Lajme

Mickoski: Pas rivotimeve pres t’i kemi 62 deputetë!

Pas rivotimeve në Njësinë e 5-të Zgjedhore, kreu I VMRO-DPMNE-së, Hristijan Mickoski, pret që kjo parti ta ketë shumicën prej 62 deputetëve. Sipas tij, kjo paraqet mundësi historike për vendin.

“Kemi mundësinë historike si asnjëherë më parë në këto tri dekada. Kemi edhe pak punë për të bërë, më 22 maj do të ketë rivotime në Njësinë e 5-të Zgjedhore dhe atje presim plus një deputet dhe kur sërish do t`i drejtohem opinionit, të mos them 61, por të flasim për 62 deputetë”, tha Mickoski.

Synimi i radhës, sipas Mickoskit, do të jetë sigurimi i 2/3 të shumicës në Kuvend, sic tha, për të nis procesi reformues historik, që nuk është parë në Maqedoni.

“Në 100 ditët e para presim lajmë jashtëzakonisht të mira për qytetarët, në rritjen e standardit të tyre jetësor. Do të thoja një “bombë” financiare. Nuk do të merremi me “bomba” politike, me sulme, por planifikojmë ta meritojmë vendin tonë në histori”, u shpreh Mickoski.

Por, i vetëdijshëm për reagimet e vendeve fqinje, si pasojë e veprimeve të Presidentes Siljanovska gjatë ceremonisë së betimit dhe fjalimit në Kuvend, Mickoski paralajmëroi se me fqinjtë do të zhvillohet politikë parimore.

“Lidhur me politikën ndërkombëtare, asnjëherë nuk do të na shihni duke u gjunjëzuar ose duke u nënçmuar. Viteve të kaluara kisha mundësi të takoj autoritete botërore nga Uashingtoni deri në Bruksel e Berlin. S`ka asgjë më inspiruese për mua se sa populli dhe shteti maqedonas. Edhe ndaj tyre do të zhvillojmë politike me argumente dhe asnjëherë s`do të frikësohemi t`i përballim argumentet”, tha Mickoski.

Mickoski u shpreh se koalicioni “Maqedonia Jote” do të synojë parimin “tonën nuk e japim, të huajën nuk e duam”, duke potencuar se nuk do të bëhen hapa të përshpejtuar që mund të kenë kosto të lartë për vendin.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net