Connect with us

Lajme

Për dy ditë 2.000 kërkesa të dorëzuara personalisht për vauçer për inverter

Rreth 1.500 qytetarë sot personalisht kanë dorëzuar kërkesë në Arkivin e Ministrisë së Ekonomisë për vauçer për blerjen e një kondicioneri inverter, ndërsa gjatë ditës së djeshmë këtë e kanë bërë 500 qytetarë. Shtesë një numër i madh i aplikacioneve kanë mbërritur me postë, kryesisht nga qytetarë nga qytete tjera të vendit dhe ato do të përpunohet gjatë fundjavës, informojnë nga Ministria e Ekonomisë.

Nga Ministria e Ekonomisë presin që së shpejti të shfrytëzohen të gjitha mjetet e parashikuara për blerjen e kondicionerëve. Afati për masën e parë është 12 shkurti, ndërsa për të dytën 15 shkurti i këtij viti. Për të dorëzuar personalisht një kërkesë në arkiv, siç thonë, qytetarët presin rreth 20 minuta.

Është shpallur edhe njoftim publik për përzgjedhjen e kompanive nga të cilat qytetarët do të mund të blejnë kondicionerë.

Vauçerët do të shpërndahen sipas parimit “I pari i ardhur, i pari i shërbyer”. Për të realizuar të drejtën për të marrë pjesë në këtë shpallje publike, amviseritë në tre vitet e fundit kalendarik nuk duhet të kenë përdorur fonde nga asnjë burim për të rimbursuar shpenzimet për pajisjet e ngrohjes – soba me pelet ose kondicionerë inverter me efikasitet të lartë, të mos kenë lidhje me Ngrohje qendrore të qytetit ne objektin e banimit ku do te vendoset pajisja. Gjithashtu, pajisja do të duhet të blihet dhe instalohet gjatë vitit 2024, jo më vonë se 30 nëntori i këtij viti, në adresën e specifikuar në kërkesë.

Pajisja e blerë duhet të ketë detyrimisht minimi COP 3.0, të ngrohë në një temperaturë të jashtme prej -15 gradë Celsius dhe të jetë së paku klasë energjetike A+ për konsumin e energjisë elektrike për ndrohje.

Për të aplikuar në shpalljet qytetarët duhet të plotësojnë një kërkesë që mund ta marrin në Arkivin e Ministrisë së Ekonomisë ose në ueb-faqen e Ministrisë së Ekonomisë, deklaratë për saktësinë e të dhënave të vërtetuar në noter, një fotokopje të kartës së identitetit nga të gjithë anëtarët e familjes, si dhe një kopje e faturës së fundit të paguar të energjisë elektrike.

Sipas Programit për mbrojtjen e konsumatorëve të rrezikuar të energjisë, personat me të ardhura të ulëta për një person të vetëm me të ardhura totale deri në 21.000 denarë, amvisëri me dy anëtarë me të ardhura totale prej 30.000 dhe një amvisëri me tre anëtarë me të ardhura totale prej 35.000 denarë do të mund të marrin një kupon në vlerë prej 27.000 denarë bruto për familje, me TVSH të përfshirë për blerjen dhe instalimin e kondicionerëve inverterë me efikasitet të lartë, si dhe personat me të ardhura të ulëta për një familje me katër anëtarë me të ardhura totale prej 40.000 denarë dhe një familje me pesë anëtarë e më shumë me të ardhura totale prej 45.000 denarë do të mund të marrë vauçer për kondicioner inverterë në vlerë prej 30.000 denarë bruto për amvisëri, përfshirë TVSH-në.

Sipas Programit për nxitjen e efikasitetit energjetik në amvisëri, vauçer në vlerë prej 25.000 denarë për amvisëri me TVSH të përfshirë, do të marrin familjet të cilët jetojnë në territorin e komunave të rajonet e Pellagonisë – Manastir, Demir Hisar, Krivogashtan, Krushevë, Mogila, Prilep, Resnjë, Novaci, Dollnen dhe rajoni Jugperëndimor – Vevçan, Dibër, Debërc, Kërçovë, Makedonski Brod, Ohër, Pllasnicë, Strugë, Qendër Zhupë.

Vauçer në vlerë prej 23.000 denarë për amvisëri, me TVSH të përfshirë, do t’u jepet amvisërive që jetojnë në rajonin e Shkupit, Lindjes, Juglindjes, Verilindjes, Vardarit dhe Pollogut.

Click to comment

Leave a Reply

Your email address will not be published. Required fields are marked *

Lajme

Çmimet e naftës bien pas sulmit të Iranit

Çmimet e naftës kanë rënë pas sulmit hakmarrës të Iranit ndaj Izraelit. Në bursën e Londrës çmimi arriti në 90 dollarë për fuçi, ndërsa në bursën amerikane çmimi u ul me 29 cent, ose 0,3%, në 85,37 dollarë për fuçi.

Sulmi me më shumë se 300 raketa dhe dronë ka ngritur shqetësime për një konflikt më të gjerë rajonal që pritet të ketë ndikime negative nëpër tregjet e Lindjes së Mesme. Çmimet gjatë javëve të fundit janë rritur duke prekur nivelet e tyre më të larta që nga tetori i vitit të kaluar. Analistët e “City Research” kanë bërë të ditur se tensionet e zgjatura gjeopolitike gjatë tremujorit të dytë të këtij viti kanë çuar kryesisht naftën në 85-90 dollarë për fuçi.

Analistët shprehen se reagimi i Izraelit ndaj sulmit do të jetë kyç për tregjet globale në ditët dhe javët në vijim. Mes të tjerash ata parashikojnë se ato mund të rriten fuqishëm nëse Izraeli ndërmerr veprime hakmarrëse ndaj Iranit.

Irani është prodhuesi i 7-të më i madh i naftës në botë, sipas Administratës së Energjisë së SHBA-së, dhe anëtari i tretë më i madh i kartelit të prodhuesve të naftës OPEC. Analistët thonë se një rritje e çmimit të naftës në vazhdim do të ndikohet transporti përmes Ngushticës së Hormuzit. Meqenëse Irani aktualisht prodhon mbi 3 milionë fuçi naftë bruto në ditë si një prodhues kryesor brenda Organizatës së Vendeve Eksportuese të Naftës (OPEC), rreziku i furnizimit përfshin sanksione më të rrepta të naftës dhe se përgjigja e Izraelit mund të përfshijë shënjestrimin e infrastrukturës energjetike të Iranit.

Ngushtica e cila është midis Omanit dhe Iranit është një rrugë thelbësore detare, pasi rreth 20% e furnizimit të përgjithshëm të naftës në botë kalon përmes saj. Anëtarët e OPEC-ut, Arabia Saudite, Irani, Emiratet e Bashkuara Arabe, Kuvajti dhe Iraku dërgojnë pjesën më të madhe të naftës që eksportojnë përmes kësaj ngushtice.

Continue Reading

Lajme

Ilir Meta mbështet VMRO-DPMNE-në: Fitorja e tyre do t’i jep një dimension të ri zhvillimit ekonomik të vendit

Kryetari i Partisë së Lirisë, Ilir Meta, ka shprehur mbështetjen e tij për VMRO-DPMNE-në. Sipas ish presidentit të Shqipërisë, nga fitorja e VMRO-së do të kenë përfitim të gjithë qytetarët e Maqedonisë, shkruan SHENJA.

“Fitorja e pritshme e VMRO-DPMNE në zgjedhjet e afërta do t’i japë një dimension të ri zhvillimit ekonomik të Maqedonisë së Veriut në të ardhmen nga i cili do të përfitojnë të gjithë qytetarët e saj.

Të mos harrojmë se vizioni dhe politikat e saj në qeverisje e shndërruan Maqedoninë e Veriut, vendin e 10-të në botë dhe të 5-të në Europë për klimën e biznesit dhe investimet e huaja.

Falë vizionit të VMRO-DPMNE, Maqedonia e Veriut shpërtheu për rritjen e bujqësisë dhe blegtorisë duke e nisur me 10 milionë euro financim në vit e duke e çuar në 200 milionë euro.

Ekipi i ri i VMRO-DPMNE besoj se ka mësuar mjaftueshëm nga gabimet e bëra në të kaluarën dhe pasojat e nepotizmit, të cilat eklipsuan arritjet e jashtëzakonshme ekonomike dhe sociale.

Maqedonia e Veriut do të vazhdojë të ecë e sigurt në rrugën euro-atlantike dhe përsëri shqiptarët do të jenë garancia kyçe për këtë!”, ka shkruar Meta.

Continue Reading

Lajme

Ndryshimet në platformën X të Elon Musk, përdoruesve nuk do t’u jepet ky opsion

Platforma X nuk i lejon më përdoruesit të fshehin distinktivët e tyre blu të verifikimit, pavarësisht nëse kanë paguar për shërbimin premium apo jo. Ndryshimi në platformën X vjen pasi shërbimi filloi të verifikonte përdoruesit me ndikim që nuk u regjistruan për veçoritë premium.

Aplikacioni ka filluar të njoftojë përdoruesit se opsioni për të fshehur shenjën e tyre X Premium do të hiqet së shpejti.

Ky ndryshim vjen menjëherë pasi X filloi papritur të shtojë një verifikim blu në llogaritë dhe influencuesit që kanë të paktën 2500 ndjekës që paguajnë për një abonim premium.

Edhe pse Elon Musk sugjeroi që ky ndryshim duhet të jetë i përshtatshëm, disa përdorues nuk janë të kënaqur me shfaqjen e shenjës blu në llogaritë e tyre.

Continue Reading

TË FUNDIT

Lajme24 hours ago

Çmimet e naftës bien pas sulmit të Iranit

Çmimet e naftës kanë rënë pas sulmit hakmarrës të Iranit ndaj Izraelit. Në bursën e Londrës çmimi arriti në 90...

Lajme24 hours ago

Ilir Meta mbështet VMRO-DPMNE-në: Fitorja e tyre do t’i jep një dimension të ri zhvillimit ekonomik të vendit

Kryetari i Partisë së Lirisë, Ilir Meta, ka shprehur mbështetjen e tij për VMRO-DPMNE-në. Sipas ish presidentit të Shqipërisë, nga...

Lajme24 hours ago

Ndryshimet në platformën X të Elon Musk, përdoruesve nuk do t’u jepet ky opsion

Platforma X nuk i lejon më përdoruesit të fshehin distinktivët e tyre blu të verifikimit, pavarësisht nëse kanë paguar për...

Lajme24 hours ago

Mickoski: Ka ikur koha kur Reçica mund të shantazhonte

Dje Artan Grubi ka dhënë kushtin e BDI-së për mbështetje në raundin e dytë zgjedhor. Ai tha se është e...

Lajme2 days ago

Arben Taravari njofton se VLEN anulon tubimin, shkak aksidenti tragjik

Arben Taravari kandidat për president nga VLEN nëpërmjet një video mesazhi ka njoftuar se tubimi në Gostivar anulohet përshkak të...

Sport2 days ago

Shkëndija dhuron spektakël në Tetovë, e mund Sileksin 6:1

Elita e futbollit vendor ka sjell pasditën e sotme tre ndeshjet e fundit të xhiros së 27-të në program. Shkëndija...

Lajme2 days ago

Osmani: Dënojmë sulmin iranian, Izraeli të mbajë përgjegjësi për civilët në Gaza

Ministri i Punëve të Jashtme, Bujar Osmani, në konferencën e sotme për media, ka dënuar fuqishëm sulmin masiv të Iranit...

Lajme3 days ago

Fronti Europian në Zhelinë/ Sulejmani: Do të jemi fitues absolut, në vazhdimësi bisedojmë se cila do të jetë diferenca, e jo fitorja, sepse fitorja është e padiskutueshme

Fronti Europian sonte është ndalur për bashkëbisedim me banorët e komunë së Zhelinës. Përveç kandidatit për president, Bujar Osmanit të...

Lajme3 days ago

Nënshkruhet marrëveshja për ndërtimin e stadiumit/ Ajdini: Mbetemi të përkushtuar ndaj Tetovës

Drejtori i Ndërmarjes për transport “Tetova transport”, z. Arbër Ajdini pak javë më parë ka nënshkruar marrëveshje bashkëpunimi për ndërtimin...

Lajme4 days ago

Policia jep detaje për të shtënat me armë në Tetovë

SPB Tetovë ka dalë me informacione zyrtare në lidhje me të shtënat që ndodhën pak më herët në qytetin e...

Trending