Connect with us

Lajme

Erdogan: Bota po shikon në transmetim të drejtpërdrejtë barbarinë e vampirit të quajtur Netanyahu

Presidenti i Türkiyes, Recep Tayyip Erdoğan tha se “Bota po shikon barbarinë e një të sëmuri, një maniaku, një psikopati dhe vampirit që ushqehet me gjak të quajtur Netanyahu dhe po e shikon atë në transmetim të drejtpërdrejtë”, raporton Anadolu.

Në fjalën e tij në Mbledhjen e Grupit Parlamentar të AK Partisë, Erdoğan kujtoi se sot është 571-vjetori i Çlirimit të Istanbulit, hallka e artë e zinxhirit të çlirimeve që nisi në vitin 1071.

Erdoğan tha se kujton edhe një herë me mirënjohje Fatih Sulltan Mehmetin dhe ushtrinë e tij, i cili i dhuroi kombit Istanbulin në moshën 21-vjeçare me gjenialitetin e tij ushtarak dhe politik, inxhinierinë e klasit të parë, personalitetin monumental, dijen dhe guximin.

Pasi rikujtoi se Sulltan Mehmeti 571 vjet më parë kur ishte vetëm 21-vjeç, duke çliruar Istanbulin mbylli një epokë dhe hapi dyert për një epokë të re, Erdoğan shtoi se Istanbuli që nga ajo kohë ka qenë qendra e fuqisë së botës turke dhe islame, qendra administrative, qendra e shkencës dhe e artit.

“Keni dhënë mbështetje hapurazi për Izraelin”

“Gjenocidi i kryer nga Izraeli në Gaza ka hyrë në një fazë shumë më të përgjakshme me sulmet në rajonin Rafah ku janë strehuar miliona civilë”, tha Erdoğan i cili shtoi se një ditë më parë të paktën 45 palestinezë të pafajshëm u martirizuan në sulmin e kryer ndaj tendave ku civilët po luftojnë për mbijetesë në të ashtuquajturat zona të sigurta.

Duke u shprehur se zemra, shpirti nuk duron dot t’i shikojë pamjet, Erdoğan tha se një baba i dëshpëruar e tregon foshnjën e tij vetëm disa muajshe me kokën e prerë dhe se këtë ai ia tregon ndërgjegjes së botës dhe njerëzimit, nëse ajo ka dhe nëse i ka mbetur sadopak.

“Çfarë kërkuat nga 15 mijë fëmijë të pafajshëm? A nuk ka mbetur asnjë gjurmë humaniteti tek ju? Nuk keni ndërgjegje? Nuk keni aspak mëshirë? A nuk keni vlerë, nuk keni kufij, nuk keni të ndalur? Kaq armiqësor jeni ndaj njerëzimit? A nuk ju ka mbetur as edhe një pikë dhembshurie në zemrën tuaj? Asnjë fe në tokë nuk mund ta legjitimojë këtë brutalitet. Asnjë besim, asnjë ideologji, sado e çoroditur të jetë, nuk mund të justifikojë prerjen e kokës së një foshnjeje të pafajshme apo djegien e civilëve të pafajshëm për vdekje në tendat e tyre. Bota po shikon barbarinë e një të sëmuri, një maniaku, një psikopati dhe vampirit që ushqehet me gjak të quajtur Netanyahu dhe po e shikon atë në transmetim të drejtpërdrejtë”, tha Erdoğan duke shtuar:

“Shteti amerikan; ky gjak është edhe në duart tuaja. Ju jeni përgjegjës për këtë gjenocid aq sa Izraeli. Krerë shtetesh dhe të qeverive evropiane; Ju gjithashtu jeni bërë palë në këtë gjenocid, barbarizëm dhe vampirizëm të Izraelit. Sepse keni heshtur. Ata goditën spitalet, shkollat, xhamitë dhe ju heshtët. Ata goditën autokolonën e ndihmave, ju heshtët. Ata qëlluan gazetarë, mjekë, punonjës të ndihmës, ju heshtët. Në kopshtet e spitaleve u gjetën varre masive, nuk reaguat. Ju e mbështetët hapur Izraelin duke thënë ‘Hamasi’”.

“Në Gaza nuk ka vdekur vetëm njerëzia, por edhe OKB-ja bashkë me shpirtin (frymën) e saj”

Duke thënë se në Gaza nuk kanë vdekur vetëm fëmijët e pafajshëm të njerëzimit, se nuk është përjetuar vetëm gjenocid, Erdoğan tha se teksa në Gaza vdes njerëzimi, edhe në Evropë ka vdekur demokracia, të drejtat e njeriut, liria e shprehjes, liria e shtypit, të drejtat e grave dhe të fëmijëve.

Duke kërkuar që asnjë evropian të mos dalë më tani e tutje dhe të flasë për demokracinë, të drejtat e njeriut, lirinë e shprehjes dhe lirinë e shtypit me arrogancë duke tundur gishtin me një gjuhë superiore, Erdoğan tha se Izraeli po vret njerëzimin në Gaza, ndërsa Evropa ka vrarë vlerat e veta, po shkel të gjitha vlerat që bëjnë ekzistenciale.

Erdoğan rikujtoi se në çdo platformë ndërkombëtare, në foltoren në OKB prej vitesh kanë ngritur zërin “Bota është më e madhe se pesë”.

“Çfarë dobie ke nëse nuk mund të ndalësh një gjenocid të cilin po e sheh e gjithë njerëzit në transmetim të drejtpërdrejtë, në shekullin 21? Nëse e ardhmja e botës u lihet tekave të pesë vendeve, pse ka nevojë për ato ndërtesa të mëdha, duke shpenzuar kaq shumë, duke punësuar kaq shumë njerëz? OKB-ja jo që nuk mundi të ndalë gjenocidin, por nuk arriti të mbrojë as punonjësit e saj të ndihmës. Në Gaza nuk ka vdekur vetëm njerëzia, por edhe OKB-ja bashkë me frymën e saj”, tha ai.

Presidenti Erdoğan më tej vazhdoi duke thënë: “Nga këtu, kam dy fjalë edhe për botën islame: Çfarë prisni për të marrë një vendim të përbashkët? Çfarë duhet të ndodhë më shumë për të reaguar? Qentë po hanë trupat e dëshmorëve në rrugët e Gazës. Terroristët izraelitë hyjnë në shtëpitë e muslimanëve dhe ndajnë foto nga dhomat e tyre të gjumit. Fëmijët muslimanë po masakrohen në spitale. Foshnjave po u priten kokat. Njerëzit po digjen në tenda. Kur do t’i shihni këto? Kur do të reagoni? Kur do të mblidheni dhe do të merrni një qëndrim të vendosur? Kur Organizata e Bashkëpunimit Islam do të ndjekë një politikë efektive, parandaluese kundër këtyre mizorive? Kur bota islame do të mbrojë të drejtat, ligjet dhe jetët e vëllezërve të saj palestinezë? Betohem se Allahu do t’ju kërkojë llogari për këtë, të gjithëve neve”.

“Allahu do të kërkojë llogari ndaj atyre që injorojnë, bëjnë sikur nuk dëgjojnë, qëndrojnë të heshtur dhe nuk reagojnë, ndërsa një grusht terroristësh kryejnë gjenocid ndaj muslimanëve në qendër të gjeografisë dhe zemrës islame. Të gjithë që jetojnë në këtë gjeografi duhet ta dinë dhe ta kuptojnë shumë mirë se: Derisa Izraeli të vendoset nën kontrollin e ligjit ndërkombëtar, deri kur ai ta shohë veten të detyruar nga ligji ndërkombëtar, askush, asnjë vend, asnjë shtet përfshirë Türkiyen nuk është i sigurt. A mendoni se ky barbarizëm është i kufizuar me Gazën? Kurrë dhe kurrë, ata nuk do të ngopen me pirjen e gjakut. Nuk do të ndalen kurrën e kurrës, për sa kohë që do të ketë nga ata që i përkëdhelin shpinën”, tha presidenti turk.

Erdoğan thotë se një Izrael që nuk njeh ligjin dhe rendin është kërcënim jo vetëm për Palestinën, jo vetëm për Gazën, por edhe për mbarë njerëzimin dhe paqen botërore. “Hitleri, gjurmët e të cilit ndiqen sot nga Netanyahu, edhe pse vonë u ndalua me aleancën e Amerikës dhe Bashkimit Sovjetik. Tashmë ky gjenocid, brutalitet dhe barbarizëm duhet të ndalet menjëherë me aleancën e njerëzimit, para se të jetë tepër vonë dhe para se Netanyahu dhe rrjeti i tij vrasës të dalin plotësisht jashtë kontrollit”, tha ai.

Pasi përgëzoi të gjitha vendet mike që njohin Palestinën si shtet dhe shfaqin qëndrim humanitar dhe të guximshëm, Erdoğan tha: “Deri më tani 147 vende e kanë njohur Palestinën si shtet. Kjo do të thotë, më shumë se tre të katërtat e 193 vendeve anëtare të OKB-së e kanë njohur Palestinën si shtet. Vendimi i përbashkët i 147 vendeve nuk mund t’i lihet tekave të Këshillit të Sigurimit, i cili përbëhet nga 5 anëtarë. Ftojmë të gjitha vendet mike dhe vëllazërore të kundërshtojnë këtë padrejtësi. E përsëris se bota është më e madhe se 5. 147 është më e madhe se pesë. Ndërgjegjja e njerëzimit të përbashkët është më e madhe se 5”.

Click to comment

Leave a Reply

Your email address will not be published. Required fields are marked *

Lajme

Resul Ademi,19 vjeçari nga Nikushtaku që humbi jetën në aksident trafiku

19 vjeçari, Resul Ademi, nga fshati Nikushtak i Kumanovës, ka humbur jetën pas një aksidenti që pësoi, mesditën e së martës.

Aksidenti ka ndodhur në fshatin Orizare, ku makina e cila ka qenë në drejtim e të ndjerit është përplasur me murin e varrezave të fshatit.

Në makinë së bashku me të ndjerin ka qenë edhe vëllai i tij, i cili ka përfunduar me lëndime të lehta trupore.

Continue Reading

Lajme

Mjekët do të patrullojnë në Shkup, Kryqi i Kuq me aktivitete për shkak të vapës së paralajmëruar

Për shkak të vapës së paralajmëruar, Kryqi i Kuq i Qytetit të Shkupit informon se ka përgatitur plan aksioni që përfshin aktivitete në terren, në drejtim të përballjes me valët e të nxehtit.

“Në pajtim me përvojat nga vitet e kaluara, ekipe mobile të prëbëra nga mjekë apo paramedikë do të patrullojnë në qytetin e Shkupit, do të distribuohet ujë, fletushka me këshilla, do të matet tensioni i qytetarëve të cilët do të ankohen për vështirësi, ndërsa për rastet më të rënda, do të sigurohet edhe transport deri në entin më të afërt mjekësor apo deri në shtëpinë e personit”, ceket në kumtesë.

Për aktivitetet në periudhën në vijim, siç është paralajmëruar, do të angazhohen 20 vullnetarë nga Ekipi për përgjigje ndaj katastrofave, ndërsa gjashtë automjete do të patrullojnë nëpër qytet.

 

Sot, nesër dhe të premten, është planifikuar gjashtë ekipe mobile të dalin në terren dhe në periudhën prej orës 11 deri në orën 16, të patrullojnë nëpër rajonin qendror të qytetit dhe në stacionet më të mëdha të autobusëve. Aktivitetet do të vazhdojnë në pajtim me parashikimet për temperatura të larta.

“Plani e përfshin edhe kudjesin për gjendjen shëndetësore dhe psiko-fizike të të pastrehëve në qytetin e Shkupit. Në pikën për të pastrehët në “Momin Potok” në dispozicion do të jetë telefoni celular 071/223-972 për paraqitje nga ana e qytetarëve për personat e pastrehë të cilët janët ë goditur nga vala e të nxehtit. Këtë vit, aktivitetet janë mbështetur nga Lotaria e shtetit”, shkruan në kumtesë.

Continue Reading

Lajme

Djali në Pejë e shtyn babain nga shkallët e shtëpisë, i shkakton lëndime trupore

Një rast i dhunës në familje ka ndodhur gjatë ditës para tri ditësh në Pejë. Siç bën të ditur Policia e Kosovës, një person ka raportuar dje se djali i tij e ka sulmuar fizikisht duke e shtyrë shkallëve të shtëpisë.

Viktima ka pësuar lëndime trupore, mirëpo ka refuzuar trajtimin mjekësor.

Me rastin po merret prokurori përkatës.

“Pejë 16.06.2024-07:00. Me 18.06.2024 viktima mashkull kosovar ka raportuar se djali i tij i dyshuari mashkull kosovar, e kishte sulmuar fizikisht duke e shtyre, me ç’rast i njëjti është rrezuar shkallëve të shtëpisë. Si pasoj, i njëjti kishte pësuar lëndime trupore, mirëpo ka refuzuar tretmanin mjekësor. Lidhur me rastin është njoftuar prokurori”, thuhet në raportin 24 orësh të Policisë së Kosovë.

Continue Reading

TË FUNDIT

Lajme23 hours ago

Resul Ademi,19 vjeçari nga Nikushtaku që humbi jetën në aksident trafiku

19 vjeçari, Resul Ademi, nga fshati Nikushtak i Kumanovës, ka humbur jetën pas një aksidenti që pësoi, mesditën e së...

Lajme23 hours ago

Mjekët do të patrullojnë në Shkup, Kryqi i Kuq me aktivitete për shkak të vapës së paralajmëruar

Për shkak të vapës së paralajmëruar, Kryqi i Kuq i Qytetit të Shkupit informon se ka përgatitur plan aksioni që...

Lajme23 hours ago

Djali në Pejë e shtyn babain nga shkallët e shtëpisë, i shkakton lëndime trupore

Një rast i dhunës në familje ka ndodhur gjatë ditës para tri ditësh në Pejë. Siç bën të ditur Policia...

Sport23 hours ago

Shqipëria përballet me Kroacinë në kërkim të pikëve të para në Euro 2024

Kombëtarja e Shqipërisë do të zbres për herë të dytë në fushë këtë Kampionat Evropian. Pas humbjes në ndeshjen e...

Lajme23 hours ago

Mot me diell dhe shumë i nxehtë, temperatura deri 40 gradë

Moti sot do të jetë kryesisht me diell dhe shumë i nxehtë me erë të dobët deri mesatare nga drejtimi...

Lifestyle2 days ago

Angelina Jolie zbulon tatuazhin e ri në mes të gjoksit (FOTO)

Angelina parakaloi në tapetin e kuq të Tony Awards, e veshur me një fustan kadife ngjyrë të gjelbër nga Versace....

Lajme2 days ago

Putini arrin në Korenë e Veriut për herë të parë pas 24 vjetësh

Presidenti rus, Vladimir Putin do të vizitojë Phenianin më 18-19 qershor për t’u takuar me liderin verikorean, Kim Jong Un....

Lajme2 days ago

Mickoski: Stoilkoviq është bashkëpunëtori im dhe i besoj atij dhe qëndrimeve të tij promaqedonase

Mandatari për formimin e Qeverisë së re Hristijan Mickoski ka dorëzuar propozimin për kabinetin e tij në Kuvend. Pas dorëzimit...

Sport2 days ago

Turqia e nis Kampionatin Evropian me fitore, Arda Guler realizon supergol dhe vendos rekord

Pritej një përballje e luftuar dhe ashtu rezultoi të ishte. Turqia ka marrë një fitore të madhe, pasditen e kësaj...

Lajme3 days ago

Osmani: Stoilkoviq zv/kryeministër përgjegjës për Marrëveshjen e Ohrit, kështu kur je i preferuar dhe jo i votuar

Në kabinetin e ri qeveritar ashtu edhe siç njoftoi mandatari për formimin e qeverisë së re Hristijan Mickoski, do të...

Trending