Lajme

Opozita në Izrael bën thirrje për “armëpushim në Gaza” pas njoftimit të Trumpit për armëpushimin Izrael-Iran

Pas armëpushimit midis Izraelit dhe Iranit, të shpallur nga Presidenti i SHBA-së, Donald Trump dhe të miratuar nga Tel Avivi, kanë ardhur edhe “thirrjet për armëpushim në Gaza”, transmeton Anadolu.

Yair Lapid, kreu i partisë kryesore opozitare “E ardhmja është këtu” (Yesh Atid), në llogarinë e tij në rrjetet sociale lidhur me armëpushimin midis Izraelit dhe Iranit të shpallur nga Trump tha: “Tani është radha e Gazës. Është koha për të përfunduar gjërat edhe këtu, për të sjellë të burgosurit (izraelitë), për t’i dhënë fund luftës. Izraeli duhet të fillojë rindërtimin”.

Ndërkohë, në një deklaratë të bërë në platformën e familjeve të të burgosurve izraelitë në Rripin e Gazës, u theksua se armëpushimi i shpallur nga Trump midis Izraelit dhe Iranit “duhet të përfshijë edhe Gazën”.

“Kushdo që mund të bëjë një armëpushim me Iranin mund ta ndalë edhe luftën në Gaza. Pasi humbi gjumin për 12 netë për shkak të Iranit, populli izraelit do të fillojë përsëri të mbetet pa gjumë për të burgosurit në Gaza”, thuhet në deklaratë.

Duke theksuar se sulmet e Izraelit ndaj Iranit kanë “mbaruar”, familjet e të burgosurve izraelitë në Gaza kanë deklaruar se sulmet ndaj Gazës, të cilat kanë vazhduar për 627 ditë, tani duhet të marrin fund.

Lidhur me armëpushimin midis Izraelit dhe Iranit, të cilin e shpalli natën, Trump tha në mediat sociale në mëngjes: “Armëpushimi është në fuqi, ju lutem mos e shkelni atë”.

Një katastrofë e madhe humanitare po përjetohet në Gaza, ku ushtria izraelite ka sulmuar që nga 7 tetori 2023, si pasojë e bombardimeve intensive, urisë, zhvendosjes së detyruar dhe shkatërrimit të infrastrukturës.

Ndërsa Izraeli është në gjyq në Gjykatën Ndërkombëtare të Drejtësisë me akuzat për “gjenocid” për sulmet e tij në Gaza, Gjykata Ndërkombëtare Penale ka lëshuar urdhër-arreste për kryeministrin izraelit, Benjamin Netanyahu dhe ish-ministrin e Mbrojtjes, Yaov Gallant me akuzat për “krime lufte dhe krime kundër njerëzimit”.

Krahu i armatosur i Hamasit, Brigadat Izz ad-Din Qassam, mban rreth 50 të burgosur në Gaza, 20 prej të cilëve mendohet të jenë të vdekur, sipas vlerësimeve izraelite.

Lajme

Mexhiti uron Kurtin për fitoren: Kosova sot votoj për vazhdimësi dhe besim në rrugën e nisur

Bashkëkryetari i partisë VLEN, Izet Mexhiti, ka deklaruar se fitorja e VV-së, është një konfirmim i qartë i besimit të qytetarëve të Kosovës në drejtimin politik të vendit.
“Urime për këtë rezultat dhe për vazhdimin e mandatit të ri, miku im, kryeministër Albin Kurti. Kjo fitore është shenjë e qëndrueshmërisë së vullnetit demokratik dhe e vazhdimësisë së një agjende qeverisëse që ka marrë mbështetje të gjerë.
Kosova sot e ka dhënë mesazhin e saj qartë. Ka votuar për vazhdimësi dhe besim në rrugën e nisur.
Urime Kosovë!”, ka shkruar Mexhiti.

Lajme

Abdixhiku: Shënojmë rritjen më të madhe! Kemi fituar 20 deputetë

Kandidati i LDK-së për kryeministër, Lumir Abdixhiku në konferencën për media u shpreh se Kosova edhe njëherë dëshmoi prekuri demokratike.

Për këtë gjë bëri një falënderim për të gjithë qytetarët dhe siç u shpreh, në veçanti votuesit e LDK-së.

“Kosova dëshmoi edhe njëherë pjekuri demokratike. Për këtë meritoni një falënderim qytetarë. Falënderim të veçantë dua t’u bëj edhe institucioneve përgjegjëse. Dua t’i falënderojë mbështetësit dhe votuesit e Lidhjes Demokratike të Kosovës”, tha ai.

Abdixhiku, për rezultatet e këtyre zgjedhjeve tha se LDK-ja sonte shënon rritjen më të madhe që ndonjë subjekt politik ka siguruar në këto zgjedhje.

“Lidhja Demokratike e Kosovës sonte shënon rritjen më të madhe që një subjekt politik ka siguruar në këto palë zgjedhje. Në vetëm një muaj fushatë, me kaq pak kohë, LDK-ja ka kaluar nga 13 për qind, në 18 për qind, përkatësisht në 20 mandate”, tha ai.

Lajme

Osmani: VV-ja s’e ka asnjë arsye ta refuzojë emrin tim për presidente

Kandidatja për presidente nga radhët e LDK-së, Vjosa Osmani, tha se Lëvizja Vetëvendosje nuk ka fare arsye që ta refuzojë atë që ta rimarrë këtë post.

Këto fjalë i tha në adresimin e parë për media pas daljes së rezultateve preliminare të zgjedhjeve të parakohshme parlamentare.

“Lëvizja Vetëvendosje nuk ka asnjë arsye që ta refuzojë emrin tim për presidente të shtatë të Republikës së Kosovës. Kaq është përgjigja ime”, tha Osmani në konferencë për media.

Lidhja Demokratike të Kosovës numëron 17 për qind bazuar në rezultatet në fjalë.