Bashkimi Demokratik për Integrim (BDI) ka përshëndetur kalimin e kandidatit të Aleancës Kombëtare për Integrim (AKI), Arkin Jahiji, në raundin e dytë të zgjedhjeve për kryetar të Komunës së Bërvenicës.

Në një komunikatë, BDI vlerëson se rezultati dëshmon mbështetjen e qytetarëve për përfaqësim të drejtë dhe zhvillim të barabartë të komunës.

“Bërvenica meriton një komunë ku zëri i çdo qytetari dëgjohet, ku investimet dhe shërbimet shpërndahen në mënyrë të barabartë”, thuhet në reagim.

Partia falënderoi votuesit për pjesëmarrjen dhe mbështetjen ndaj Jahijit, duke theksuar se do të vazhdojë angazhimin për institucione gjithëpërfshirëse, bashkëjetesë dhe respekt të ndërsjellë.

Fatmir Limani ka reaguar me një mesazh ironik pas rezultateve zgjedhore në Komunën e Bërvenicës, ku AKI-ja doli fituese në raundin e parë, ndërsa VLEN-i, pavarësisht sigurisë së shprehur për fitore, nuk arriti të sigurojë fitoren dhe do të përballet me garën në raundin e dytë.

“Eh, tetori, tetori…, fillimi i fundit, për ‘sojin’ që ndjente vet’mjaftueshmëri rradhësh. Ndryshojnë hesapet kur vet’pëlqehesh..

 

 

Dysh në njësh.. ”, ka shkruar Limani në reagimin e tij, njofton TS.

Reagimi i tij duket si një thumbim ndaj sigurisë së shprehur nga VLEN-i para zgjedhjeve, duke lënë të kuptohet se rezultatet zgjedhore mund të sjellin befasi dhe se vetëbesimi i tepruar nuk garanton fitore.

Gara për kreun e Komunës së Bërvenicës tashmë pritet të vazhdojë në raundin e dytë, ku do të vendoset se kush do ta drejtojë komunën, Arkin Jahiji nga AKI-ja apo Stojançe Radiçevski nga VMRO-DPMNE-ja/TS/TS

Një vit pas zgjedhjeve lokale të vitit 2025, rezultatet e zgjedhjeve të zhvilluara në Komunën e Bërvenicës tregojnë ndryshime të dukshme në mbështetjen e partive politike. Sipas numrave zyrtar që ka anlizuar ZYRTARE.net, del në përfundim se AKI ka shënuar rritjen më të madhe të votave, ndërsa VLEN dhe VMRO-DPMNE kanë humbur një pjesë të mbështetjes elektorale.

Në zgjedhjet e vitit 2025, VMRO-DPMNE kishte fituar 3.388 vota me kandidatin Jovica Ilievski, ndërsa në zgjedhjet e vitit 2026 kandidati Stojanço Radiçevski mori 2.943 vota. Kjo paraqet një rënie prej 445 votash, përcjell zyrtare.net

Rënie ka shënuar edhe VLEN-i. Nga 2.021 vota që kishte marrë Haqim Ramadani në vitin 2025, në zgjedhjet e vitit 2026 Jakup Huseini mori 1.528 vota, apo 493 vota më pak, thotë analiza që ka bërë zyrtare.net

Në anën tjetër, AKI është fituesi më i madh në aspektin e rritjes së votave. Nga 1.147 vota që kishte marrë Enver Pajaziti në vitin 2025, kandidati Arkin Jahiji arriti në 2.152 vota në vitin 2026. Kjo është një rritje prej 1.005 votash, pothuajse dyfishim i rezultatit të mëparshëm.

LSDM-ja gjithashtu ka shënuar rritje, nga 481 vota në vitin 2025 me Svetlana Mitreska-Ançelkovskën, në 706 vota në vitin 2026 me Jovica Radeskin, pra 225 vota më shumë.

Sa i përket votuesve, në vitin 2025 kishin votuar 7.288 qytetarë, ndërsa në vitin 2026 numri u rrit në 7.565, ose 277 votues më shumë. Megjithatë, numri i fletëvotimeve të pavlefshme ra nga 251 në 160.

Tabela: Kush u rrit dhe kush u zvoglua nga partitë

Krahasimi tregon se AKI ka fituar dukshëm më shumë mbështetje, ndërsa VLEN ka pësuar rënien më të madhe në numër absolut të votave, pasuar nga VMRO-DPMNE.

Duhet pasur parasysh se bëhet fjalë për krahasimin e rezultateve të dy proceseve zgjedhore, me kandidatë të ndryshëm. Prandaj, ndryshimi i votave nuk mund t’i atribuohet automatikisht vetëm performancës së partive. Për më tepër, zgjedhjet e vitit 2026 në Bërvenicë janë të parakohshme dhe gara për kryetar komune vazhdon në raundin e dytë mes Stojanço Radiçevskit dhe Arkin Jahijit. /ZYRTARE.NET/