Lajme

Lloga: Askush nuk mund t’ua ndalojë shqiptarëve përdorimin e flamurit

Për këtë ka reaguar Sekretari Gjeneral i Aleancës për Shqiptarët, Krenar Lloga, i cili ka thënë se askush nuk mund t’ua ndalojë shqiptarëve përdorimin e flamurit.

Ja shkrimi i plotë i Llogës:

▪︎ Askush nuk mund t’ua ndalojë qytetarëve shqiptarë të RMV-së përdorimin e flamurit të tyre kombëtar e aq më pak Dimitrievski, ai mund të lejojë ose të ndalojë flamuj në shtëpinë e tij private.
Qeveria është shtëpia e të gjithë qytetarëve të Maqedonisë së Veriut, rrjedhimisht edhe 1/3 së popullsisë së përgjithshme, në këtë rast shqiptarëve. Secili komunitet mund të përdorë flamurin e tij e që janë pjesë preambulës së këtij shteti, si ai turk, boshnjak, vlleh, rom, egjiptian etj.

Flamuri shtetëror i RMV-së respektohet nga të gjithë andaj edhe të gjithë duhet të respektojnë simbolet respektive.

Etnocentrizmi alla serb që po shfaqet si re e zezë mbi vendin tonë, është ogur i keq, andaj ndaloni eksperimentet mbi shtetin që çdo ditë e më shumë po mundoheni ta ndani e përçani, përvishini mëngët dhe punoni për ardhmërinë e këtij vendi, mjaft me kampanjë paszgjedhore.

Lajme

Arrestohet 65-vjeçari nga Bogovina, dyshohet për vjedhje në xhami

Policia ka arrestuar një person të dyshuar për vjedhje në një objekt fetar.

“Më 17.03.2026 në ora 21:55 në fshatin Bogovinë, zyrtarët policorë e kanë privuar nga liria Z.M.(65) nga i njëjti fshat, nën dyshimin se më 14.03.2026 ka kryer vjedhje në një xhami në Vrapçisht”, njofton policia për Tetovasot.

Pas dokumentimit të rastit, ndaj tij do të ngrihet kallëzim përkat

Lajme

Aksident në rrugën Shkup-Kumanovë, lëndohen dy persona nga Likova

Dy persona nga fshati Vishticë i Likovës, sot kanë pësuar lëndime në aksidentin që ka ndodhur në rrugën Shkup-Kumanovë, në hyrje të Shkupit.

Fatmirësisht ata kanë përfunduar vetëm me lëndime të vogla dhe janë transferuar në spital, shkruan Lideri.mk.

“Sot në mëngjes pësuam në një aksident trafiku në rrugën Kumanovë – Shkup , në hyrje të Shkupit bashkë me vëllaun tim. Për momentin jemi ende në urgjencë të dy dhe falë All-llahut Fuqiplotë jemi me lëndime të vogla.
Faleminderit që thirrni në tel mirepo nuk mund tua hap shkaku gjendjes.
Zoti ju rujt dhe ju dhëntë shëndet!”, ka shkruar Ismail Rushiti, i përfshirë në aksident.

Lajme

BDI: Vetëm gjatë dy javëve të fundit, qytetarët kanë paguar mbi 10 milionë euro më shumë për derivate të naftës

Përfaqësuesja e Bashkimi Demokratik për Integrim, Imrane Veliu Aliu, në një konferencë për shtyp ka ngritur alarmin për rritjen e çmimeve të derivateve të naftës dhe mungesën e reagimit nga ana e Qeverisë.

Sipas të dhënave të prezantuara, konsumi i derivateve për transport në Maqedonia e Veriut arrin rreth 720 mijë ton në vit, përkatësisht 60 mijë ton në muaj dhe rreth 2 mijë ton në ditë. Bazuar në këtë konsum, BDI vlerëson se mosndërhyrja e institucioneve po u kushton qytetarëve dhe bizneseve rreth 685 mijë euro në ditë, apo mbi 5.1 milionë euro në javë.

Sipas kësaj analize, vetëm gjatë dy javëve të fundit qytetarët kanë paguar mbi 10 milionë euro më shumë për karburant.

Rritja e çmimeve prej 21 denarë për litër ka prekur drejtpërdrejt qytetarët që udhëtojnë drejt Shkup. Sipas BDI-së, qytetarët e Tetovë paguajnë rreth 600 euro më shumë në vit, ata të Gostivar rreth 780 euro, ndërsa qytetarët e Kumanovërreth 579 euro më shumë në vit.

“Këto janë shifra alarmante që rëndojnë drejtpërdrejt mbi buxhetin familjar dhe përkeqësojnë standardin jetësor të qytetarëve”, theksoi Aliu, duke kërkuar masa urgjente nga Qeveria për të përballuar rritjen e çmimeve dhe për të mbrojtur ekonominë familjare dhe bizneset.