Sport

Intervista/ Flet kampioni në Kickbox Besart Aliu: Ambiciet e mia janë të vazhdoj të punoj më shumë

Ka pak vite që është bë pjesë e Kickbox-it pasiqë më herët është marrë me futboll. Besart Aliu deri më tani ka pasur shumë sukses dhe me të njejtin ritëm do të vazhdojë edhe më tej. Në një intervistë për Klan Macedonia, kickbox-eri Aliu tregon shumë gjëra mbi veten. Një familjar i përkushtuar, i guximshëm, sfidues dhe kampion, e lexojmë bashkë intervistën.

Ka vite që mereni me boks, si ishte në fillim?

Unë më parë kam qenë futbolist e ndërkohë kam ushtruar nganjëherë te vëllau im edhe ai më ka motivuer se unë kam një talent për Kickbox dhe para tre viteve e kam lënë futbollin dhe fillova me Kickbox.

Kush ishin trainerët e parë dhe ato që filluan zejen e boksit që ti e mësove më së pari?

Me vëllaun tim që është kampion bote 4 herë edhe e ka shkollën e Kickboxit.

Qysh në fillim të karierës suaj u pa që jeni me të vërtet talent i madh ku në konkurrencë je më i miri, sa here je boksuar për kampion deri më tani?

Unë kam 21 luftra, 19 fitore, 12 me knockout, jam kampion bote 2 here edhe 1 herë i Europës edhe shumë tituj tjerë internacional.

Sa e ke pas ndihmën e bokserëve tjerë deri më tani?

Nga askush, vetëm nga vëllau dhe babai.

Në Gjermani si u integrove sa i përket boksit ?

Shumë mirë sepse tashmë kam bërë emër në Gjermani.

Cili është klubi juaj atje?

Chorakee Gym ne Trier (Gjermani).

Si ishte viti i kaluar në boks dhe cilat janë planet për këtë vit?

Viti i kaluar ishte me shumë sukses, ku fitova 6 luftra dhe u bëra kampion europian dhe botërorë.

Si po ju duket boksi profesionist, ku e shihni dallimin nga fillimi deri më tani?

Kickbox profesional dëshiron shumë punë dhe duhet me qenë gjithmonë i përgatitur mentalisht, psiqikisht dhe me qenë në top formë./tvklan.mk/

Keni shënuar shumë fitore, a keni ndonjë strategji për vazhdimin e karierës suaj?

Ambiciet e mia janë të vazhdoj të punoj më shumë dhe qëllimi im është të arrijë kulmin e Kickboxit.

Kur mund të presim duelin tënd të rradhës?

Më së voni gjatë muajt korrik.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Sport

Indrit Çullhaj shpallet Kampion i Ballkanit, ngre sërish flamurin kuqezi në majën e podiumit

Xhudisti shqiptar Indrit Çullhaj ka shkruar një tjetër kapitull të artë në sportin shqiptar, duke u shpallur Kampion i Ballkanit pas një paraqitjeje mbresëlënëse në Kampionatin Ballkanik.

Çullhaj dominoi garën nga fillimi deri në fund, duke mposhtur radhazi kundërshtarët nga Kosova, Rumania dhe Greqia, ndërsa në finalen e madhe triumfoi ndaj përfaqësuesit të Malit të Zi, duke fituar me meritë medaljen e artë në kategorinë e tij.

Pas këtij suksesi të jashtëzakonshëm, kampioni shqiptar shprehu mirënjohjen për familjen e tij, Federatën Shqiptare të Xhudos, trajnerët dhe të gjithë ata që e kanë mbështetur gjatë rrugëtimit drejt këtij triumfi.

Kjo medalje e artë shënon një tjetër arritje historike për Çullhajn, i cili bëri që flamuri kuqezi të ngrihej për herë të katërt falë medaljeve të fituara prej tij në Kampionatet Ballkanike, duke konfirmuar edhe një herë se është një nga xhudistët më të suksesshëm që ka përfaqësuar Shqipërinë në arenën ndërkombëtare.

Triumfi i Indrit Çullhajt përfaqëson jo vetëm një sukses personal, por edhe një krenari të madhe për sportin shqiptar, duke dëshmuar se puna, përkushtimi dhe sakrifica shpërblehen me rezultate në skenën ndërkombëtare.

Sport

Shqiptari që mahniti Bayernin, Arijon shkëlqen me dy gola e tri asistime

19-vjeçari spikati në fitoren 15:0 ndaj Rottach-Egern, ndërsa Kosova vazhdon përpjekjet për ta bindur ta veshë fanellën dardane, transmeton albinfo.ch.

Talenti shqiptar Arijon Ibrahimoviç ka dhuruar një paraqitje mbresëlënëse në ndeshjen miqësore të Bayern Munich, duke qenë një nga lojtarët më të dalluar në fitoren e thellë 15:0 ndaj Rottach-Egern.

19-vjeçari realizoi dy gola dhe dhuroi tri asistime, duke konfirmuar potencialin e tij të madh dhe duke lënë përshtypje të shkëlqyera edhe te trajneri Vincent Kompany.

Paraqitja e tij ka forcuar bindjen se Ibrahimoviç është një nga talentët më premtues shqiptarë në futbollin evropian dhe se e ardhmja e tij mund të jetë në nivelet më të larta të futbollit.

Ndërkohë, Federata e Futbollit e Kosovës vazhdon kontaktet me lojtarin dhe familjen e tij, me synimin që ai në të ardhmen të zgjedhë ta përfaqësojë Kosovën në arenën ndërkombëtare.

Me formën që po tregon te Bayerni, Arijon Ibrahimoviç shihet si një futbollist me potencial për t’u shndërruar në një nga yjet e së ardhmes së futbollit evropian./Albinfo.ch