Lajme

Qeveria e re VMRO-VLEN, shqiptarët me më së paku ministri në 20 vitet e fundit

Qeveria që pritet të formohet për pak ditë mes VMRO-DPMNE-së, VLEN dhe ZNAM pritet të ketë përbërje ndryshe nga të deritanishmet.

Shqiptarët sipas burimeve brenda palëve është dakorduar ti kenë vetëm 4 resore, që është përfaqësimi më i dobët në 20 vitet e fundit sipas akuzave të Aleancës për Shqiptarët e Ziadin Selës

Në vazhdim ua sjellim ndarjen e resorëve ministrore në Qeverinë e VMRO DPMNE:

VMRO DPMNE merr 13 resore

1. Ministria e Mbrojtjes
2. Ministria e Financave
3. Ministria e Energjetikes dhe Minierave
4. Ministria e Transportit dhe Lidhjeve
5. Ministria e Bujqësisë
6. Ministria e Sportit
7. Ministria për Marrëdhënije Ndërmjet Bashkësive
8. Ministria e Punëve të Jashtme
9. Ministria e Punëve të Brendshme
10. Ministria e Kulturës dhe Turizmit
11. Ministria e Vetëqeverisjes Lokale
12. Ministria e Digjitalizimit
13. Ministria e Arsimit

VLEN me 4 resore nga të cilat dy janë ministri të sapoformuara

1. Ministria e Shëndetësisē
2. Ministria e Ambientit Jetësor dhe Planifikimit Hapësinor
3. Ministria e Ekonomisë dhe Punēs
4. Ministria e Çështjeve Sociale, Demografisë dhe Rinisē

ZNAM me 2 resore

1. Ministria e Drejtësisë
2. Ministria e Administratës. /tvklan.mk

Lajme

Mickoski: Kemi çmimet e naftës më të ulëta në rajon

“Ndjekim situatën me naftën. Ne ende jemi vend, i cili është me çmimet më të ulëta në rajon kur bëhet fjalë për benzinën dhe dizelin. Do të reagojmë ashtu siç kemi reaguar edhe deri më tani. Qytetarët duhet të jenë të qetë. Ne do të vazhdojmë të jemi shteti me çmimin më të ulët të benzinës dhe dizelit edhe pse është prodhim i bursës dhe nuk është prodhim që varet nëse është biznesmen më i mirë apo më i keq, politikan më i mirë apo më i keq. Të gjithë blejmë nga vendi i njëjtë”, deklaroi Hristijan Mickoski, Kryeministër./Alsat.mk.

Lajme

Bilall Kasami promovon rrugën e re në lagjen “Dardania”: Infrastrukturë moderne për banorët

Kryetari i Komunës së Tetovës, Bilall Kasami, ka bërë të ditur se është promovuar rruga e re në lagjen “Dardania”, një projekt infrastrukturor që, sipas tij, është realizuar sipas standardeve moderne.

“Me shumë kënaqësi sot promovuam rrugën në lagjen ‘Dardania’, një rrugë e re, moderne dhe me të gjitha standardet!

Instaluam rrjet të ri ujësjellësi, vendosja e anësoreve dhe asfaltimi i rrugës!

Ju qoftë përhajr banorëve!”, ka shkruar Kasami.

Lajme

Zjarri në Parkun e Gazi Babës, nën kontroll

Zjarri që përfshiu Parkun e Gazi Babës është vënë nën kontroll, njoftoi Qendra për Menaxhim me Kriza (QMK). Sipas drejtorit të QMK-së, Muhamed Ali, ekipet e Brigadës së Zjarrfikësve të Qytetit të Shkupit kanë ndërhyrë në terren, ndërsa situata aktualisht po stabilizohet.

“Zjarri në Parkun e Gazi Babës është vënë nën kontroll. Qendra për Menaxhim me Kriza reagoi menjëherë, duke kontaktuar dhe koordinuar institucionet kompetente, ndërsa Brigada Kundër Zjarrit e Qytetit të Shkupit ndërhyri me shpejtësi dhe profesionalizëm në terren. Personalisht isha i pranishëm në vendngjarje për të koordinuar aktivitetet dhe për të ndjekur nga afër zhvillimin e situatës. Gjendja po stabilizohet, ndërsa ekipet kompetente do të vazhdojnë të qëndrojnë në terren deri në shuarjen e plotë të zjarrit. Apelojmë tek të gjithë qytetarët që, nëse vërejnë zjarr, tym apo ndonjë situatë që mund të paraqesë rrezik, ta raportojnë menjëherë në numrin emergjent 112. Njëkohësisht, u bëjmë thirrje qytetarëve që gjatë këtyre ditëve me temperatura të larta të jenë të kujdesshëm gjatë lëvizjes në zonat malore dhe pyjore, të shmangin çdo veprim që mund të shkaktojë zjarr dhe të respektojnë rekomandimet e institucioneve kompetente”, theksoi Muhamed Ali, drejtor i QMK-së.