Lajme

Bastisja në Shkup, Strumicë e Gostivar, hetime për fshehje tatimi dhe pastrim parash

Një grup subjektesh juridike në vend janë nën hetim të Prokurorisë për fshehje tatimi, mashtrim tatimor dhe pastrim parash. Gjatë ditës së djeshme janë kryer bastisje në Shkup, Strumicë dhe Gostivar ku sipas policisë dhe organit të akuzës janë siguruar dokumentacione. Megjithatë, për shkak se rasti është në procedurë parahetimore, institucionet nuk japin detaje më të hollësishme.

“Zyrtarët policorë, zyrtarët e Drejtorisë për të Ardhura Publike në koordinim me hetuesit nga Laboratori për Forenzikë Digjitale të Qendrës Hetuese të Prokurorisë për Ndjekjen e Krimit të Organizuar dhe Korrupsionit, gjatë bastisjeve kanë siguruar dokumente dhe shkresa elektronike të cilat do të jenë lëndë i përpunimit dhe analizës me qëllim të sigurimit të provave materiale për nevojat e procedurës së mëtejshme parahetimore”, thonë nga MPB dhe Prokuroria.

Për aksionin e djeshëm u deklarua edhe ministrja e financave, Gordana Dimitrieska-Koçoska, e cila tha se vetë ka marrë pjesë në zbatimin e aksionit në Strumicë.

“Dua të shpreh falënderim të madh deri te Drejtoria për të Ardhura Publike dhe drejtoresha Elena Petrova, dhe veçanërisht deri te kolegët nga Strumica dhe qytetet tjera të cilët sot bashkë me mua tërë ditën pa u lodhur punuan në zbatimin e aksionit në Strumicë. Një pjesë e tyre drejtpërdrejt me mua në Strumicë, ndërkaq një pjesë edhe në qytete tjera të Maqedonisë”, deklaroi Gordana Dimitrieska-Koçoska, ministre e Financave.

Për aksionin në fjalë, gjatë ditës pritet që të deklarohet edhe ministri i brendshëm, Pançe Toshkovski. /Alsat.mk

Lajme

Mexhiti uron Kurtin për fitoren: Kosova sot votoj për vazhdimësi dhe besim në rrugën e nisur

Bashkëkryetari i partisë VLEN, Izet Mexhiti, ka deklaruar se fitorja e VV-së, është një konfirmim i qartë i besimit të qytetarëve të Kosovës në drejtimin politik të vendit.
“Urime për këtë rezultat dhe për vazhdimin e mandatit të ri, miku im, kryeministër Albin Kurti. Kjo fitore është shenjë e qëndrueshmërisë së vullnetit demokratik dhe e vazhdimësisë së një agjende qeverisëse që ka marrë mbështetje të gjerë.
Kosova sot e ka dhënë mesazhin e saj qartë. Ka votuar për vazhdimësi dhe besim në rrugën e nisur.
Urime Kosovë!”, ka shkruar Mexhiti.

Lajme

Abdixhiku: Shënojmë rritjen më të madhe! Kemi fituar 20 deputetë

Kandidati i LDK-së për kryeministër, Lumir Abdixhiku në konferencën për media u shpreh se Kosova edhe njëherë dëshmoi prekuri demokratike.

Për këtë gjë bëri një falënderim për të gjithë qytetarët dhe siç u shpreh, në veçanti votuesit e LDK-së.

“Kosova dëshmoi edhe njëherë pjekuri demokratike. Për këtë meritoni një falënderim qytetarë. Falënderim të veçantë dua t’u bëj edhe institucioneve përgjegjëse. Dua t’i falënderojë mbështetësit dhe votuesit e Lidhjes Demokratike të Kosovës”, tha ai.

Abdixhiku, për rezultatet e këtyre zgjedhjeve tha se LDK-ja sonte shënon rritjen më të madhe që ndonjë subjekt politik ka siguruar në këto zgjedhje.

“Lidhja Demokratike e Kosovës sonte shënon rritjen më të madhe që një subjekt politik ka siguruar në këto palë zgjedhje. Në vetëm një muaj fushatë, me kaq pak kohë, LDK-ja ka kaluar nga 13 për qind, në 18 për qind, përkatësisht në 20 mandate”, tha ai.

Lajme

Osmani: VV-ja s’e ka asnjë arsye ta refuzojë emrin tim për presidente

Kandidatja për presidente nga radhët e LDK-së, Vjosa Osmani, tha se Lëvizja Vetëvendosje nuk ka fare arsye që ta refuzojë atë që ta rimarrë këtë post.

Këto fjalë i tha në adresimin e parë për media pas daljes së rezultateve preliminare të zgjedhjeve të parakohshme parlamentare.

“Lëvizja Vetëvendosje nuk ka asnjë arsye që ta refuzojë emrin tim për presidente të shtatë të Republikës së Kosovës. Kaq është përgjigja ime”, tha Osmani në konferencë për media.

Lidhja Demokratike të Kosovës numëron 17 për qind bazuar në rezultatet në fjalë.