Lajme

Mickoski: Presim deri në një milion e gjysmë turistë në Maqedoni, turizmi është motor i rritjes ekonomike

Kryeministri i Maqedonisë së Veriut, Hristijan Mickoski, duke iu përgjigjur pyetjes gazetareske lidhur me rritjen prej 20 përqind të turizmit në Maqedoni, si dhe cilët janë faktorët që e sjellin rritjen dhe cilat janë pritshmërit e Qeverisë, deklaroi se pret që numri i turistëve të arrij deri në një milionë e gjysmë.

„Po, kjo është një e dhënë e mirë për katër muajt e parë të këtij viti. Një e dhënë pozitive në kuptimin që kemi rritje prej më shumë se 20% sa i përket numrit të turistëve dhe netë- qëndrimeve. Kjo do të thotë më shumë para për qytetarët që ofrojnë shërbime për këta turistë.

Kjo do të thotë se, nëse mesatarja është rreth 800 euro, secili prej tyre ka shpenzuar jashtë aranzhmanit. Këto janë vërtet qindra miliona euro që do të mbeten këtu, tek ne, në gastromomi,veprimtarinë shërbyese dhe të tjera.”

Ai shtoi se pret shtim edhe më të madh.

“Përpjekja për të negociuar drejtpërdrejt me operatorët turistikë ka qenë e suksesshme – tashmë rreth 40,000 turistë nga Evropa Perëndimore qëndrojnë tek ne,po flas në total. Kjo përkthehet në afërsisht 160,000 netë-qëndrime jashtë sezonit, kur flasim për Ohrin, megjithëse në pjesën tjetër të shtetit, është sezon gjatë gjithë vitit.

Për vitin e ardhshëm, ne presim, jashtë sezonit, gjysmë milion netë-qëndrime. Ne tashmë po bisedojmë me operatorë të tjerë turistikë dhe presim përsëri rritje dyshifrore të turizmit. Ndikon në produktin e brendshëm bruto, ndikon në rritjen ekonomike të shtetit.

„Vitin e kaluar patëm 1.200.000 turistë. Këtë vit presim të arrijmë deri në një milion e gjysmë. Vitin e kaluar patëm 3.5 milionë netë-qëndrime, ndërsa këtë vit presim të arrijmë të paktën 4 milionë netë-qëndrime,“ deklaroi kryeministri Mickoski.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net