Sport

Rekord tifozësh në “San Siro”, fansat mbushin arkat e Interit

Sot në mbrëmje do të arrihet kuota e 1 milion tifozëve të pranishëm në këtë sezon në “Xhuzepe Meaca”. Tifozët kanë qenë një nga armët më të forta të Interit dhe këtë e ka pranuar vetë trajneri Simone Inzagi.

“Kemi krijuar një raport fantastik me të gjithë. Është diçka e bukur”, tha ai pas ndeshjes kundër Atalantës. Ndaj Xhenoas do të arrihet kuota magjike prej 1 milionë tifozës në 14 javë të luajtura në kampionat. Kjo do të thotë se mesatarja ka qenë 72.924 tifozë për ndeshje, më e larta në të gjithë hsitorinë zilaltër, pak më superiore sesa ajo e Milanit. Këtë herë ka një përfshirje të frikshme dhe për ta kuptuar këtë mjafton të kujtojmë sa ishte mesatarja në vitin e famshëm të Tripletës: 56.195 mijë tifozë çdo javë.

Dhe çdo e diel apo e shtunë është e bekuar. Jo vetëm për atmosferën e jashtëzakonshme, por edhe për arkat e klubit zikaltër. Nga ndeshja në ndeshje skuadra është duke thyer rekorde edhe në këtë aspekt. Në sezonin e kaluar, Interi arkëtoi 100 milionë euro (shifra më e lartë) në histori. Por vjet ekipi përjetoi edhe mbrëmje magjike në Ligën e Kampionëve duke fituar shumë para prej tyre dhe po ashtu nga ndeshjet në Kupën e Italisë.

Këtë vit, rrugëtimi europian duhet rishkruar, ndërsa nga Kupa është eliminuar. Megjithatë, trendi është superior. Sot në mbrëmje Interi do të ketë arkëtuar 80 milionë euro. Mungojnë ende edhe 5 ndeshje në Meazza, edhe pse të gjithë shpresojnë të jenë më shumë dhe gjithçka do të varet nga sfida kualifikuese me Atletikon. Në asnjë ndeshje në kampionat kuota e tifozëve nuk ka zbritur në 70 mijë dhe kundër Atletikos pak javë më parë u regjistrua rekordi i dytë europian me 9.4 milionë euro të arkëtuara.

Sport

BEFASI NË TETOVË: Shkëndija mundet nga Bashkimi

Një surprizë e madhe është regjistruar në Tetovë, ku Bashkimi arriti të befasojë Shkëndijën, duke shkaktuar një nga rezultatet më të papritura në kampionat.

Bashkimi arriti ta mposht me rezultat prej 3-2 Shkëndijën në terrenin e saj.

Kjo humbje për Shkëndijën vjen si një goditje në garën për kreun, ndërsa Bashkimi dëshmon se mund të jetë faktor i rëndësishëm në fazën përfundimtare të sezonit.

Lajme

Kasami: Ndeshje spektakolare me një frymë të vërtet vëllazërore

Kryetari i Komunës së Tetovës dhe një nga liderët e koalicionit VLEN, Bilall Kasami, ka reaguar pas ndeshjes mes KF Shkëndija dhe Shkëndijës së Haraçinës, duke e cilësuar atë si një përballje spektakolare dhe me atmosferë të veçantë sportive, përcjell tetova1

Kasami përgëzoi ekipin e KF Shkëndija për fitoren, ndërsa vlerësoi edhe paraqitjen dhe karakterin e treguar nga skuadra e Shkëndijës së Haraçinës.

Kasami bëri të ditur se ndeshjen e ndoqi nga afër në tribunë, së bashku me kryetarin e Komunës së Haraçinës, Daut Beqiri.

Postimi i plotë i Kasamit:

“Ndeshje spektakolare, e mbushur me gola dhe me një frymë të vërtetë vëllazërore në fushë. Urime fitoren KF SHKËNDIJA dhe një bravo të madhe për Shkëndijën e Haraçinës për lojën dhe karakterin e treguar!

Në tribuna, bashkë me kryetarin e Haraçinës, Daut Beqiri!”, ka përfunduar Kasami./tetova1.mk/

Sport

Shkëndija e Tetovës fiton gjysmëfinalen e parë ndaj Shkëndijës Haraçinës

Gjysmëfinalja e parë e Kupës së Maqedonisë së Veriut i ka takuar Shkëndijës së Tetovës që triumfoi me rezultat 3:2 ndaj Shkëndijës së Haraçinës. Fillimisht tetovarët avansuan me Trumçin, teksa skuadra nga Haraçina përmbysi përkohësisht me Nuhijën dhe Livarekën. Megjithatë, kuqezinjtë tetovar gjetën dy herë tjetër rrjetën me Kërstevskin dhe Meliqin për fitore dhe rezultat final 3:2.

Ndërkohë ndeshja tjeter gjysmëfinale ndërmjet Ohridit dhe Sileksit u mbyll me barazim 1:1. Ndeshjet e kthimit të gjysmëfinales së Kupës do të luhen me 6 maj. /SHENJA/