Lajme

Vri’ten katër ushtarë izraelitë në pjesën veriore të Gazës

Ushtria izraelite njoftoi se katër ushtarë të tjerë të saj u vranë në pjesën veriore të Rripit të Gazës, teksa forcat e ushtrisë vazhdojnë ofensivën vdekjeprurëse në zonën e bllokuar, transmeton Anadolu.

Në deklaratën e ushtrisë izraelite thuhet se katër ushtarët nga një njësi elitare e ushtrisë humbën jetën në luftimet në pjesën veriore të Gazës, pa dhënë detaje mbi rrethanat e vdekjes së tyre. Ushtria tha se në luftime gjithashtu u plagos rëndë një oficer.

Sipas shifrave ushtarake, të paktën 776 ushtarë janë vrarë dhe rreth 5.100 të tjerë janë plagosur që nga shpërthimi i konfliktit të Gazës më 7 tetor 2023.

Megjithatë, kreu i opozitës izraelite Yair Lapid dje tha se 890 ushtarë janë vrarë dhe 11.000 të tjerë janë plagosur që nga viti i kaluar, duke paralajmëruar se numri i ushtarëve të vrarë do të vazhdojë të rritet mes ofensivave vdekjeprurëse të Izraelit në Gaza dhe Liban.

Ushtria izraelite ka vazhduar sulmin vdekjeprurës në veri të Gazës që nga 5 tetori për të parandaluar Hamasin nga rigrupimi, duke zbatuar një rrethim shkatërrues në zonë. Palestinezët, megjithatë, akuzojnë Izraelin se synon të pushtojë zonën dhe të zhvendosë me forcë banorët e saj.

Më shumë se 1.000 njerëz janë vrarë në veri të Gazës që nga fillimi i ofensivës, sipas Shërbimit të Mbrojtjes Civile Palestineze.

Mbi 43 mijë palestinezë janë vrarë që atëherë, kryesisht gra dhe fëmijë, dhe mbi 101 mijë të tjerë janë plagosur, sipas autoriteteve lokale shëndetësore. Sulmet izraelite kanë zhvendosur pothuajse të gjithë popullsinë e territorit mes një bllokade të vazhdueshme që ka çuar në mungesa të mëdha të ushqimit, ujit të pastër dhe ilaçeve.

Izraeli gjithashtu përballet me një padi gjenocidi në Gjykatën Ndërkombëtare të Drejtësisë (GJND) për veprimet e tij në Gaza.

Lufta u përhap në Liban, ku Izraelin nisi sulme vdekjeprurëse në të gjithë vendin me mbi 2.700 njerëz të vrarë dhe më shumë se 12.500 të tjerë të plagosur, sipas autoriteteve shëndetësore libaneze.

Izraeli më 1 tetor e zgjeroi më tej konfliktin duke nisur sulm tokësor në jug të Libanit.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net