Lajme

Reisit Shaqir Fetai i kërkohet që të ndalojë “shkarkimet dhe emërimet” në rastin e Muftinisë së Tetovës

Këshilli iniciativ i hoxhallarëve të Tetoves, edhe një herë ka dorëzuar kërkesë tek Bashkësia Fetare Islame në Shkup, “ndalimin e ngarkimeve dhe shkarkimeve të detyrës”, siç deklarojnë ata. Nga Këshilli iniciativ i hoxhallarëve të Tetovës thonë se pas kërkesës që kanë bërë në muajin mars të këtij viti, për mosshkarkimin e Myftiut të Tetovës, Qani efendi Nesimit, kërkesa e tyre nuk është marrë seriozisht edhe pse kanë pasur bindjen e tyre për respektimin e kërkesës.

IRFAN EMRULLAI, KËSHILLI INICIATIV I HOXHALLARËVE TË TETOVES

“Sot gjendemi këtu para Rijasetit të BFI-së, e cila bëhet duke i tërhequr vendimet për shkarkim dhe ngarkim. I nderuari Haxhi Reis, tërhiqni vendimet për ngarkim dhe shkarkim në Myftini të Tetovës. Duhet ta dini se, kërkesa jonë nuk do të ndalet deri sa këto vendime për shkarkim dhe ngarkim, që janë antikushtetuese dhe antiligjore të tërhiqen.”

Nga Këshilli iniciativ i hoxhallarëve të Tetovës thonë se nëse nuk marrin përgjigje për kërkesat e tyre dhe nga BFI vazhdojnë të marrin vendime antikushtetuese dhe antiligjore, duke mos respektuar vendimet e gjykatave, do t’i radikalizojnë qëndrimet e tyre dhe do të marrin hapa konktrete radikale sipas parimeve kushtetuese të BFI-së.

Përveç kërkesës së lëshuar sot, nga Këshilli më datën 5 mars të vitit 2024 kanë dorëzuar një listë me nënshkrime nga hoxhallarët dhe anëtarët e Këshillave të Myftinisë së Tetovës, duke kërkuar tërheqjen e vendimit për shkarkim të Qani efendi Nesimit.

Lajme

Paraqitet Arben Fetai nga Tailanda

Zv/kryeministri Arben Fetai i cili një kohë të gjatë ka qenë larg opinionit, pas përplasjeve të brendshme në ASH dhe koalicionin VLEN, ka postuar një foto në rrjetet sociale nga Bagkogk- Tailandë.
Siç dihet Fetai është larguar nga skena politike, ndërsa paralajmërimet janë se shkarkimi i tij nga Qeveri do të ndodhë pas rikonstruimit të Qeverisë.

Lajme

Kuvendin voton për shfuqizimin e Qeverisë teknike

Në Kuvendin e Maqedonisë së Veriut janë miratuar ndryshimet në Ligjin për Qeveri, me të cilin parashikohet shfuqizimi i konceptit të Qeverisë teknike (Përzhinos), raporton SHENJA

Megjithatë ky ndryshim nuk do të hyjë menjëherë në fuqi, pra do të vlejë edhe për zgjedhjet e ardhshme, ndërsa më pas nuk do të ketë qeveri teknike.

Për këto ndryshime votuan 70 deputetë, ndërsa 11 ishin kundër.

Lajme

Shtekli dënohet me tetë vjet burg

Gjykata Themelore Penale në Shkup sot nxori një vendim me të cilin Rade Trajkovski, i njohur si “Shtekli”, dënohet me tetë vjet burg për organizim të një grupi trafikantësh droge.

Këshilli gjyqësor vendosi se Trajkovski udhëhoqi një grup që ishte i përfshirë në shitjen e kokainës dhe marihuanës, pas së cilës ai u dënua me burg.

Përveç tij, gjykata dha vendime edhe për të akuzuarit e tjerë në këtë rast.

Stefan Kitanov dhe Aleksandar Buçevski u dënuan me nga pesë vjet burg secili, Filip Tanevski gjithashtu mori një dënim me pesë vjet, ndërsa Stojan Millanov u dënua me tre vjet e dhjetë muaj burg.

Gjykatësi Ilija Trpkov theksoi se procedura u zhvillua në mënyrë efikase dhe pa vonesë, duke theksuar se çështja u përfundua brenda nëntë muajve me një rrjedhë të vazhdueshme të gjykimit.

Ky vendim i jep fund njërit prej rasteve më të rëndësishme që lidhen me trafikimin e drogës në periudhën e kaluar, dhe palët kanë të drejtë të ankimojnë.