Lajme

Gjermania legalizon përdorimin e kanabisit nga 1 prilli

Gjermania do të legalizojë pjesërisht kanabisin nga e hëna, duke zbatuar një premtim kryesor të qeverisë së koalicionit të kancelarit Olaf Scholz. Megjithatë, qasja ligjore në këtë substancë nuk është aq e thjeshtë.

Nga 1 prilli, do të jetë e ligjshme mbajtja e deri në 25 gram kanabis të tharë për përdorim personal si dhe kultivimi i bimës në shtëpi, deri në tre bimë për të rritur dhe 50 gram kanabis të tharë.

Gjithashtu me një dozë mesatare të vlerësuar në 0,3 gram për cigare, 25 gram i lejon përdoruesit të marrë rreth 80 tymi, por ato nuk mund të pihen askund. Konsumimi i tyre është i ndaluar në një rreze prej 100 metrash rreth shkollave, kopshteve, këndeve të lojërave dhe objekteve sportive publike.

Po ashtu ndalohet plotësisht edhe në rrugët e këmbësorëve nga ora 7:00 deri në 20:00. Gjithashtu do të duhet të presësh disa muaj që të mund të merret legalisht kjo substancë përmes “klubeve të kanabisit”, shoqata me karakter jofitimprurës që do të mund të krijohen nga 1 korriku pas një procesi të ndërlikuar administrativ.

Sipas mediave të huaja, ata do të vendosen në Gjermani nën përgjegjësinë e autoriteteve rajonale, ndërsa numri i anëtarëve të tyre do të jetë i kufizuar në 500. Klubet do të mund të shpërndajnë maksimumi 50 gramë në muaj për anëtar.

Të rriturit nën moshën 21 vjeç do të kenë të drejtën e 30 gramë kanabis, përmbajtja e THC e të cilit, një nga molekulat kryesore psikoaktive, nuk duhet të kalojë 10%. Ndalohet pjesëmarrja në disa shoqata në të njëjtën kohë. Gjithashtu brenda këtyre “klubeve” nuk lejohen grumbullimet dhe pirja.

Lajme

Gjinekologu Muhamed Asani shkon në burg, pasi i njëjti i hoqi pacientes mitren, veshkën dhe vezoren, pa arsye!

Gjinekologu Muhamed Asani para dy javësh është dënuar përfundimisht me tre vite burg, pasi gjatë një ndërhyrjeje me prerje cezariane i ka hequr mitrën, vezoren dhe veshkën pacientes Jaldz Veaposka nga Dibra. Siç raporton “Sloboden Peçat”, Gjykata e Apelit në Manastir e ka refuzuar ankesën e tij dhe e ka vërtetuar dënimin me burg për vepra të rënda kundër shëndetit të njerëzve.

Gjithashtu, Gjykata e Apelit ka konfirmuar edhe sanksionin shtesë për gjinekologun Asani – ndalim për ushtrimin e profesionit, veprimtarisë apo detyrës si mjek për pesë vite.

Gjinekologu Muhamed Asani është dënuar sepse gjatë një ndërhyrjeje (lindje me operacion – cezariane) tek pacientja nga Dibra, Jaldz Veaposka, janë bërë ndërhyrje të rënda dhe të pajustifikuara mjekësore.

Çka konkretisht ka ndodhur sipas raportimeve:

* Gjatë operacionit, pacientës i janë hequr mitra, një vezore dhe një veshkë.
* Ekspertizat mjeko-ligjore kanë konstatuar se ndërhyrjet nuk kanë qenë të arsyetuara plotësisht mjekësisht dhe kanë shkaktuar pasoja të rënda për shëndetin e saj.
* Rasti është cilësuar si “vepër e rëndë kundër shëndetit të njerëzve”, sepse dëmtimi ka qenë i madh dhe i pakthyeshëm.
* Gjykatat kanë vlerësuar se ka pasur lëshime serioze profesionale (neglizhencë / gabim mjekësor) gjatë trajtimit./PaCensurë

Lajme

19 vjeçari humb jetën në aksident trafiku në Maqedoninë e Veriut

Një aksident i rëndë trafiku ka ndodhur këtë mëngjes në Prilep, njoftoi Ministria e Punëve të Brendshme.

“Këtë mëngjes në orën 06:23 në Njësinë e Punëve të Brendshme të Prilepit, është raportuar se në rrugën “Lece Kotevski” në Prilep, ka ndodhur një aksident trafiku midis një autobusi me targa të Prilepit, të drejtuar nga G.K. (62) nga Prilepi dhe një motoçiklete “Honda” pa targa, të drejtuar nga V.B. (19) nga fshati Konjarë e Madhe, Prilep.

Pas aksidentit, V.B. është transferuar në Spitalin e Qytetit – Prilep, ku një mjek e ka shpallur të vdekur. Hetimet janë kryer nga ekipi hetimor i Njësisë së Punëve të Brendshme të Prilepit”, thuhet në një njoftim të Ministrisë së Punëve të Brendshme.

Lajme

“Maqedonët kanë probleme mes vete”, Hasani: Duan të na e lënë kopilin te dera!

I ftuar në emisionin debativ Click Plus, në Tv21, deputeti i BDI-së. Ilir Hsani aadresoi kritika ndaj palës maqdonase për çështjen e shtetësisë. Ai tha mes tjerash se shumë njerëz kanë shtetësi të dyfishtë, të të gjitha nacionaliteteve në të gjitha pjesët e Maqedonisë që kufizohen me vendet fqinje.

Sipas Hsanit partitë maqedone kanë probleme mes vete dhe siç u shpreh ai, duan të na e lënë kopilin te dera.

Të diskriminohen tanë ky numër i qytetarëve që duan të kontribuojnë për të mirën e këtij vendi është e paparë. Maqedonët mes vete kanë hy në konflikt neve kopilin te dera duan me na e lënë, po nuk shkon ashtu”, shpreh Ilir Hasani.