Lajme

Punëtorët me të ardhura të ulta do të marrin vauçerë prej 18.000 denarë

Puntorët me të ardhura mujore të cilët nuk i kalojnë 50.000 denarë do të marrin nga shteti vauçerë për turizëm në vlerë prej 18 mijë denarë. Kështu ka deklaruar sot ministri i Ekonomisë, Kreshnik Bekteshi i cili ka theksuar se planifikojnë të japin 3.555 vauçerë, ndërsa aplikimi për to do të fillojë nga 12 shkurti.

”Kemi vendosur që nga dita e hënë të shpallim thirrjen publike ku të gjithë të punësaurit me të ardhura të ulëta deri në 50.000 denarë të kenë mundësi që të aplikojnë në Ministrin e Ekonomisë për të shfrytëzuar vauçerë për turizëm vendor prej 18.000 denarë, ku janë paraparë që të ndahen diku rrethë 3.500 vauçer për të njëjtën masë” – tha Kreshnik Bekteshi.

Bekteshti shtoi se interesimi për këtë masë ka qenë i lartë që nga vitet e kaluara. Ai theksoi se kjo masë do të shërbejë për të ju ndihmuar qendrave turistike në rritjen e punës edhe jashtë sezonit turistik.

“Kjo masë e njëjtë po realizohet që nga viti 2018, po për shkak të pandemisë e ndërpremë pasi hotelieritë dhe gastronomitë kryesisht ishin të mbyllura gjatë asaj periudhe. Po thuejse janë ndarë mbi 3.000 vauçerë në vitet paraprake për shkak se kemi pasur buxhetin e limituar ka qenë një projekt për të parë edhe interesimin e qytetarëve po edhe të objekteve hotelerike. Duke marrë parasysh interesimin nga vitet paraprake pothueajse të gjithë vauçerët janë të shfrytëzuara”.

Për të marrë pjesë në këtë thirrje publike, aplikantët në Ministrinë e Ekonomisë duhet të dorëzojnë kërkesë të cilën mund të gjejnë në ueb faqen e Ministrisë së Ekonomisë ose në Arkivin e Ministrisë. Po ashtu duhet të marrin vërtetim nga punëdhënësit për pagën që kanë, vërtetim nga banka për tre muajit e fundit për atë që aplikon dhe anëtarët e familjes që janë mbi 18 vjeç. /tvklan.mk/

Lajme

CNN: Shpërthime dëgjohen mbi Tel Aviv

Shpërthime janë dëgjuar mbi Tel Aviv. Kjo pasi Izraeli paralajmëroi se kishte zbuluar raketa që po vinin nga Irani.

Pamjet në Reuters treguan mbrojtjen ajrore të Izraelit duke u përpjekur të kapte predha në qiell.

Është pak pas orës 1 të mëngjesit sipas orës lokale në Izrael.

Lajme

Incident me thikë në Çair, ka të plagosur

Në orët e para të mbrëmjes së sotme, një incident ka ndodhur në lagjen Çair të Shkupit, në afërsi të marketit VERO.

Sipas informacioneve jozyrtare, një person është plagosur me thikë, ndërsa dy të tjerë janë dërguar në spital me autoambulancë për ndihmë mjekësore.

Në vendin e ngjarjes kanë ndërhyrë menjëherë njësi të shumta të policisë dhe ekipe të ndihmës së shpejtë. Rrethanat dhe motivet e incidentit janë ende të paqarta, ndërsa autoritetet po hetojnë ngjarjen.

Lajme

CNN: Izraeli po pret të shohë nëse ShBA do ta ndihmojë në sulmin ndaj Iranit

Disa ditë pas sulmeve të Izraelit ndaj Iranit dhe programit të tij bërthamor, zyrtarë të lartë izraelitë po presin për të mësuar nëse Presidenti i SHBA, Donald Trump, do t’i ndihmojë për ta përfunduar punën.

Kështu raporton “CNN” duke cituar një zyrtar të lartë izraelit:

“Ne po presim vendimin e presidentit”.

Zyrtarët amerikanë dhe izraelitë kanë qenë në komunikim të vazhdueshëm rreth ecurisë së operacioneve ushtarake izraelite në Iran dhe mundësisë së përfshirjes së SHBA-së.

Por dy zyrtarë izraelitë thanë se kryeministri izraelit, Benjamin Netanyahu, nuk po e nxit në mënyrë të drejtpërdrejtë Trump-in që të miratojë sulme amerikane ndaj objektit bërthamor të Fordow, i cili ndodhet nën një mal.

“I gjithë operacioni bazohet në supozimin se SHBA do të bashkohet në një moment,” – tha një zyrtar i tretë izraelit.

Zyrtarët izraelitë këmbëngulin se Izraeli ka edhe opsione të tjera për të shkatërruar ose të paktën për të paaftësuar përkohësisht objektin bërthamor të Iranit në Fordow, por asnjë prej tyre nuk ka gjasa të jetë aq efektiv sa një sulm nga bombarduesit strategjikë amerikanë me bomba depërtuese prej 30,000 paundësh.