Reprezentuesi i Maqedonisë së Veriut, boksieri i KB Çairi, Arjan Iseni, në kategorinë 80 kg, ka shënuar edhe fitoren e dytë radhazi në Kampionatin Evropian  të boksit që mbahet në Beograd. Pas fitores në luftën e parë kundër boksierit grek Michail Tsamalidis, në luftën e dytë Iseni mundi boksierin  armen Rafayel Hovhannisyan dhe  tani është pritje luftës së tretë, kundër serbit Rastko Simiq dhe me  fitore eventuale do të siguronte medaljen e bronzit. Arjan Iseni shpreson se më pas do të vazhdojë drejt titullit kampion i Evropës.

Në kampionatin Evropian  të boksit që ka filluar nga 18 prilli dhe do të zgjasi deri më 28 prill, marrin pjesë gjithësejt 401 boksier nga 33 vende prej të cilëve 263 në kategorinë e meshkujve dhe 138 në kategorinë e femrave.

Njëmbëdhjetë federata anëtare të UEFA-s nga Europa Juglindore u mblodhën sot në Tiranë, në selinë qëndrore të Federatës Shqiptare të Futbollit, për Mbledhjen strategjike të Federatave anëtare të UEFA-s.

Presidenti i Federatës së Futbollit të Maqedonisë, Muamed Sejdini, bashkë me 9 presidentë dhe zëvendës sekretarë të përgjishëm të federatave tjera mikpritën nga Presidenti i FSHF-së dhe zëvendëspresidenti i UEFA-s, z. Armand Duka, derisa mbledhja u fokusua në aspekte kritike të strategjisë së UEFA-s për zhvillimin e futbollit si: formati i ardhshëm i garave të klubeve të UEFA-s pas vitit 2024 dhe programi i ri shoqërues i solidaritetit, diskutimet mbi çështjet e arbitrazhit dhe zhvillimet e ardhshme, krahasimi i të dhënave e analizat në fushën sportive dhe financat dhe eksplorimi i sistemeve të basteve dhe mundësive në zhvillim për vendet pjesëmarrëse.

Pjesëmarrës në këtë mbledhje ishin përfaqësues nga 11 federata kombëtare të futbollit, duke përfshirë Bosnje-Hercegovinën, Kroacinë, Qipron, Greqinë, Kosovën, Malin e Zi, Maqedoninë e Veriut, Serbinë, Slloveninë, Turqinë dhe Shqipërinë.

Pas prezantimeve të këtyre temave, federatat pjesëmarrëse u thelluan në diskutime në lidhje me të ardhmen e futbollit europian, ku të gjithë pjesëmarrësit shprehën njëzëri mbështetjen e palëkundur për Presidentin Çeferin dhe administratën e UEFA-s.

Sonte në stadiumin “Estadi Olímpic Lluís Companys” në Barcelonë  dhe në stadiumin “Signal Iduna Park”  të Dortmundit  do të zhvillohen  ndeshjet  kthyese të çerekfinales në Ligën e Kampionëve.

Skuadra spanjolle Barcelona  shënoi fitore spektakolare në  takimin e parë të çerekfinales të Ligës së Kampionëve  kundër  PSG, 3-2 në“Parc des Princes” me çka hodhi një hap drejt kalimit në gjysmëfinale. Barcelona suksesin  e arritur në Paris duhet ta  përmbyll para  tifozëve  vendas . Trajnweri I Barcelonës Çavi Hernandez në konferencën e zakonshme për shtyp në prag të duelit të kthimit me PSG-në  pos  tjerash ka  deklaruar “PSG ose skuadrat e Luis Enrikes shkojnë gjithmonë në sulm. Aq më tepër nesër pasi janë disavantazh. Nëse nuk kanë spekuluar gjatë gjithë sezonit, do të jenë më pak nesër. 

Nga aan  tjetër trajneri i PSG, Luis Enrike ka  deklaruar “Ne nuk kishim humbur në 27 ndeshje. Ishte dita që donim më pak të humbisnim. Duhet të ngrihemi dhe të përmirësohemi. Nuk duhet ta ekzagjerojmë këtë humbje, duhet ta pranojmë. Duhet të përgatitemi për të dhënë një paraqitje të mirë nesër. Ne duam për t’u dhënë gëzim mbështetësve tanë”. Ndeshja Barcelona – PSG, luhet  sonte me  fillim në ora 21:00, “Estadi Olímpic Lluís Companys”, ndërsa drejtësinë do ta ndaj arbitri ruumun Ishtvan Kovaç

Në ndeshjen tjetër kthyes të çerekfinales në “Signal Iduna Park”  të Dortmundit  do të përballen Borussia Dortmund – Atletiko Madrid, drejtësinë  e kësaj sfide  do ta ndaj slloveni Slavko Vinçiq. Kujtojmë se në ndeshjen e parë çerekfinale  Atletiko shënoi  fitore  2-1

Dy ndeshjte tjera  kthyese të çerekfinales së Championsit zhvillohen të mërkurën me fillim në ora 21:00, takohen: Mançester Siti – Real Madrid (3-3) dhe Bayern Munich – Arsenal (2-2)

16.04.2024  e martë ora 21:00

Barcelona – PSG  (3-2)

Borusia Dortmund – Atletiko Madrid (1-2)

17.04.2024  e mërkurë ora 21:00

Mançester Siti – Real Madrid  (3-3)

Bayern Munich – Arsenal (2-2)