Lajme

40 kilometra të para të autostradës Kërçovë–Ohër hapen në korrik

Drejtori i Ndërmarrjes Publike për Rrugët Shtetërore, Koce Trajanovski, deklaroi se deri më 11 ose 12 korrik do të vihet në funksion segmenti nga Vrbjani deri në Ohër, me përjashtim të pjesës te Botuni, ku – siç sqaroi – ka reshqitje të mëdha që duhet të stabilizohen. Kështu, siç kishte paralajmëruar më herët edhe kryeministri Hristijan Mickoski, 40 kilometrat e para të autostradës Kërçovë–Ohër pritet të hapen muajin e ardhshëm.

“Qytetarët, turistët, të gjithë ata që vijnë, udhëtojnë drejt Ohrit apo kthehen prej aty, do të mund të ngasin mbi asfalt të ri. Ndërprerja te Botuni është për shkak se rruga duhet të kalojë në anën e djathtë të fshatit, ku ka pjerrësi të mëdha dhe rrëshqitje të mëdha që duhet të stabilizohen. Rrëshqitjet te Botuni janë të lidhura edhe me ato mes Kërçovës dhe Vrbjanit. Ne po punojmë intensivisht me Fakultetin e Ndërtimtarisë, me kompaninë kineze, janë bërë hetime gjeologjike dhe rreth 6.5 kilometra shpime për të kuptuar përbërjen e tokës, sepse pjesa më e madhe është e paqëndrueshme. Hetimet gjeologjike janë drejt fundit – rreth 40% janë përfunduar. Në bazë të tyre, projektuesit po krijojnë modele dhe tipe mbrojtjeje për këto pjerrësi, për stabilizimin e tyre,” – tha Trajanovski për televizionin Sitel.

Për sa i përket zgjidhjes për problemin te Botuni, Trajanovski theksoi se sot do të mbahet një takim i rëndësishëm, me qëllim të përzgjedhjes së modelit tipik të mbrojtjes për ato pjerrësi, dhe shumë gjasa është që të përdoret sistemi i galerive. Ai sqaroi se ka rreth 14 pjerrësi shumë problematike, si dhe rreth 21 më pak problematike, të cilat gjithashtu duhet të mbrohen, dhe shprehu bindjen se pjesa më e madhe e tyre do të stabilizohet brenda këtij viti.

Po ashtu, deri në fund të muajit pritet të hapet për përdorim edhe segmenti ekspres Drenovë–Farish, ku Ndërmarrja Publike për Rrugët Shtetërore është duke punuar në largimin e shkëmbinjve të rrezikshëm. Trajanovski theksoi se vetëm në dy pjerrësi janë hequr 27 mijë metra kub dhe, që të sigurohet një sipërfaqe e rrafshët nga të dyja anët e asfaltit (nga 2 metra majtas e djathtas).

Lajme

Mexhiti: Çështja e liderit të VLEN-it, ende nuk është zgjidhur

Çështja e lidërit të VLEN-it, ende nuk është zgjidhur. Njëri nga liderët e VLEN-it dhe njëherit kryetari i komunës së Çairit Izet Mexhiti, u pyetur nëse po shkojnë në Prekaz për të finalizuar çështjen e liderit të VLEN-it, Mexhiti u shpreh se atje shkojnë për të bërë homazhe dhe te varrezat e familjes Jashari, raporton SHENJA. Ndërsa siç u shpreh, sa i përket VLEN-it, nuk kanë ndonjë zhvillim të ri dhe se në momentin që do të ketë opinioni do të jetë i informuar.

“Sa i përket VLEN-it, po punohet, nuk ka diçka jashtë asaj që e kemi thënë deri tash, dmth momentin e duhur dhe do ju njoftojmë… nuk është vetëm çështja e liderit, po flasim për ideologji, për programin, për platformën, për mënyrën më të mirë se sit ë funksionoj VLEN-i”, deklaroi Mexhiti.

Lajme

Në Aeroportin e Shkupit zbulohen 150 mijë paund britanikë të padeklaruar

Zyrtarët doganorë në Aeroportin Ndërkombëtar të Shkupit, gjatë kontrollit të një pasagjeri, shtetas i huaj, i cili po udhëtonte drejt Londrës, zbuluan 150 mijë paund britanikë të cilët nuk ishin deklaruar sipas detyrimeve ligjore.

Sipas Ligjit për Punë Devizore, pasagjerit i janë kthyer deviza në kundërvlerë prej 10 mijë eurosh, ndërsa pjesa tjetër prej 141,315 paund britanikë është mbajtur përkohësisht. Siç njofton Drejtoria e Doganave, ndaj personit është ngritur kallëzim përkatës për kundërvajtje.

Nga kjo drejtori theksojnë se zbatojnë vazhdimisht aktivitete që synojnë zbulimin dhe parandalimin e transferimit të paligjshëm ndërkufitar të parave të gatshme, duke kontribuar drejtpërdrejt në luftën kundër krimit financiar.

Lajme

Alarm nëpër pompat e benzinës, disa nuk japin naftë, Qeveria qetëson qytetarët!

Një situatë dramatike është regjistruar gjatë orëve të fundit në pikat e karburantit në Maqedoninë e Veriut, ku radhët e gjata dhe nervozizmi i shoferëve kanë krijuar një atmosferë paniku. Shumë qytetarë raportojnë se në disa pika të caktuara nuk po lejohet furnizimi me dizel, ndërsa në të tjera po aplikohen kufizime jozyrtare të sasisë, përcjell INA.

“Në disa benzinata thjesht nuk të lënë të mbushësh naftë dhe më kthyen mbrapsht. Është një kaos i vërtetë sepse askush nuk jep informacion zyrtar, ndërkohë që njerëzit kanë filluar të frikësohen se do mbeten pa karburant,” deklaron i revoltuar një shofer nga Shkupi.

Nga ana tjetër, Qeveria ka dalë me një njoftim urgjent për të qetësuar situatën. Kryeministri Hristijan Mickoski, pas takimeve me përfaqësuesit e industrisë së naftës, ka deklaruar se gjendja është plotësisht nën kontroll dhe se ka rezerva të mjaftueshme për të mbuluar të gjitha nevojat e vendit. Sipas autoriteteve, nuk ka vend për panik pasi furnizimi vazhdon rregullisht.

Kjo valë shqetësimi vjen në një kohë kur çmimet e naftës në tregjet botërore kanë shënuar rritje si pasojë e tensioneve në Lindjen e Mesme, çka ka shtuar dyshimet te qytetarët për një shtrenjtim të mundshëm ose bllokim të derivateve në ditët në vijim.(INA)