Connect with us

Lajme

Mbi 2200 viktima të abuzimit seksual nga pjesëtarë të stafit të kishës në Gjermani

Sipas një raporti të publikuar të enjten të paktën 1,259 persona, pjesë e stafit të Kishës Protestante të Gjermanisë, kanë kryer abuzime seksuale gjatë dekadave të fundit me të paktën 2,225 viktima.

Autorët e raportit vlerësojnë se numri aktual i abuzuesve ka të ngjarë të jetë shumë më i lartë, me afro 3,500 persona, raportoi agjencia gjermane e lajmeve DPA, shkruan Euronews.

Martin Wazlawik nga Universiteti i Hanoverit, i cili mbikëqyri studimin mbi dhunën seksuale në Kishën Protestante në Gjermani, i përshkroi shifrat e zbuluara si “maja e ajsbergut”.

Më 2020 Kisha Protestante kishte kërkuar që studimi të bëhet dhe kishte ndarë 3.6 milionë euro për financimin e tij. Mirëpo objektivi kryesor i studimit që kishte kërkuar Kisha ishte analizimi i strukturave të brendshme të kishës, që kontribuojnë në dhunën dhe abuzimin me pushtetin.
Kisha Protestante e Gjermanisë që përfaqëson 19.2 milionë të krishterë protestantë përmes 20 kishave të saj rajonale, shprehu keqardhje për viktimat gjatë prezantimit të studimit në Hanover.

Peshkopi Kirsten Fehrs i Hamburgut njëherësh kreu i Këshillit të Kishës Protestante në Gjermani (EKD), u kërkoi një falje viktimave duke thënë se gjithashtu se edhe vetë kanë qenë fajtorë.

“Si institucion, ne kemi qenë gjithashtu fajtorë për krime të panumërta kundër njerëzve të panumërt,” tha Fehrs.

Click to comment

Leave a Reply

Your email address will not be published. Required fields are marked *

Lajme

Rriten pensionet për 2500 denarë menjëherë! Qeveria sapo mbaroi seancën

Ministri, Aleksandar Nikollovski ka njoftuar se para pak minutash ka mbaruar seanca qeveritare, transmeton TV21.

Në kuadër të kësaj seance, që sipas tij ka zgjatur më shumë se 12 orë, është miratuar ribalanci i buxhetit, i cili duhet të marrë dritë jeshile edhe nga Kuvendi.

Ai njofton se me këtë ribalanc sigurohen:

100 milionë euro për komunat për zgjidhjen e problemeve infrastrukturore
rritje të pensioneve për 2500 denarë menjëherë dhe 2500 denarë gjatë vitit të ardhshëm
rriten investimet kapitale.

Continue Reading

Lajme

SHBA-ja raportohet se u informua për një komplot iranian për v’rasjen e Trumpit

Autoritetet amerikane u informuan nga një person civil mbi një komplot nga Irani për vrasjen e Donald Trumpit, një zhvillim që dërgoi në rritjen e sigurisë së Shërbimit Sekret rreth ish-presidentit, i thanë CNN shumë njerëz të informuar për këtë çështje.

Nuk ka asnjë tregues se Thomas Matthew Crooks, atentatori i mundshëm që tentoi të vriste ish-presidentin të shtunën, ishte i lidhur me komplotin, thanë burimet.

Sipas burimit të njëjtë, Thomas Matthew Crooks, i cili u përpoq ta vriste Trumpin më 13 korrik, nuk duket se ka pasur lidhje me komplotin iranian.

Ish-zyrtarë të administratës Trump, përfshirë këshilltarin e tij për sigurinë kombëtare, John Bolton, dhe sekretarin e Shtetit, Mike Pompeo, thuhet se kanë marrë po ashtu kërcënime nga Irani.

Kjo, pasi Qasem Soleimani, ish-komandant i Forcave elitare Quds të Korpusit të Gardës Revolucionare të Iranit, është vrarë në janar të vitit 2020 në një sulm të forcave amerikane, nën komandaën e presidentit të atëhershëm, Trump. Irani u zotua se do të hakmerrej për këtë vrasje, raporton rel.

Misioni i Iranit në Kombet e Bashkuara tha se raportet për komplotin iranian për vrasjen e Trumpit, janë “të pabazuara dhe keqdashëse”, dhe shtoi se Trump është “një kriminel që duhet të ndiqet penalisht dhe të dënohet në gjykatë”.

Anthony Guglielmi, zëdhënës i Shërbimit Sekret të SHBA-së, tha se ai dhe agjencitë e tjera “kanë marrë vazhdimisht informacione të reja për kërcënime të mundshme” dhe se ata “kanë ndërmarrë veprime për t’i përshtatur burimet sipas nevojës”.

“Ne nuk mund të komentojmë për ndonjë rrjedhë specifike të kërcënimeve, përveçse të themi se Shërbimi Sekret i merr seriozisht ato dhe përgjigjet në përputhje me rrethanat”, tha Guglielmi.

Adrienne Watson, zëdhënëse e Këshillit të Sigurisë Kombëtare të Shtëpisë së Bardhë, tha se zyrtarët amerikanë të sigurisë i kanë përcjellë me vite “kërcënimet e Iranit kundër ish-zyrtarëve të administratës Trump”

“Këto kërcënime kanë lindur nga dëshira e Iranit për t’u hakmarrë për vrasjen e Soleimanit”, tha ajo, raporton BBC. “Ne e konsiderojmë këtë si çështje të sigurisë kombëtare me prioritetin më të lartë”, shtoi Watson.

Megjithatë, ajo përsëriti se hetimet “nuk kanë identifikuar lidhje” midis Crooksit dhe “ndonjë bashkëpunëtori të huaj apo vendas”.

Crooks qëlloi në drejtim të Trumpit, duke e plagosur në vesh, derisa ai po fliste në një tubim në Butler të Pensilvanisë, më 13 korrik. Një person në audiencë u vra dhe dy të tjerë u plagosën. Crooks, 20 vjeç, u qëllua dhe u vra nga Shërbimi Sekret, por motivi i tij mbetet i paqartë.

Pas sulmit u ngritën pyetje sesi oficerët e policisë dhe agjentët përgjegjës për tubimin, e lejuan Crooksin të afrohej aq shumë.

Shërbimi Sekret pranoi se policia lokale ishte brenda ndërtesës, ndërsa Crooks ishte në çatinë e saj, duke shënjestruar Trumpin nga 130 metra largësi.

Shërbimi Sekret do të përballet gjithashtu me hetime nga Kongresi.

Continue Reading

Lajme

ASH: vLEN legjitimon planin e Stoilkoviçit për largimin e 3000 shqiptarëve nga administrata

Nga Aleanca për Shqiptarët kanë reaguar pas deklaratave të Bilall Kasamit lidhur me 3000 të punësuarit sipas Marrëveshjes së Ohrit, duke thënë se ai dhe VLEN u vendosën në mbrojtje të Stoilkoviqit dhe VMRO-së.
“Ditë më parë Qeveria e VMRO-së paralajmëroi se do ta shkurtojë administratën për 3000 të punësuar më pak dhe menjëherë pas këtij lajmi, doli ministri Stoilkoviç dhe u kërcënua me revizion dhe largim nga puna të 3000 të punësuarve shqiptar përmes Marrëveshjes së Ohrit.
Në vend që tu dalin në ballë këtyre e në mbrojtje shqiptarëve, njëri nga kryetarët e koalicionit VLEN, Bilall Kasami, doli edhe mbrojti Stoilkoviçin dhe VMRO-në, duke vulosur ofendimin, nënçmimin dhe diferencimin e 3000 shqiptarëve nga administrata shtetërore. Si gjithmonë, për të githa vendimet e VMRO-së dhe Stoilkoviqit këta bëjnë vetëm amin! Janë shndërruar në argument të VMRO-së!
Me kështu “shqiptar të ndershëm” jo vetëm 3000 shqiptarë mund te largohen nga puna, por çdo e arritur e shqiptarëve vihet në pikëpyetje.
Krejt fantazia e VMRO-së mund të jetësohet nga “shqiptarët e ndershëm”, e kjo fantazi shndërrohet në veprim madje edhe te foshnjat 3 muajshe”, thuhet në reagimin e ASH-së.

Continue Reading

TË FUNDIT

Lajme2 mins ago

Rriten pensionet për 2500 denarë menjëherë! Qeveria sapo mbaroi seancën

Ministri, Aleksandar Nikollovski ka njoftuar se para pak minutash ka mbaruar seanca qeveritare, transmeton TV21. Në kuadër të kësaj seance,...

Lajme3 mins ago

SHBA-ja raportohet se u informua për një komplot iranian për v’rasjen e Trumpit

Autoritetet amerikane u informuan nga një person civil mbi një komplot nga Irani për vrasjen e Donald Trumpit, një zhvillim...

Lajme15 hours ago

ASH: vLEN legjitimon planin e Stoilkoviçit për largimin e 3000 shqiptarëve nga administrata

Nga Aleanca për Shqiptarët kanë reaguar pas deklaratave të Bilall Kasamit lidhur me 3000 të punësuarit sipas Marrëveshjes së Ohrit,...

Sport23 hours ago

Southgate jep dorëheqje nga Anglia

Gareth Southgate ka dhënë dorëheqje nga pozita e selektorit të Anglisë. Dorëheqjen e ka dorëzuar para pak minutash në Federatën...

Lajme24 hours ago

Prokuroria do ta hetojë aksidentin e autobusit të NTP Shkup

Prokuroria Themelore e Shkupit njofton se ka hapur lëndë dhe po ndërmerr veprime për hetimin e aksidentit të autobusit të...

Lajme24 hours ago

MPB konfirmon rastin me personin e vdekur që u gjet në fshatin Orman të Shkupit

Një burrë i rritur me inicialet Ç.R mbrëmë me lëndime të rënda në kokë është gjetur pranë një veture në...

Lajme24 hours ago

Dogana konfiskon 7.800 euro të padeklaruara nga një person në Bllacë

Dogana e Maqedonisë njofton se është parandaluar futja e paligjshme e devizave në vendkalimin kufitar Bllacë në vlerë prej 7.800...

Lajme2 days ago

Agim Berisha do të jetë drejtor i Spitalit Klinik të Tetovës

Doktor Agim Berisha pritet të jetë drejtor i përgjithshëm i Spitalit Klinik të Tetovës, mëson portali TS. Berisha është një...

Lajme2 days ago

SPB-Tetovë paralajmëron qytetarët: Dënim me burg prej 1 deri 5 vjet për të shtëna me armë zjarri

Në zonën që mbulon Sektori për Punë të Brendshme në Tetovë, sipas përvojës së deritanishme, në periudhën e ardhshme pritet...

Lajme2 days ago

Konfiskohen 106 parfume “Gisada” në hyrje të Maqedonisë së Veriut (FOTO)

Mbi njëqind parfume “Gisada” në vlerë prej 240 mijë denarë janë konfiskuar nga doganierët në hyrje të vendkalimit kufitar “Tabanoc”,...

Trending