Lajme

Deshi të shiste 96 mijë dollarë fals, kapet në Han të Elezit shtetasi i Maqedonisë së Veriut

Konfiskimi i 96 mijë dollarëve amerikanë, dyshohet të jenë të faslifikuara.

Është arrestuar një person në Han të Elezit, shtetas i Maqedonisë së Veriut, i cili dyshohet për qarkullim të parave të falsifikuara, konkretisht dollarë amerikanë.

Drejtoria për Hetimin e Krimeve Ekonomike dhe Korrupsionit, përkatësisht Sektori për Hetimin e Krimeve Ekonomike, e ka zënë në flagrancë të dyshuarin gjatë tentimit të tij për të vënë në qarkullim një sasi të madhe të dollarëve amerikan në Kosovë. I dyshuari 100 dollarë të falsifikuara, i shiste për 40 euro, përcjell Klankosova.tv.

Të dyshuarit iu konfiskuan gjithsej 96 mijë dollarë amerikanë.

“Gjatë realizimit të operacionit policor, janë konfiskuar: 960 copë kartëmonedha nga 100 $ në total 96,000.00 (nëntëdhjetë e gjashtë mijë) dollarë amerikanë, një automjet i përdorur në rast nga i dyshuari dhe një telefon celular”, njofton policia.

Me aktvendim të prokurorit, i dyshuari dërgohet në mbajtje për 48 orë.

Lajme

Gjinekologu Muhamed Asani shkon në burg, pasi i njëjti i hoqi pacientes mitren, veshkën dhe vezoren, pa arsye!

Gjinekologu Muhamed Asani para dy javësh është dënuar përfundimisht me tre vite burg, pasi gjatë një ndërhyrjeje me prerje cezariane i ka hequr mitrën, vezoren dhe veshkën pacientes Jaldz Veaposka nga Dibra. Siç raporton “Sloboden Peçat”, Gjykata e Apelit në Manastir e ka refuzuar ankesën e tij dhe e ka vërtetuar dënimin me burg për vepra të rënda kundër shëndetit të njerëzve.

Gjithashtu, Gjykata e Apelit ka konfirmuar edhe sanksionin shtesë për gjinekologun Asani – ndalim për ushtrimin e profesionit, veprimtarisë apo detyrës si mjek për pesë vite.

Gjinekologu Muhamed Asani është dënuar sepse gjatë një ndërhyrjeje (lindje me operacion – cezariane) tek pacientja nga Dibra, Jaldz Veaposka, janë bërë ndërhyrje të rënda dhe të pajustifikuara mjekësore.

Çka konkretisht ka ndodhur sipas raportimeve:

* Gjatë operacionit, pacientës i janë hequr mitra, një vezore dhe një veshkë.
* Ekspertizat mjeko-ligjore kanë konstatuar se ndërhyrjet nuk kanë qenë të arsyetuara plotësisht mjekësisht dhe kanë shkaktuar pasoja të rënda për shëndetin e saj.
* Rasti është cilësuar si “vepër e rëndë kundër shëndetit të njerëzve”, sepse dëmtimi ka qenë i madh dhe i pakthyeshëm.
* Gjykatat kanë vlerësuar se ka pasur lëshime serioze profesionale (neglizhencë / gabim mjekësor) gjatë trajtimit./PaCensurë

Lajme

19 vjeçari humb jetën në aksident trafiku në Maqedoninë e Veriut

Një aksident i rëndë trafiku ka ndodhur këtë mëngjes në Prilep, njoftoi Ministria e Punëve të Brendshme.

“Këtë mëngjes në orën 06:23 në Njësinë e Punëve të Brendshme të Prilepit, është raportuar se në rrugën “Lece Kotevski” në Prilep, ka ndodhur një aksident trafiku midis një autobusi me targa të Prilepit, të drejtuar nga G.K. (62) nga Prilepi dhe një motoçiklete “Honda” pa targa, të drejtuar nga V.B. (19) nga fshati Konjarë e Madhe, Prilep.

Pas aksidentit, V.B. është transferuar në Spitalin e Qytetit – Prilep, ku një mjek e ka shpallur të vdekur. Hetimet janë kryer nga ekipi hetimor i Njësisë së Punëve të Brendshme të Prilepit”, thuhet në një njoftim të Ministrisë së Punëve të Brendshme.

Lajme

“Maqedonët kanë probleme mes vete”, Hasani: Duan të na e lënë kopilin te dera!

I ftuar në emisionin debativ Click Plus, në Tv21, deputeti i BDI-së. Ilir Hsani aadresoi kritika ndaj palës maqdonase për çështjen e shtetësisë. Ai tha mes tjerash se shumë njerëz kanë shtetësi të dyfishtë, të të gjitha nacionaliteteve në të gjitha pjesët e Maqedonisë që kufizohen me vendet fqinje.

Sipas Hsanit partitë maqedone kanë probleme mes vete dhe siç u shpreh ai, duan të na e lënë kopilin te dera.

Të diskriminohen tanë ky numër i qytetarëve që duan të kontribuojnë për të mirën e këtij vendi është e paparë. Maqedonët mes vete kanë hy në konflikt neve kopilin te dera duan me na e lënë, po nuk shkon ashtu”, shpreh Ilir Hasani.