Sport

E “zyrtarizon” vetë ai, trajneri i ri nis punën te Partizani

Florin Bratu është trajneri i ri i Partizanit, kjo është mës e e konfirmuar dhe pritet vetëm prezantimi para gazetarëve. Klubi i kuq ia ka besuar pankinën trajnerit rumun pas shkarkimit të Oltijon Kërnajës vetëm pak ndeshje nga mbyllja e sezonit të shkuar.

Prej javësh qarkullonin lajmet për marrëveshjen me Bratu, teksa së fundmi ai ka zgjedhur ta “zyrtarizojë” vetë trajneri, duke publikuar një foto të uniformës së tij te Partizani, bashkë me inicialet.

Kroati nis në këtë mënyrë një projekt të ri te Partizani, pas dështimit në sezonin e shkuar, kur nuk arritën të kualifikoheshin në Kupat e Europës. Organika e skuadrës pritet të pësojë ndryshime të shumta, nisur edhe nga largimet e deritanishme.

Karriera si trajner: Florin Bratu është një trajner rumun, i lindur më 2 janar 1980 në Bukuresht. Pas përfundimit të karrierës si futbollist, ai nisi rrugëtimin si trajner në vitin 2014 te Dinamo Bukuresht, fillimisht si drejtor i skautizmit.

Më pas drejtoi ekipin e dytë të Dinamos, ndërsa në vitin 2015 mori drejtimin e CS Tunari. Në sezonin 2016/17 u rikthye te Dinamo, ku udhëhoqi skuadrën U19, përpara se të emërohej trajner i kombëtares rumune U18.

Në shkurt të vitit 2018 mori drejtimin e ekipit të parë të Dinamo Bukureshtit, ku regjistroi mesatarisht 1.83 pikë për ndeshje në 24 takime, periudha më e suksesshme statistikisht në karrierën e tij si trajner.

Pas largimit nga Dinamo, Bratu drejtoi Aerostar Bacău, AFC Turris dhe Concordia Chiajna, ndërsa në vitin 2021 u emërua trajner i Rumanisë U21, post që e mbajti për një sezon.

Në mars të vitit 2023 mori drejtimin e skuadrës qipriote Karmiotissa, duke regjistruar një mesatare prej 1.19 pikësh për ndeshje. Në gusht 2024 u rikthye në futbollin rumun si trajner i CS Dinamo București, ku qëndroi deri në mars 2026.

Që prej 3 marsit 2026, Florin Bratu është trajner i Metaloglobus București, klub me të cilin vazhdon karrierën. Ai preferon skemën taktike 4-2-3-1 dhe, gjatë karrierës si trajner, ka pasur një mesatare prej rreth 0.71 vitesh në çdo klub që ka drejtuar.

Sport

Indrit Çullhaj shpallet Kampion i Ballkanit, ngre sërish flamurin kuqezi në majën e podiumit

Xhudisti shqiptar Indrit Çullhaj ka shkruar një tjetër kapitull të artë në sportin shqiptar, duke u shpallur Kampion i Ballkanit pas një paraqitjeje mbresëlënëse në Kampionatin Ballkanik.

Çullhaj dominoi garën nga fillimi deri në fund, duke mposhtur radhazi kundërshtarët nga Kosova, Rumania dhe Greqia, ndërsa në finalen e madhe triumfoi ndaj përfaqësuesit të Malit të Zi, duke fituar me meritë medaljen e artë në kategorinë e tij.

Pas këtij suksesi të jashtëzakonshëm, kampioni shqiptar shprehu mirënjohjen për familjen e tij, Federatën Shqiptare të Xhudos, trajnerët dhe të gjithë ata që e kanë mbështetur gjatë rrugëtimit drejt këtij triumfi.

Kjo medalje e artë shënon një tjetër arritje historike për Çullhajn, i cili bëri që flamuri kuqezi të ngrihej për herë të katërt falë medaljeve të fituara prej tij në Kampionatet Ballkanike, duke konfirmuar edhe një herë se është një nga xhudistët më të suksesshëm që ka përfaqësuar Shqipërinë në arenën ndërkombëtare.

Triumfi i Indrit Çullhajt përfaqëson jo vetëm një sukses personal, por edhe një krenari të madhe për sportin shqiptar, duke dëshmuar se puna, përkushtimi dhe sakrifica shpërblehen me rezultate në skenën ndërkombëtare.

Sport

Shqiptari që mahniti Bayernin, Arijon shkëlqen me dy gola e tri asistime

19-vjeçari spikati në fitoren 15:0 ndaj Rottach-Egern, ndërsa Kosova vazhdon përpjekjet për ta bindur ta veshë fanellën dardane, transmeton albinfo.ch.

Talenti shqiptar Arijon Ibrahimoviç ka dhuruar një paraqitje mbresëlënëse në ndeshjen miqësore të Bayern Munich, duke qenë një nga lojtarët më të dalluar në fitoren e thellë 15:0 ndaj Rottach-Egern.

19-vjeçari realizoi dy gola dhe dhuroi tri asistime, duke konfirmuar potencialin e tij të madh dhe duke lënë përshtypje të shkëlqyera edhe te trajneri Vincent Kompany.

Paraqitja e tij ka forcuar bindjen se Ibrahimoviç është një nga talentët më premtues shqiptarë në futbollin evropian dhe se e ardhmja e tij mund të jetë në nivelet më të larta të futbollit.

Ndërkohë, Federata e Futbollit e Kosovës vazhdon kontaktet me lojtarin dhe familjen e tij, me synimin që ai në të ardhmen të zgjedhë ta përfaqësojë Kosovën në arenën ndërkombëtare.

Me formën që po tregon te Bayerni, Arijon Ibrahimoviç shihet si një futbollist me potencial për t’u shndërruar në një nga yjet e së ardhmes së futbollit evropian./Albinfo.ch

Lajme

“Bomba” e merkatos: Mevlan Adili transferohet te Shkëndija e Haraçinës

Shkëndija e Haraçinës vazhdon të përforcohet për sezonin e ri, teksa ka zyrtarizuar transferimin e mbrojtësit me përvojë, Mevlan Adili.

Pas negociatave të zhvilluara ndërmjet palëve, drejtuesit e skuadrës debutuese në elitën e futbollit vendor arritën ta bindin futbollistin shkupjan që të veshë fanellën kuqezi.

Adili vjen nga kampionati i Kosovës, ku së fundmi ishte pjesë e Gjilanit. Gjatë karrierës së tij ai ka ndërtuar një eksperiencë të pasur, duke mbrojtur ngjyrat e disa klubeve të njohura, si Shkëndija e Tetovës, Bylisi, Vllaznia, Shkupi, Žalgirisi dhe UTA Arad.

Me afrimin e 31-vjeçarit, Shkëndija e Haraçinës synon të fitojë më shumë siguri në repartin defensiv dhe të përfitojë nga përvoja e tij në sezonin e parë në elitën e futbollit. /SHENJA/