Sport

Shkëndija humb në fushë të vet, Struga siguron titullin në Tetovë

Struga Trim Lum është kampione e këtij sezoni, pasi ka fituar derbin e madh ndaj Shkëndijës, duke triumfuar me rezultat 0:2 në Tetovë në ndeshjen e vlefshme për xhiron e 32-të në Ligën e Parë të futbollit të Maqedonisë së Veriut.

Goli i parë ishte kryevepër e Besart Ibraimit që realizoi nga distanca për epërsi 0:1 të Strugës, përderisa golin e dytë e shënoi Radeski në minutën e 48-të.

Ndërkohë Shkupi barazoi pa gola me Brera Strumicën në Çair. Gjithashtu me barazim pa gola u mbyllën edhe takimet Voska Sport – Tikveshi dhe Gostivari – Rabotniçki. Sileksi me Vardarin e mbyllën e barazim 1:1 në Kratovë, ndërsa Makedonija Gjorçe Petrovi mundi Bregallnicën me rezultat 2:0.

Xhiroja e fundit e sezonit në Ligën e Parë të futbollit të Maqedonisë së Veriut do të zhvillohet me 19 maj.

Sport

Manchester City – Inter, derbi i Championsit sonte

Në “Etihad Stadium” do të zhvillohet ndeshja kryesorja e mbrëmjes së sontme në Champions League.

Përballë njëri – tjetrit do të jenë dy ekipe gjigande, Manchester City dhe Inter.

Të dy trajnerët, Pep Guardiola dhe Simone Inzaghi, do të kërkojnë start sa më të mirë në garën më të rëndësishme të futbollit evropian.

Loja mes “Citizens” dhe “Nerazzuri” do të nis me fillim nga ora 21:00.

Në Champions do të jenë edhe pesë ndeshje interesante për adhuruesit e futbollit.

Ndeshjet e Champions League, transmetohen drejtpërdrejtë në kanalet e platformën më të madhe televizive, Artmotion.

Sport

Liga e Kampionëve rikthehet me sistem të ri, përballje të forta sonte

Sonte nis edicioni i ri në Champions League.

Adhuruesit e futbollit do të kenë mundësi të shohin përballje interesante mes ekipeve.

Në program do të jenë gjithsej gjashtë ndeshje, dy me fillim nga ora 18:45: Juventus – Psv Eindhoven dhe Young Boys Aston Villa.
Derisa katër ndeshje të tjera do të fillojnë nga ora 21:00.

Derbi i kësaj mbrëmje parashihet të zhvillohet në “San Siro” në mes të Ac Milan dhe Liverpoolit.

Të gjitha ndeshjet e sotme dhe orari:

Juventus – PSV Eindhoven 18:45

Young Boys – Aston Villa 18:45

Milan – Liverpool ora 21:00

Bayern Munich – Dinamo Zagreb ora 21:00

Real Madrid – Stuttgart ora 21:00

Sporting Lisbona – Lille ora 21:00

Po ashtu lojë interesante pritet të jenë edhe ndeshjet në mes të Bayern Munchen dhe Dinamo Zagreb, Real Madrid – VFB Stuttgart dhe Sporting – Lille.

Liga e Kampionëve rikthehet me sistem të ri të garës. Sipas vendimit të UEFA-së, faza e grupeve tashmë është zëvendësuar me një sistem të ri, të quajtur Faza e Ligës, aty ku do të shohim ndeshje jashtëzakonisht të forta.

Sport

Elseid Hysaj shqiptari më i paguar në Serie A

Futbollisti shqiptar Elseid Hysaj, i Lazios është më i paguari në Serie A. Sipas të dhënave të publikuara nga faqja e specializuar ‘Calcio e Finanza’ mbrojtësi 30-vjeçar merr 2 milionë euro në sezon nga Lazio.

Edhe pse mbeti jashtë listës klubi është i detyruar ta paguajë atë.

Pas Hysajt janë Berat Gjimshiti i Atalantës dhe Kristjan Asllani i Inter me një rrogë vjetore 800 mijë euro neto secili. Ardian Ismajli merr 700 mijë euro tek Empoli, ndërsa Ylber Ramadani paguhet 450 mijë nga Leçe.

I sapoardhuri Alen Sherri ka firmosur për 150 mijë euro në vit te Cagliari, ndërsa ma pak i paguari është mesfushori Medon Berisha. Ai merr 120 mijë euro nga Leçe.

Ndërsa nga futbollistët e huaj, më i paguari në Serie A është Dusan Vlahovic, sulmuesi që Juventusi e paguan 12 milionë euro në sezon. Në total klubet e Serie A paguajnë më shumë se 1 miliardë euro (përfshi taksat) për rrogat e futbollistëve.

Të dhënat janë publikuar nga Calcio dhe Finanza, revista e specializuar për ekonominë në Itali.