Lajme

Shkëndija fiton Besën, Shkupi mundet nga Voska në Ohër

Mesdita e kësaj të mërkure ka sjellur ndeshjet e xhiros së 12-të në elitën e futbollit vendor.

Shkëndija në Tetovë ka marrë fitore përballë Besës së Dobërdollit, duke triumfuar me rezultatin 2:1. Florent Ramadani dhe Besart Ibraimi shënuan për kuqezinjtë, teksa golin për Besën e gjeti Bashkim Velija.

Ndërkohë në Ohër, Shkupi është mundur nga Voska Sport me shifrat 3:1. Jahja shënoi golin e parë për ekipin nga Ohri, teksa dy golat tjerë erdhën nga Jahiji dhe Vukoviq, përderisa për Shkupin rrjetën e gjeti Tamba.

Kampionët në fuqi, Struga kanë fituar me rezultat minimal 1:0 në transfertën ndaj Tikveshit. Vardari u mund nga Brera me shifra 0:1, pa fitues u mbyllën takimet Gostivari – Pelisteri 0:0 dhe Sileksi – Rabotniçki 1:1.

Edhe pas kësaj xhiroje, Rabotniçki vazhdon të kryesojë renditjen me 24 pikë, duke u ndjekur nga Shkëndija me një pikë më pak dhe Sileksi e Gostivari që kanë nga 21 pikë.

Lajme

Mexhiti uron Kurtin për fitoren: Kosova sot votoj për vazhdimësi dhe besim në rrugën e nisur

Bashkëkryetari i partisë VLEN, Izet Mexhiti, ka deklaruar se fitorja e VV-së, është një konfirmim i qartë i besimit të qytetarëve të Kosovës në drejtimin politik të vendit.
“Urime për këtë rezultat dhe për vazhdimin e mandatit të ri, miku im, kryeministër Albin Kurti. Kjo fitore është shenjë e qëndrueshmërisë së vullnetit demokratik dhe e vazhdimësisë së një agjende qeverisëse që ka marrë mbështetje të gjerë.
Kosova sot e ka dhënë mesazhin e saj qartë. Ka votuar për vazhdimësi dhe besim në rrugën e nisur.
Urime Kosovë!”, ka shkruar Mexhiti.

Lajme

Abdixhiku: Shënojmë rritjen më të madhe! Kemi fituar 20 deputetë

Kandidati i LDK-së për kryeministër, Lumir Abdixhiku në konferencën për media u shpreh se Kosova edhe njëherë dëshmoi prekuri demokratike.

Për këtë gjë bëri një falënderim për të gjithë qytetarët dhe siç u shpreh, në veçanti votuesit e LDK-së.

“Kosova dëshmoi edhe njëherë pjekuri demokratike. Për këtë meritoni një falënderim qytetarë. Falënderim të veçantë dua t’u bëj edhe institucioneve përgjegjëse. Dua t’i falënderojë mbështetësit dhe votuesit e Lidhjes Demokratike të Kosovës”, tha ai.

Abdixhiku, për rezultatet e këtyre zgjedhjeve tha se LDK-ja sonte shënon rritjen më të madhe që ndonjë subjekt politik ka siguruar në këto zgjedhje.

“Lidhja Demokratike e Kosovës sonte shënon rritjen më të madhe që një subjekt politik ka siguruar në këto palë zgjedhje. Në vetëm një muaj fushatë, me kaq pak kohë, LDK-ja ka kaluar nga 13 për qind, në 18 për qind, përkatësisht në 20 mandate”, tha ai.

Lajme

Osmani: VV-ja s’e ka asnjë arsye ta refuzojë emrin tim për presidente

Kandidatja për presidente nga radhët e LDK-së, Vjosa Osmani, tha se Lëvizja Vetëvendosje nuk ka fare arsye që ta refuzojë atë që ta rimarrë këtë post.

Këto fjalë i tha në adresimin e parë për media pas daljes së rezultateve preliminare të zgjedhjeve të parakohshme parlamentare.

“Lëvizja Vetëvendosje nuk ka asnjë arsye që ta refuzojë emrin tim për presidente të shtatë të Republikës së Kosovës. Kaq është përgjigja ime”, tha Osmani në konferencë për media.

Lidhja Demokratike të Kosovës numëron 17 për qind bazuar në rezultatet në fjalë.