Sport

Tetova shpall kampionin, Shkëndija apo Struga Trim Lum?!

Të dielën me fillim në ora 17:00, në stadiumin e qytetit në Tetovë në kuadër të xhiros së 32-të kampionatit 2023/2024 në Ligën e Parë të futbollit vendor zhvillohet super derbi Shkëndija – Struga Trim Lum në një ndeshje ku vendoset titulli kampion. Ndeshjet e javës së 32-të të dielën fillojnë ora 17:00.

Në Stadiumin buzë Sharrit në Tetovë vendoset se kush do të kurorëzohet me titullin e kampionit në sezonin 2023/2024 në Ligën e Parë të Futbollit.

Shkëndija dhe Struga kanë të tubuar nga 61 pikë dhe epilogu i kësaj ndeshjeje padyshim se përcakton kampionin pavarësisht se mbetet edhe një xhiro deri në përfundim të kampionatit.

“Nuk ka përfunduar asgjë, për çfarë duhet të kalojmë në eufori. Nëse kalojmë në eufori besoj se do na kthehet kundër kjo. Kështu që nuk ka vend për me kaluar në eufori, sepse nëse ne gabojmë atëherë do i humbim të gjitha. E çfarë aa vlejti, asgjë. Gjithë ky mund që erdhëm deri këtu asnjë gjë. Kështu e kalojmë edhe këto dy javë që kanë mbetur të dalim faqe bardhë të ngremë Kupën pastaj tjerat janë aty” – tha Erald Çinari, futbollist i Shkëndijës.

Për futbollistët e Strugës, përballja me Shkëndinë paraqet motivim shtesë. Epilogun e superfinales, sipas tyre, do ta përcaktojnë nuancat.

“Normalisht ndeshje derbi ku do vendoset besoj titulli i këtij sezoni. Shkëndija, dihet në Tetovë atmosfera, tifozët, pasi kemi qenë edhe vetë pjesë e Shkëndijës e dimë atmosfera si është. Është e mirë për futbollin e Maqedonisë të ketë më shumë kështu derbi, të vendoset kampionati në kështu derbi, ne do shkojmë të bëjmë maksimumin, të bëjmë gjithçka prej nga ana jonë, pastaj në fund cili të jetë më i mirë t’ia urojmë fitoren” – tha Bunjamin Shabani, kapiten i Struga TL.

Euforia e futbollit ka kapluar Tetovën, por jo vetëm.

Bileta e kësaj ndeshje tashmë është bërë “letra” më e çmuar që mund ta ketë një futbolldashës.

Organizatorëve të ndeshjes, punën ua kanë vështirësuar punimet që zhvillohen në Stadiumin e Tetovës, andaj kapaciteti i tifozëve do të jetë I përgjysmuar.

KF Shkëndija ka bërë thirrje që tifozët më herët të vijnë në stadium kurse biletat do të ndahen sipas tribunave.

Në prag të kësaj ndeshje, s`kishte se si të mungonin tifo-grupi “Ballistët”, të cilët kanë motivuar futbollistët e Shkëndisë, por edhe kanë bërë thirrje për pjesëmarrje masovike në stadium. /tvklan.mk/

Lajme

Parisi feston! PSG kalon Bayern dhe prek finalen e Champions

PSG është finalistja e dytë e Champions League. Pasi fitoi 5-4 në ndeshjen e parë, ekipi i Luis Enrique barazoi 1-1 ndaj Bayern në takimin e kthimit. Sfida u zhbllokua shumë shpejt me anë të Dembele, pas një asisti të Kvara.

Bavarezët ushtruan presion disa herë por nuk mundën dot që të futeshin në lojë, pasi goli i barazimit erdhi vetëm në fund dhe mban firmën e Kane. Feston PSG, e cila shkon në finale dhe do kërkojë suksesin e dytë radhazi në këtë kompeticion. PSG-Arsenal luhet me 20 maj në Budapest.

Lajme

Shkëndija e Tetovës kalon në finale të Kupës, eliminon skuadrën nga Haraçina

Shkëndija – Sileksi do të jetë finalja e edicionit të sivjetshëm në Kupën e Maqedonisë së Veriut.

Skuadra tetovare arriti të triumfojë edhe në ndeshjen e kthimit ndaj Shkëndijës së Haraçinës, duke marrë fitore me rezultat 0:2 në Kumanovë dhe me shifra të përgjithshme 5:2 avanson në finalen e madhe. Dy golat e triumfit për tetovarët i realizuan Spahiu dhe Ndzegue në 5 minutat e fundit të sdifës.

Në anën tjetër, Sileksi u kualifikua në finale, pasi në takimin e kthimit mundi Ohridin me golin e vetëm të Dodevit dhe me rezultat të përgjithshëm 2:1 merr biletën për verdiktin final.

Ndeshja finale e Kupës së Maqedonisë ndërmjet Shkëndijës dhe Sileksit do të luhet me 20 maj në arenën “Todor Proeski” në Shkup. /Sportmania/

Sport

BEFASI NË TETOVË: Shkëndija mundet nga Bashkimi

Një surprizë e madhe është regjistruar në Tetovë, ku Bashkimi arriti të befasojë Shkëndijën, duke shkaktuar një nga rezultatet më të papritura në kampionat.

Bashkimi arriti ta mposht me rezultat prej 3-2 Shkëndijën në terrenin e saj.

Kjo humbje për Shkëndijën vjen si një goditje në garën për kreun, ndërsa Bashkimi dëshmon se mund të jetë faktor i rëndësishëm në fazën përfundimtare të sezonit.