Lajme

Ushtari profesionist kapet duke hedhur një qese me celularë për të burgosurit në Idrizovë

Prokuroria Themelore Publike Shkup ka iniciuar procedurë kundër një të dyshuari 23 vjeçar për veprën penale Keqpërdorim i pozitës dhe autoritetit zyrtar nga neni 353 paragrafi 1 i Kodit Penal. I dyshuari, më 1 shkurt, në INP Idrizovë – Shkup, në cilësinë e zyrtarit ka ndërmarrë veprim që ka tejkaluar kufijtë e kompetencave të tij zyrtare me qëllim që të përfitojë dhe mundësojë përdorimin e celularit për dy të dënuar që vuanin dënimin me burg, njoftoi PThP, transmeton Portalb.

“I dyshuari, më 1 shkurt, në INP Idrizovë – Shkup, në cilësinë e zyrtarit – ushtar profesionist në Armatën e Republikës së Maqedonisë së Veriut, për shkak të gjendjes së krizës së shpallur në zonën e burgut, është punësuar si i jashtëm – sigurimi statik nga një kullë vrojtimi në murin e gardhit të objektit të burgut. Duke vepruar kështu, ai ka ndërmarrë veprim që ka tejkaluar kufijtë e kompetencave të tij zyrtare me qëllim që të përfitojë dhe mundësojë përdorimin e celularit për dy të dënuar që vuanin dënimin me burg në pavijonin e mbyllur dhe që sipas rregullave të në burg, janë të ndaluara telefonat dhe komunikimi pa mbikëqyrjen e policisë së burgjeve”, thonë nga PThP.

Pasi kishte fshehur paraprakisht dhjetë celularënë jelekun taktik të uniformës që kishte veshur, ai kaloi rojën, dhe duke ditur që të dënuarit ishin liruar për shëtitje të përditshme dhe po e prisnin, ai qëndroi pranë murit të kabinës dhe më pas i hodhi celularët mbi dy gardhe mbrojtëse për t’u mundësuar komunikimin pa mbikëqyrje.

“Meqenëse ekzistojnë rrethana që tregojnë qartë rrezik për arratisje, si dhe rrethana të veçanta që arsyetojnë frikën se i dyshuari do ta përsërisë veprën penale, prokurori publik ka paraqitur propozim për caktimin e masës së paraburgimit për të dyshuarin”, thonë nga PThP.

Lajme

“Merimanga” në aksion, largohen 135 makina në Qendër të Shkupit

135 makina të parkuara në mënyrë të parregullt janë larguar me automjetet speciale “Merimanga” në territorin e Komunës Qendër të Shkupit, gjatë javës së kaluar. Sipas Ndërmarrjes Publike “Parkingjet e Komunës Qendër”, automjetet janë larguar në periudhën nga 5 deri më 11 tetor, pasi pengonin zhvillimin normal dhe të sigurt të komunikacionit. Nga ndërmarrja njoftojnë se aksionet do të vazhdojnë çdo ditë, me qëllim rritjen e sigurisë në trafik dhe ndërgjegjësimin e shoferëve për parkimin e duhur.

Lajme

“Shpulla” rikthehet si mjet edukimi në bankat shkollore në Danimarkë

Qeveria e Danimarkës ka paraqitur një projektligj që do t’u lejojë mësimdhënësve të përdorin forcë fizike ndaj nxënësve në situata të caktuara, me qëllim ruajtjen e rendit dhe sigurisë në shkolla.

Sipas Ministrisë së Arsimit, ndërhyrja do të lejohet në rastet kur nxënësit pengojnë rëndë mësimin, rrezikojnë veten ose të tjerët, ushtrojnë dhunë fizike apo dëmtojnë pronën.

Forca fizike do të përdoret vetëm si masë e fundit, pasi të jenë provuar mënyra të tjera të ndërhyrjes. Ajo duhet të jetë proporcionale, sa më e butë dhe të zgjasë sa më pak.

Projektligji u paraqit në parlamentin danez më 8 tetor. Nëse miratohet, rregullat e reja pritet të hyjnë në fuqi në gusht të vitit 2027.
Propozimi ende nuk është miratuar.

Lajme

Digjet vetura zyrtare e zëvendësdrejtorit të Lotarisë Shtetërore

Një veturë zyrtare e Lotarisë Shtetërore të Maqedonisë, e përdorur nga zëvendësdrejtori i përgjithshëm Ahmet Miftari, është djegur gjatë natës, pas mesnate, në Shkup.

Informacioni është konfirmuar edhe nga Ministria e Punëve të Brendshme (MPB), e cila për median „Fokus“ bëri të ditur se bëhet fjalë për një automjet zyrtar të Lotarisë Shtetërore.

„Më 13.10.2026, në orën 02:12, në SPB Shkup, M.A. (42) nga Shkupi ka raportuar se në rrugën ‘Krste Asenov’ në Shkup ishte djegur një automjet i tipit ‘Beijing Beich’, me targa të Shkupit, në pronësi të Lotarisë Shtetërore të Maqedonisë, të cilin ai e kishte drejtuar më parë“, njoftojnë nga MPB.

Zjarri është shuar nga Brigada e Zjarrfikësve, ndërsa policia po ndërmerr masa për zbardhjen e plotë të rastit.