Lajme

Trump: SHBA-ja do të dërgojë raketa Patriot në Ukrainë

Shtetet e Bashkuara të Amerikës (SHBA) do të dërgojnë raketa mbrojtëse ajrore Patriot në Ukrainë, tha të dielën në mbrëmje Presidenti Donald Trump, ndërsa shprehu pakënaqësinë e tij me Presidentin rus, Vladimir Putin, raporton Anadolu.

“Bashkimi Evropian po paguan për të. Ne nuk po paguajmë asgjë për të, por do ta dërgojmë. Do të jetë biznes për ne dhe ne do t’u dërgojmë atyre sisteme Patriot, të cilat u nevojiten me dëshpërim”, u tha Trump gazetarëve në Bazën e Përbashkët Andrews në Maryland, pa specifikuar se sa sisteme raketash Patriot synon të dërgojë në Ukrainë.

“Sepse Putini i habiti shumë njerëz. Ai flet mirë dhe pastaj i bombardon të gjithë në mbrëmje, por ka një problem të vogël këtu: nuk më pëlqen”, shtoi ai.

Trump tha se do të takohet me Sekretarin e Përgjithshëm të NATO-s, Mark Rutte, i cili të hënën do të fillojë një vizitë dyditore në Washington, ku do të takohet gjithashtu me Sekretarin Shtetit, Marco Rubio dhe Sekretarin e Mbrojtjes, Pete Hegseth, si dhe me anëtarë të Kongresit.

I pyetur nëse do të shpallë sanksione ndaj Rusisë të hënën, ai tha: “Do të shohim se çfarë do të ndodhë.”

Trump vuri në dukje se Evropa njoftoi sanksione ndaj Rusisë.

“Jam shumë i zhgënjyer me Presidentin Putin. Mendova se ai ishte dikush që e mendonte atë që thoshte – dhe ai flet aq bukur, pastaj bombardon njerëzit natën. Neve nuk na pëlqen kjo”, shtoi ai.

Senatorët Lindsey Graham dhe Richard Blumenthal paraqitën një projektligj më 1 prill të titulluar Akti i Sanksionimit të Rusisë i vitit 2025, i cili do të vendosë një tarifë prej 500 për qind për mallrat e importuara nga vendet që blejnë naftë, gaz, uranium dhe produkte të tjera ruse.

Trump tha të enjten e kaluar se do të bëjë një “deklaratë të rëndësishme” mbi Rusinë të hënën, pa dhënë detaje të mëtejshme

Lajme

NPK Tetovë në aksion për pastrimin e lumit Shkumbin, në terren edhe kryetari Kasami dhe drejtori Bislimi

NPK Tetovë në aksion për pastrimin e lumit Shkumbin, në terren edhe kryetari Kasami dhe drejtori Bislimi

NPK Tetovë ka zhvilluar aksion për pastrimin e mbeturinave në lumin Shkumbin, kositjen e kullosës dhe mirëmbajtjen e hapësirave përreth lumit.

Në terren ishte edhe drejtori i NPK Tetovë, dr. Samet Bislimi, ndërsa ekipit iu bashkua edhe Kryetari i Komunës së Tetovës, z. Bilall Kasami.

Aksioni është pjesë e punës së vazhdueshme të NPK-së për mirëmbajtjen e hapësirave publike dhe një mjedis më të pastër në qytet.

Bashkë për një Tetovë më të pastër dhe më të mirë! 🌿

https://www.facebook.com/share/r/1EWC6nXwCL/?mibextid=wwXIfr

Lajme

‘Fluturoi’ 119 km/h në zonën 50 km/h, arrestohet 23-vjeçari në Tetovë

Një 23-vjeçar nga fshati Gjermë është arrestuar në Tetovë pasi është kapur duke drejtuar automjetin me shpejtësi prej 119 km/h, në një pjesë të bulevardit „Vidoje Smilevski Bato“ ku kufizimi është 50 km/h.

Policia e ka ndaluar E.A. më 18 shtator në ora 06:14.

Me udhëzim të prokurorit publik, ai është privuar nga liria nën dyshimin për veprën penale „ngasje e pakujdesshme e mjetit motorik“, sipas nenit 297-a të Kodit Penal.

Pas dokumentimit të rastit, ndaj tij do të vijojë parashtresa përkatëse.

Lajme

“Interex” mori dritën jeshile për të blerë “Tinex”, përfshirë “SuperTinex”, “Tinex Delikates”, “Konto” dhe “Spot”

Komisioni për Mbrojtjen e Konkurrencës ka dhënë dritën jeshile për përqendrimin përmes të cilit kompania kosovare “Proeks Internacional” synon të marrë kontrollin mbi “Tinex Market” SHPK Shkup, thuhet në vendimin e miratuar nga anëtarët e Komisionit.

Nga vendimi bëhet e ditur edhe struktura e transaksionit të planifikuar. Më 2 korrik të këtij viti është nënshkruar një letër qëllimi ndërmjet “Tinex-MT”, si shitës, dhe “Proeks Internacional”, si blerës, përmes së cilës palët janë dakorduar për kushtet kryesore komerciale për marrjen e biznesit të shitjes me pakicë të supermarketeve të “Tinex” në Maqedoni.

Në dokument specifikohet se transaksioni përfshin biznesin që operon, ndër të tjera, me emrat “Tinex”, “SuperTinex”, “Tinex Delikates”, “Konto” dhe “Spot”.

Pas nënshkrimit të letrës së qëllimit, më 14 korrik 2026, “Tinex-MT” ka regjistruar shoqërinë e re “Tinex Market” SHPK Shkup, e cila, sipas vendimit, është krijuar për të shërbyer si mjet për marrjen në kontroll dhe vazhdimin e operimit të këtij biznesi.

Biznesi i shitjes me pakicë, ose pjesët përkatëse të tij, pritet t’i vihen në dispozicion shoqërisë së re në përputhje me kushtet e dakorduara dhe dokumentacionin përfundimtar të transaksionit.

“Proeks Internacional” është kompani me seli në Prishtinë, aktiviteti kryesor i së cilës është tregtia me pakicë në dyqane të paspecializuara, kryesisht me ushqime, pije dhe produkte të duhanit.

Kompania është pjesë e “Proeks Group”, një grup biznesi kosovar i diversifikuar, aktiv në tregti, distribucion, shitje me pakicë, logjistikë dhe sektorin e energjisë. Grupi merret gjithashtu me importin dhe distribuimin e mallrave të konsumit të gjerë, menaxhimin e rrjeteve të supermarketeve, si dhe tregtinë, magazinimin dhe distribuimin e derivateve të naftës.

Një tjetër detaj interesant është se “Proeks Internacional” dhe grupi të cilit i përket deri më tani nuk kanë pasur subjekte të lidhura të regjistruara në Maqedoni, ndërsa gjatë vitit 2025 nuk kanë realizuar të ardhura në tregun maqedonas.

Njoftimi për përqendrimin i është dorëzuar Komisionit më 10 gusht dhe është plotësuar një ditë më vonë. Komisioni më pas e ka shqyrtuar transaksionin dhe ka konstatuar se janë plotësuar kushtet ligjore për miratimin e tij.

Me këtë vendim, praktikisht është hequr pengesa nga aspekti i mbrojtjes së konkurrencës për realizimin e blerjes së planifikuar të biznesit të shitjes me pakicë të “Tinex” nga kompania kosovare “Proeks Internacional”.