Sport

Nuk ishte në planet e Enriques, në garë me kohën për të firmosur me Eintrachtit

Marrëveshje totale mes Paris Saint-Germain dhe Eintracht Frankfurtit për transferimin e Hugo Ekitike në Bundesligë.

RMC Sport raporton se sulmuesi ka marrë avionin për në Gjermani, ku do t’u nënshtrohet testeve mjekësore dhe do të nënshkruajë kontratën. Është një garë me kohën pasi tregu gjerman mbyllet në orën 18:00.

Ekitike kalon te Eintrachti me formulën e huazimit me detyrim blerjeje, plus përqindjen e rishitjes në favor të Paris Saint-Germain. Kostoja e përgjithshme e operacionit është rreth 30 milionë euro.

Mbaron epoka pariziene për 21-vjeçarin, që nuk ishte në planet e Luis Enriques: vetëm një paraqitje për 8 minuta në total në këtë pjesë të parë të sezonit. Viti 2022/23 ishte më i mirë për sa i përket aktivizimit, me 32 paraqitje dhe 4 gola në të gjitha garat.

Lojtari u ble në verë, me PSG që i pagoi 28 milionë Brestit. Ekitike do ta gjejë Eintrachtin në vendin e gjashtë në tabelën e Bundesligës, pesë pikë nga zona e Champions League./ Super Sport

Top Channel

Sport

BEFASI NË TETOVË: Shkëndija mundet nga Bashkimi

Një surprizë e madhe është regjistruar në Tetovë, ku Bashkimi arriti të befasojë Shkëndijën, duke shkaktuar një nga rezultatet më të papritura në kampionat.

Bashkimi arriti ta mposht me rezultat prej 3-2 Shkëndijën në terrenin e saj.

Kjo humbje për Shkëndijën vjen si një goditje në garën për kreun, ndërsa Bashkimi dëshmon se mund të jetë faktor i rëndësishëm në fazën përfundimtare të sezonit.

Lajme

Kasami: Ndeshje spektakolare me një frymë të vërtet vëllazërore

Kryetari i Komunës së Tetovës dhe një nga liderët e koalicionit VLEN, Bilall Kasami, ka reaguar pas ndeshjes mes KF Shkëndija dhe Shkëndijës së Haraçinës, duke e cilësuar atë si një përballje spektakolare dhe me atmosferë të veçantë sportive, përcjell tetova1

Kasami përgëzoi ekipin e KF Shkëndija për fitoren, ndërsa vlerësoi edhe paraqitjen dhe karakterin e treguar nga skuadra e Shkëndijës së Haraçinës.

Kasami bëri të ditur se ndeshjen e ndoqi nga afër në tribunë, së bashku me kryetarin e Komunës së Haraçinës, Daut Beqiri.

Postimi i plotë i Kasamit:

“Ndeshje spektakolare, e mbushur me gola dhe me një frymë të vërtetë vëllazërore në fushë. Urime fitoren KF SHKËNDIJA dhe një bravo të madhe për Shkëndijën e Haraçinës për lojën dhe karakterin e treguar!

Në tribuna, bashkë me kryetarin e Haraçinës, Daut Beqiri!”, ka përfunduar Kasami./tetova1.mk/

Sport

Shkëndija e Tetovës fiton gjysmëfinalen e parë ndaj Shkëndijës Haraçinës

Gjysmëfinalja e parë e Kupës së Maqedonisë së Veriut i ka takuar Shkëndijës së Tetovës që triumfoi me rezultat 3:2 ndaj Shkëndijës së Haraçinës. Fillimisht tetovarët avansuan me Trumçin, teksa skuadra nga Haraçina përmbysi përkohësisht me Nuhijën dhe Livarekën. Megjithatë, kuqezinjtë tetovar gjetën dy herë tjetër rrjetën me Kërstevskin dhe Meliqin për fitore dhe rezultat final 3:2.

Ndërkohë ndeshja tjeter gjysmëfinale ndërmjet Ohridit dhe Sileksit u mbyll me barazim 1:1. Ndeshjet e kthimit të gjysmëfinales së Kupës do të luhen me 6 maj. /SHENJA/