Lajme

Shtrenjtimi i kurbanit nuk ndalon besimtarët ta kryejnë obligimin e tyre fetar

Therja e kurbanit vazhdon të jetë një ritual i rëndësishëm fetar e kulturor që përcakton Kurban Bajramin. Besimtarët myslimanë, siç thonë ata, i përgjigjen thirrjes së Zotit për bamirësi, derisa njohësit e fesë potencojnë se qëllimi i këtij akti është afrimi me Zotin. Rritja e çmimit të kurbaneve, pavarësisht se po krijon pakënaqësi te blerësit, kjo nuk i ndalon ata për ta kryer këtë obligim fetar.

Imami i Xhamisë “Bedri Kamberi” në Prishtinë, Labinot Maliqi thotë se kurbani si akt daton që nga njeriu i parë, Ademi, derisa potencon se qëllimi i therjes së kurbanit është afrimi me Zotin dhe bamirësia.

Maliqi tregon se ndarja e mishit të kurbanit duhet të bëhet në tri pjesë, një për veten, një për familjarët dhe tjetrën për nevojtarët, jetimët apo edhe të tjerë.

Maliqi: Një pjesë të mishit të kurbanit ta ndajmë për nevojtarët

“Kurbani si akt, prerja e një kafshe të caktuar daton që nga njeriu i parë, Ademi, babai i njerëzimit, bekimet e Zotit qofshin për të. Që nga fëmijët e tij, Kabili dhe Habnili kur u obliguan që të therin nga një kurban, për tu siguruar se cili është në të drejtën dhe në të vërtetën. Që nga atëherë fillon edhe ky historiku i therjes së kurbanit e më pas edhe tek profeti Ibrahim, bekimet e Zotit qofshin për të. Dhe kështu edhe vetë Zoti në Kuran na urdhëron dhe na thotë ‘Faluni dhe preni kurban për hir të Zotit juaj’…Qëllimi është që të afrohemi te Zoti i madhëruar nëpërmjet therjes së një kafshe të caktuar. Por, me të nuk synojmë që ne të përfitojmë nga mishi, por të përfitojmë nga shpërblimet e Zotit të madhëruar, ngase të tillë e ka legjitimuar vetë Zoti dhe e ka bërë një diçka që nëpërmjet therjes së Kurbanit, afrohemi tek Zoti, shtohet bamirësia te të tjerët, ngase edhe shpërndarja e mishit mund të jetë një gjë e mirë…Ndarja e kurbanit preferohet që të bëhet në tri ndarje. Një ndarje ta bëjmë për vete, një pjesë për familjarët, edhe nëse ata i kanë mundësitë shumë të mira, ndoshta edhe më të mira se ne, është mirë që ta ndajmë edhe me ta një pjesë të mishit të Kurbanit. Gjithashtu, një pjesë të mishit të kurbanit ta ndajmë për nevojtarët, familjet skamnore, jetimët e të tjerë”, thotë Maliqi.

Blerja e kurbaneve nga qytetarët e besimit islam bëhet nëpër ferma apo edhe vende të tjera.

Ferma “Te Gasht” tash e disa vite merret me blegtori, duke bërë mbajtjen, shitjen dhe therjen e kurbaneve.

Albion Gashi thotë se këtë vit ka pasur interesim të madh për blerjen e kurbaneve, pavarësisht se çmimi i tyre ka shënuar rritje. Ai tha se çmimi për një dele fillon nga 200 euro, derisa tregon se për këtë bajram ka shitur mbi 150 kafshë për kurban dhe se pritet që numri të rritet gjatë këtyre dy ditëve.

Gashi: Mbi 200 euro një kurban, ka interesim për blerje

“Me këtë merremi qysh moti, babë e gjysh, por prej pas luftës merremi më intensivisht me to (dele). Familjarisht i përkushtohemi atyre…I kemi mbi 200 copë (dele)…Prej pas luftës merremi më shumë me (kurban), i premë, i shesim…Pak ka një ngritje (të çmimeve), por jo shumë…Prej 200 euro e lartë shkojnë ato, varet nga dëshira e konsumatorit, se çfarë i pëlqen dhe si i pëlqen…Ka pasur interesim të mirë, i kemi konsumatorët tanë…Prej 150 (persona) e lartë, varet si është interesimi i konsumatorëve…Një javë përpara fillojnë t’i shejojnë (t’i ndajnë), i shejojnë i lënë këtu, konsumatorët vijnë më pas ditën e Bajramit, tri ditë bajram i premë këtu dhe i marrin konsumatorët dhe ecin…A po ankohen konsumatorët për rritje të çmimeve? Jo, ai që e ka nijet ta therë nuk i intereson çmimi”, tha Gashi.

Ndërkaq, një fermer tjetër, i cili nuk ka dëshiruar të prononcohet para kamerës thotë se çmimi i deleve fillon nga 230 deri në 300 euro.

Fermeri: Çmimi i kurbaneve nga 230 deri në 300 euro

“A po i mbani shtrenjtë (kurbanet) sivjet? 250, prej 230 (euro) deri në 300. A nuk ka më lirë se 230? Jo, nuk ka”, thotë një fermer.

Ani pse çmimet janë ngritur, besimtarët myslimanë po vazhdojnë ta bëjnë prerjen e kurbanit.

Islam Rrahimi tregon se për çdo vit bën therjen e kurbanit, derisa kujton kohët e para disa viteve, për cak potencon se ky veprim kishte vlerë më të madhe për nevojtarët. Por, Rrahimi thotë se për kushtet dhe standardin e jetesës në Kosovë, çmimet e kafshëve për kurban, janë të shtrenjta.

Rrahimi: Mezi e kanë pritur të varfrit Bajramin e Vogël që t’u dërgojnë mish

“Jo, kësmet nesër do ta blejmë sepse është një dhuratë që shpërndahet te komshinjtë. Nuk është ndoshta edhe aq shumë, por vlerën e ka sepse komshiut pak i ndihmon. Sidomos më herët ka qenë shumë e rëndësishme, që mezi e kanë pritur të varfrit Bajramin e Vogël që të therin dhe t’u dërgojnë mish`. Tash nuk është interesant, por si obligim duhet të theret…A keni prerë Kurban çdo vit? Po, po çdo vit…Kundër standardit që e kemi ne dhe kushteve, tek ne është si traditë, obligim për bajram, janë të shtrenjta”, potencon Rrahimi.

Edhe Gani Sijarina thotë se ditën e Kurban Bajramit do ta bëjnë therjen e kafshës. Ai tregon se e shpërndajnë mishin e kurbanit në tri apo më shumë pjesë, ashtu siç e thotë edhe feja islame, porse shton se disa edhe nuk e pranojnë atë.

Sijarina: E ndajmë kurbanin në disa pjesë, por disa edhe nuk po e marrin

“Do ta therim kësmet, ditën e Bajramit ne e presim gjithmonë ashtu e kemi, paradite duhet herët…Ashtu është e paraparë, kur të kemi mundësi e (therim kurbanin), por rrallë ndodhë që nuk e (therim). A e shpërndani te të tjerët? Po, tri vende, shtatë vende, si t’i gjejmë njerëzit, se ndonjëherë disa edhe nuk po e marrin…Rritje të çmimeve ka shumë, keq është…Nuk bënë të rriten çmimet për asgjë, por janë rritur të gjitha në përgjithësi”, tha Sijarina.

Dita e parë e Kurban – Bajramit është të dielën më 16 qershor 2024. Manifestimi qendror për territorin e Kosovës, kushtuar festës së Kurban Bajramit, mbahet në Xhaminë e Madhe në Prishtinë.

Lajme

Tregjet plot, qytetarët po përgaditen për festën e Kurban Bajramit

Me afrimin e festës së Kurban Bajramit, qytetarët kanë filluar përgatitjet tradicionale që shoqërojnë këtë ditë të rëndësishme për besimtarët myslimanë. Në tregje dhe dyqane vërehet një gjallërim i shtuar, ku kërkesa për produkte ushqimore dhe ëmbëlsira festive, si bakllavaja, është në rritje. Por krahas atmosferës festive, qytetarët përballen edhe me çmime të ndryshuara të produkteve, ndërsa shumë prej tyre po planifikojnë nëse do të therrin kurban këtë vit. Ne ishim në terren për të parë nga afër se si po përgatiten qytetarët dhe shitësit për Kurban Bajramin dhe se çfarë atmosfere mbizotëron në prag të festës.

Qytetar, shitës

“Interesim ka më shumë tek arrat, edhe tek bonbonat, çokollatat, po harxhohen momentalisht më mirë është si kundër tjera dit, më mirë është. Arrat vjet i kemi pasur 450 denarë ja çmimi përsëri i ke 450 denarë i njëjti çmim është si vjet si sivjet. Po qytetarët normal, ankesa ka, se gjërat e tjera janë më shtrejtë, jo matura, ka harxhime më shumë, tash dy tre festa kanë ardhur përmenjëherë aty është problemi, por përsëri ka interesim harxhohen. Normal me bakllavë, me mysafir, me tana të mirat si krejt edhe ne. Kuptimi është shumë i madh kush e kupton. Duhet me shku me hecë, me bo izaret familjen, e jo vetëm për një ditë. Tash duhet pak më mirë me e vazhdu traditën”.

Qytetar

“Shumë mirë mezi se e presim. Jo jo nuk i kemi renet për kurban, nuk janë edhe shumë shtrenjtë por neve nuk po na e qet me rrogë të vogël. Po takimet me familjarët, tek vllaznia, tek minxhallarët e kështu. Nuk mungon mishi, patjetër mishi është. Ëmbëlsira bakllava e ka vendin e parë. Dashuri, më të mira tana. Po kemi blerë, nësë jo për fëmijët për kë”.

Qytetar

“po, kismet, nuk është i shtrenjtë, mundet edhe me lirë por mirë është. Traditat fetare edhe kombëtare. Krejt, azgjë nuk mungon, krejt janë tradicionale me bakllavë e me krejt”.

Ndërkohë, një shitës ka folur për rritjen e çmimeve. Ai ka thënë se rritja e çmimeve në përgjithësi i ka detyrur që të rrisin edhe ata çmimet e produkteve elementare.

Qytetar, shitës

“Po për festën e bajramit tash marrin bakllavë, kadaif, arra për festat më shumë shkojnë këto, bakllava ka më shumë interesim për bajram,ka interesim më shum se sa ditëve të tjera. Mirë e presim me punë me festë. Po ka dallim te çmimet, janë rrit pak nuk janë si më parë, çdo artikull ka hyp edhe ne e kemi hyp çmimin. Po kanë ankesa, kanë mungesa të rrogave. Po bakllavën, kadaifin ajo është tradita e bajramit, si mos të ketë bakllavë nuk ka bajram”.

Qytetar

“Mir, si zakonisht mirë është, mesiguri po, në krahasim me vitet e tjera mirë është, prapë mirë është. Si zakonisht që i kan bë edhe ne i bëjmë, si të parët e tonë edhe ne. Po zbesoj që mungon dicka krejt janë si zakonisht, në përgjithësi të gjitha nga pak. Po normal, normal, si zakonisht si zakonisht krejt traditat tona që janë shqipëtare, krejt ato. Po në atë kuptimin e plotë dihet fetar, me rrëndësi është inshaallah çka është më mirë në këtë vit edhe për në kurban bajram po edhe çdoher të jemi mirë”.

Ndërsajanë duke u përmbyllur blerjet për Kurban Bajram, tregjet vazhdojnë të jenë të mbushura me lëvizje dhe gjallëri. Atmosfera e festës po ndihet gjithnjë e më shumë në çdo cep të qytetit, në pritje të ditës së Kurban Bajramit.

Anida Murati /SHENJA/

Lajme

Interesimi i madh për blerjen e kurbanëve, pavarësisht çmimeve të larta

Tregjet e shitjes së kurbanëve nuk janë mbushur veç me kurbana, por janë mbushur edhe me qytetarë që, pavarësisht sfidave ekonomike dhe rritjes së çmimeve, vazhdojnë ta ruajnë me përkushtim këtë traditë fetare.

MEVLUDIN IMERI –GAZETAR

Në vigjilje të festës së Kurban Bajramit, interesimi për blerjen e kurbanëve nga ana e qytetarëve është rritur, e kjo vërehet në pikat e shitjes së kurbanëve. Çmimi i kurbanëve, varion nga lloji dhe madhësia e kafshës që qytetarët e duan. Por, se ka dallime në çmime nga viti i kaluar, e pranojnë edhe vet shitësit.

Edhe qytetarët e konfirmojnë ndryshimin e çmimeve nga viti në vit, por thonë se Kurban Bajrami mbetet një obligim shpirtëror dhe një traditë që nuk mungon në familjet e tyre.

BLERËS

E pam që morët kurban? A prisni për çdo vit kurban Po presim për çdo vit, këtë vit do të prisni dele? Po kismet. A e vëreni dallimin në çmime, po ka dallim, lëviz çmimi për çdo vit.

Shitësit shprehen të kënaqur nga interesimi i qytetarëve por e pranojnë edhe faktin se çmimet kanë ndryshuar për dallim nga viti i kaluar.

SHITËS

A ka interesim? Po, ka interesim, ai që e ka menden me ble, vjen nuk bën shumë pauar e merr shkon, Allahu ishalla ja ban kabull. Çmimi ka pak dallim, po malli i mirë gjithmonë vlerësohet. Fillojnë nga 250, 300, 350, ka edhe 200, po simbas mallit edhe pazari.

Për shumë besimtarë, prerja e kurbanit nuk është vetëm një rit fetar, por edhe simbol i solidaritetit, sakrificës dhe ndihmës për familjet në nevojë. Ndërsa festa afrohet, atmosfera festive dhe përgatitjet për kremtim tashmë ndihen në çdo treg të shitjes së kurbanëve.

Lajme

MPB del me sqarim për të shtënat në Haraçinë

Rasti i djeshëm në Haraçinë i cili bëri bujë në opnion, ku policia ka shtënë me armë zjarri, pasi të njëjtët kanë tentuar ta ndalojnë një kamion, i cili ishte i ngarkuar me dru, sot nga Ministria e Punëve të Brendshme kanë dalë me sqarim rreth ngjarjes. Sipas MPB-së, policia gjatë ditës së djeshme ka shtënë me armë në formë paralajmëruese gjatë ndjekjes së një personi të dyshuar për kontrabandë me dru.

MINISTRIA E PUNËVE TË BRENDSHME

“Më 24.05.2026 rreth orës 12:00, në hyrje të fshatit Haraçinë, në rajonin e Shkupit, zyrtarët policorë i kanë dhënë shenjë për ndalim një kamioni të ngarkuar me dru, por shoferi nuk është ndalur dhe ka vazhduar lëvizjen. Më pas, shoferi e ka drejtuar kamionin drejt policëve dhe automjetit zyrtar, pas së cilës policët kanë shtënë plumba paralajmërues në ajër. Shoferi i ka shkarkuar drutë në rrugë dhe është larguar me automjetin në drejtim të panjohur. Nuk ka persona të lënduar, ndërsa drutë i janë dorëzuar Policisë Pyjore. Po ndërmerren masa për gjetjen e shoferit dhe automjetit”.

Reagim për këtë ngjarje ka bërë edhe kryetari i komunës së Haraçinës, Daut Beqiri, i cili thotë se çdo aksion nga policia duhet të zhvillohet me profesionalizëm dhe kujdes maksimal ndaj sigurisë së qytetarëve.

DAUT BEQIRI, KRYETAR I KOMUNËS SË HARAÇINËS

“Menjëherë pas rastit të ndodhur në Haraçinë, dola në vendin e ngjarjes për ta parë nga afër situatën dhe për të biseduar me qytetarët. Fatmirësisht nuk pati të lënduar, por shqetësimi tek banorët ishte i madh, pasi ngjarja ndodhi në një zonë të banuar me familje. Si kryetar komune, jam për zbatimin e ligjit dhe ruajtjen e rendit, por çdo aksion duhet të zhvillohet me profesionalizëm dhe kujdes maksimal ndaj sigurisë së qytetarëve”.

Beqiri kërkon nga institucionet kompetente që rasti të shqyrtohet me seriozitet, në mënyrë që siç tha, raste të tilla të mos përsëriten dhe qytetarët të ndihen të sigurt në vendin e tyre.