Lajme

Korridori 8/ Punimet në aksin Gostivar-Kërçovë vazhdojnë sipas dinamikës

Punimet në Korridorin 8, aksi Gostivar-Kërçovë janë duke vazhduar sipas dinamikës, thonë nga konzorciumi Bechtel&Enka. Sipas tyre, sfida më e madhe paraqitet në ndërtimin e urave, pasi duhet ruajtur rrjedha e lumit Vardar. Sipas inxhinierit mbikëqyrës, Aqif Abaxhi, rëndësi i është kushtuar edhe vendeve ku paraqitet rrezik për rrëshqitje të tokës, shkruan Alsat.

“Sfidën më të madhe në këtë pikë e patëm lumin Vardar që ka një rol të rëndësishëm për Maqedoninë sepse shkon deri në Shkup. Po ashtu në bashkëpunim me departamentin e sizmikes konstruktuam elevacionin dhe ndërrimin e kahes fillimisht, pastaj në pjesën e ngritjes bëmë dy shtylla, ndërsa tani kemi nisur fazën e dytë dhe ndërtimi po vazhdon. Sipas substrukturës së ndërtuar deri më tani punët rreth 80 për qind janë kryer në këtë pikë dhe po vazhdojmë me ndërtimin”, deklaroi Mehmet Aqif Abaxhi, Inxhinier mbikëqyrës. /Alsat.mk

Lajme

Paraqitet Arben Fetai nga Tailanda

Zv/kryeministri Arben Fetai i cili një kohë të gjatë ka qenë larg opinionit, pas përplasjeve të brendshme në ASH dhe koalicionin VLEN, ka postuar një foto në rrjetet sociale nga Bagkogk- Tailandë.
Siç dihet Fetai është larguar nga skena politike, ndërsa paralajmërimet janë se shkarkimi i tij nga Qeveri do të ndodhë pas rikonstruimit të Qeverisë.

Lajme

Kuvendin voton për shfuqizimin e Qeverisë teknike

Në Kuvendin e Maqedonisë së Veriut janë miratuar ndryshimet në Ligjin për Qeveri, me të cilin parashikohet shfuqizimi i konceptit të Qeverisë teknike (Përzhinos), raporton SHENJA

Megjithatë ky ndryshim nuk do të hyjë menjëherë në fuqi, pra do të vlejë edhe për zgjedhjet e ardhshme, ndërsa më pas nuk do të ketë qeveri teknike.

Për këto ndryshime votuan 70 deputetë, ndërsa 11 ishin kundër.

Lajme

Shtekli dënohet me tetë vjet burg

Gjykata Themelore Penale në Shkup sot nxori një vendim me të cilin Rade Trajkovski, i njohur si “Shtekli”, dënohet me tetë vjet burg për organizim të një grupi trafikantësh droge.

Këshilli gjyqësor vendosi se Trajkovski udhëhoqi një grup që ishte i përfshirë në shitjen e kokainës dhe marihuanës, pas së cilës ai u dënua me burg.

Përveç tij, gjykata dha vendime edhe për të akuzuarit e tjerë në këtë rast.

Stefan Kitanov dhe Aleksandar Buçevski u dënuan me nga pesë vjet burg secili, Filip Tanevski gjithashtu mori një dënim me pesë vjet, ndërsa Stojan Millanov u dënua me tre vjet e dhjetë muaj burg.

Gjykatësi Ilija Trpkov theksoi se procedura u zhvillua në mënyrë efikase dhe pa vonesë, duke theksuar se çështja u përfundua brenda nëntë muajve me një rrjedhë të vazhdueshme të gjykimit.

Ky vendim i jep fund njërit prej rasteve më të rëndësishme që lidhen me trafikimin e drogës në periudhën e kaluar, dhe palët kanë të drejtë të ankimojnë.