Lajme

Në Shkup sanksionohen 114 shoferë, 13 pa patentë shofer

MPB njofton se SPB Shkup ka shqiptuar gjithsej 114 masa gjatë kontrolleve të djeshme në zonën e komunikacionit në territorin e qytetit të Shkupit.

Nga drejtuesit e mjeteve pa patentë shoferi, 13 janë dënuar, shtatë masa janë shqiptuar për kundërvajtje nga drejtuesit e motoçikletave, gjashtë janë sanksionuar për përdorim të celularit gjatë drejtimit të mjetit.

“Janë vendosur katër masa për mospërdorim të rripit të sigurimit, pesë sanksione për rirregullim të paligjshëm gjatë drejtimit të automjetit… Kontrollet në komunikacion do të vazhdojnë edhe në ditët në vijim”, thuhet në njoftimin e MPB-së.

Lajme

Burri nga Shkupi “ankohet” në polici se e ka rrahur gruaja

MPB njofton se më 25.07.2026, në orën 10:30, në SPB Shkup, një 42-vjeçar nga Shkupi denoncoi se në shtëpinë familjare, pas një grindjeje të mëparshme, ishte sulmuar fizikisht nga bashkëshortja e tij 44-vjeçare. Po ndërmerren masa për zbardhjen e plotë të rastit.

Lajme

Mickoski: Kemi çmimet e naftës më të ulëta në rajon

“Ndjekim situatën me naftën. Ne ende jemi vend, i cili është me çmimet më të ulëta në rajon kur bëhet fjalë për benzinën dhe dizelin. Do të reagojmë ashtu siç kemi reaguar edhe deri më tani. Qytetarët duhet të jenë të qetë. Ne do të vazhdojmë të jemi shteti me çmimin më të ulët të benzinës dhe dizelit edhe pse është prodhim i bursës dhe nuk është prodhim që varet nëse është biznesmen më i mirë apo më i keq, politikan më i mirë apo më i keq. Të gjithë blejmë nga vendi i njëjtë”, deklaroi Hristijan Mickoski, Kryeministër./Alsat.mk.

Lajme

Bilall Kasami promovon rrugën e re në lagjen “Dardania”: Infrastrukturë moderne për banorët

Kryetari i Komunës së Tetovës, Bilall Kasami, ka bërë të ditur se është promovuar rruga e re në lagjen “Dardania”, një projekt infrastrukturor që, sipas tij, është realizuar sipas standardeve moderne.

“Me shumë kënaqësi sot promovuam rrugën në lagjen ‘Dardania’, një rrugë e re, moderne dhe me të gjitha standardet!

Instaluam rrjet të ri ujësjellësi, vendosja e anësoreve dhe asfaltimi i rrugës!

Ju qoftë përhajr banorëve!”, ka shkruar Kasami.