programit “Shkupi 2028” ose “Kryeqyteti Evropian i kulturës për vitin 2028”. Përveç, Kalas, Sallës Universale, Çarshisë së Vjetër,Scoop-i, Akuadukti, ministri Lutkov theksoi se do të përfshihen edhe të gjitha institucionet lokale dhe kombëtare brenda Qytetit të Shkupit.

Lajme

Unioni i Shoqatave Shqiptare në Mërgim shpërndan 6 mijë litra ujë për banorët e Gostivarit

Unioni i Shoqatave Shqiptare të Gostivarit në Mërgim ka realizuar sot një aksion humanitar për shpërndarjen e ujit të pijshëm për banorët e komunës së Gostivarit, në kushte të mungesës së ujit.

Gjatë aksionit u shpërndanë 6 mijë litra ujë, të paketuar në 600 bidonë, në afërsi të tregut të madh të qytetit, me synimin që ndihma të arrijë edhe te banorët e lagjeve më të largëta.

Në kumtesën e Unionit thuhet se aksioni nuk synon ta zgjidhë problemin me furnizimin me ujë, por të ofrojë mbështetje për qytetarët në këtë situatë.

“Jemi të vetëdijshëm se me këtë aksion nuk do ta zgjidhim problemin me ujin në Gostivar, por dëshmojmë se jemi krah i Gostivarit dhe i vëllezërve tanë në këto ditë të vështira të mungesës së ujit për pije”, thuhet në kumtesën e Unionit.

Unioni falënderoi ekipin, shoqatat anëtare, vullnetarët dhe donatorët që kontribuan në realizimin e aksionit.

Lajme

6 ditë pas stuhisë, Shkupi ende i mbuluar nga pemët rrëzuara

Ndonëse sot është dita e gjashtë prej kur Shkupi u përfshi nga një stuhi e fuqishme me erë prej 130 km/h, autoritetet komunale ende nuk kanë arritur të mënjanojnë dëmet. Nëpër rrugë e parqe gjithandej, pemët dhe degët e thyera vazhdojnë të pengojnë lëvizjen e lirë të qytetarë.

Komunat më të goditura nga stuhia ishin Karposhi, Çairi, Aerodromi dhe Qendra. Alsat vizitoi edhe sot disa parqe dhe rrugë të Çairit. Në shumë vende përsëri hasëm në degë të thyera. Disa prej tyre ishin grumbulluar në një vend, e të tjera ishin ashtu si kanë mbetur nga dita e martë.

“Ndonëse kanë kaluar gati një javë që nga dita kur stuhi e fuqishme goditi Qytetin e Shkupit, gjithandej nëpër bulevarde dhe parqe shohim se degët nga drunjtë e thyer ende kanë mbetur të pa pastruara”, raporton Zekirija Haxhiu, gazetar.

Drunjtë e rrëzuar dhe degët e thyera, nga stuhia lanë pas vetes shumë vetura e oborre të dëmtuara. Dhjetëra qytetarë nga komuna të ndryshme, kanë paraqitur dëmet tek autoritetet lokale dhe presin komisionet që të bëjnë vlerësimin e tyre.

Lajme

Bastisje në Shkup, arrestohet një 23-vjeçar nga fshati Brezë

Një 23-vjeçar nga fshati Brezë i Shkupit është arrestuar pasi gjatë një bastisjeje në shtëpinë dhe objektet e tij ndihmëse është gjetur një sasi e konsiderueshme kokaine.

Sipas njoftimit të Ministrisë së Punëve të Brendshme, bastisja është kryer nga zyrtarët e Njësisë për Luftimin e Trafikimit të Paligjshëm në bashkëpunim me Njësinë e Policisë Intervenuese pranë SPB Shkup.

“Personi S.B. (23) është privuar nga liria në Stacionin Policor Gazi Babë sipas nenit 215 të Kodit Penal dhe, pas dokumentimit të plotë të rastit, ndaj tij do të parashtrohet kallëzimi përkatës”, thuhet në njoftimin e MPB-së.