Lajme

Instituti i Shëndetit Publik: Festoni pa alkool dhe mjete piroteknike!

Instituti i Shëndetit Publik rekomandon qytetarët që të jenë të kujdesshëm gjatë festave të fundvitit. Ata rekomandojnë konsumimin e ushqimeve të shëndetëshme, hidratimit të duhur dhe theksojnë rreziqet nga alkooli dhe mjetet piroteknike për festat e fundvitit.

INSTITUTI I SHËNDETIT PUBLIK

“Rimendoni për pijet tuaja. Pijet e ëmbla fshehin një të vërtetë të hidhur. Mos blini apo ruani pije me sheqer në shtëpi. Në kafene, restorante etj, mos porositni pije freskuese dhe shmangni kremrat, lëngjet tretëse, sirupet etj. Mbani rregullisht ujë në një shishe qelqi me vete. Nuk ka nivel të sigurtë të konsumimit të alkoolit. Konsumimi i alkoolit mund të shkaktojë kushte të padëshiruara. Për personat e moshës 15 deri në 39 vjeç nuk ka përfitime shëndetësore nga pirja e alkoolit, por vetëm rreziqe shëndetësore”.

Nga Instituti i Shëndetit Publik rekomandojnë që t’i iket festimit me mjete piroteknike sepse siç thonë ata, viteve të fundit nga përdorimi masiv i tyre, festat janë kthyer në aksidente.

INSTITUTI I SHËNDETIT PUBLIK

“Në bazë të amosferës festive tek fëmijët dhe adoleshentët festa pasohet me rritje të përdorimit të materialeve piroteknike. Përdorimi i materialeve piroteknike ka pasoja të rënda negative për shëndetin publik. Dëmtimet që lidhen me përdorimin e lëndëve piroteknike janë të rënda, duke i kthyer në aksidente shumë festa dhe momente të lumtura”.

Nga atje theksojnë se më të prekurit janë fëmijët, të moshuarit dhe personat me sëmundje të frymëmarrjes apo të zemrës. Ekspozimi afatshkurtër ndaj nënprodukteve piroteknike, thonë ata, mund të përkeqësojë një sëmundje ekzistuese të mushkërive ose të shkaktojë një sulm astme.

Lajme

Vrasja në Duqanxhik të Shkupit, MPB jep detaje

Dy sulmues me motoçikletë hapën zjarr ndaj një grupi prej pesë banorësh të Shkupit, duke goditur 26-vjeçarin A.M., i cili më vonë ndërroi jetë në spital nga plagët e marra.

Të shtënat u raportuan më 6 shtator rreth orës 23:30, pranë kryqëzimit të rrugëve “Prohor Pcinski” dhe Vojdan Çernodrinski” në Shkup.
Nga MPB thonë se D.G. (29), A.Xh. (24), K.B. (36), E.B. (25) dhe A.M. (26), të gjithë nga Shkupi, po qëndronin para një dritareje biznesi në atë moment.

Një një motoçikletë që ishin dy persona ndaloi përpara tyre, pas së cilës u qëllua me armë zjarri ndaj grupit. Sulmuesit ikën menjëherë.

Një nga plumbat goditi A.M., i cili u dërgua me ambulancë në Kompleksin e Klinikës Nënë Tereza, ku dhe ndërroi jetë.

Nga policia ende nuk kanë njoftuar për identitetin e sulmuesve, dhe arsyet incidentit.

Lajme

Një 27-vjeçar nga Maqedonia qëllohet për vdekje në Berlin, autorët në arrati

Në orët e para të mëngjesit të së hënës, në rrugën Sonnenallee në Neukölln në Berlin të Gjermanisë u qëllua për vdekje një 27 vjeçar nga Maqedonia e Veriut, raportuan mediat gjermane.

Sipas policisë, ngjarja ndodhi rreth orës 02:40 në kryqëzimin e rrugëve Planetenstraße dhe Sonnenallee, ndërsa i vdekur mbeti një shtetas i Maqedonisë së Veriut i moshës 27 vjeçare.

Policia e Berlinit njoftoi se, pavarësisht përpjekjeve të menjëhershme për reanimim personi i plagosur ndërroi jetë në vendngjarje.

Mbi viktimën u qëlluan gjashtë plumba njoftoi policia gjermane, ndërsa autori apo autorët e e sulmit dyshohet se janë larguar me një automjet të markës Mercedes.

Autoritetet e sigurisë po hetojnë nëse në ngjarje kanë qenë të përfshirë disa persona dhe nëse rasti ka lidhje me krimin e organizuar. Me urdhër të Prokurorisë, ka nisur hetimet.

Lajme

Përparim Bajrami në arrati, Gjykata vendosi ta gjykojë në mungesë

Për shkak se i akuzuari Përparim Bajrami vazhdon të jetë i pakapshëm për organet e përndjekjes, Gjykata vendosi që ta gjykojë në mungesë.

Familjarët e ish drejtorit të Lotarisë Shtetërore, Bajrami, kanë angazhuar Avokatin Elenko Millanov, i cili dorëzoi te gjyqtarja listën me prova. Bajrami është i akuzuari i parë. /Alsat.mk