Sport

Kristian Malocaj gati për sfidën më të madhe të karrierës në IFP Fight Series – përballë Jaraja në Belgjikë

Një përballje e zjarrtë pritet më 27 shtator 2025 në Limburg Hall, Genk – Belgjikë, ku ringu do të jetë arenë e një beteje epike në kuadër të eventit madhështor IFP Fight Series, një ndër ngjarjet më të rëndësishme të sporteve të kontaktit në Evropë. Dueli kryesor i mbrëmjes do të jetë super përplasja në peshën super të lehtë mes Kristian Malocaj dhe Jaraja, dy luftëtarë të jashtëzakonshëm me stil, forcë dhe mentalitet fituesi.

Kristian Malocaj, i njohur për disiplinën e hekurt dhe përkushtimin e tij të palëkundur në sportin e arteve marciale, do të ketë mundësinë që të shkëlqejë në një skenë ndërkombëtare. Me një fizikun imponues, stil agresiv, dhe përgatitje të jashtëzakonshme, Malocaj është gati të sfidojë një emër të madh si Jaraja një veteran i ringut që njihet për shpërthimet e tij të fuqishme dhe përvojën në nivel elitar të Muay-Thai dhe Kickboxing.

Për Malocajn, kjo nuk është vetëm një ndeshje – është një mision, një betejë për të treguar se është gati për majat botërore. Ai ka ndërtuar karrierën me durim, me sakrifica, dhe me shumë punë të palodhur. Tani, ai nuk lufton vetëm për fitoren personale, por për të gjithë ata që e ndjekin, e mbështesin dhe besojnë në të.

Eventi IFP Fight Series ka tërhequr vëmendjen e mijëra fansave të sporteve të kontaktit dhe do të transmetohet live me Pay-Per-View, duke garantuar spektakël, emocione dhe përballje të nivelit më të lartë.

🔴 Data: 27.09.2025
⚔️ Ndeshja Kryesore: JARAJA 🆚 MALOCAJ
📍 Lokacioni: Limburghal – Genk, Belgjikë
🎟️ Biletat & Info: www.ifp.events

Muay-Thai | Kickboxing | MMA – Sporti nuk njeh kufij, dhe me këtë ndeshje Kristian Malocaj ka synim ta shkruajë emrin në historinë e artë të arteve marciale. Të gjithë sytë drejt Belgjikës – është koha e Malocajt!

Sport

Skandal në futbollin serb: Mbahet një minutë heshtje për Mlladiqin, i dënuar për krime lufte

Një skandal është shënuar para derbit të 180-të mes Crvena Zvezdës dhe Partizanit, në kuadër të xhiros së tetë të Superligës së Serbisë.
Pak para fillimit të ndeshjes, tifozët e Partizanit janë dëgjuar duke bërë thirrje në mbështetje të Ratko Mlladiqit, ish-komandantit të Ushtrisë së Republikës Srpska.

Mlladiqi është dënuar me burgim të përjetshëm nga Gjykata Penale Ndërkombëtare për ish-Jugosllavinë në Hagë, për krime lufte dhe krime kundër njerëzimit.
Para nisjes së takimit, u mbajt edhe një minutë heshtjeje në nderim të tij.

Ngjarja ka ndodhur në prag të përballjes mes dy rivalëve të përbetuar të futbollit serb, Crvena Zvezdës dhe Partizanit.

Lajme

E dhimbshme, tifoz i Fenerbahçes ndërron jetë gjatë ndeshjes

Një tifoz i Fenerbahçes, Yaşar Gerçek, ka ndërruar jetë gjatë ndeshjes pas një sulmi në zemër.

Klubi e ka konfirmuar lajmin me dhimbje, duke shprehur ngushëllime për familjen, të afërmit dhe gjithë komunitetin e Fenerbahçes.

Në të njëjtën ndeshje, Fenerbahçe u mposht në shtëpi nga Beşiktaşi me rezultat 2-1.

Sport

Shkëndijën ska kush e ndal, fiton edhe në Kratovë ndaj Sileksit

Shkëndija e Tetovës vazhdon me rezultate pozitive në kampionat, raporton SHENJA. Kuqezinjtë tetovarë regjistruan fitoren e pestë radhazi, pasi në kuadër të xhiros së 5-të të elitës mposhtën Sileksin me rezultat 2:0. Pjesa e parë e takimit u mbyll pa gola, ndërsa Shkëndija e zhbllokoi rezultatin në minutën e 53-të. Meliqi realizoi për epërsinë 1:0 të miqve. Kuqezinjtë vazhduan të kërkonin golin e dytë dhe e gjetën atë në minutën e 87-të, kur Xengue shënoi për 2:0, duke vulosur edhe rezultatin përfundimtar të ndeshjes.

Me këtë fitore, Shkëndija shkon në kuotën e 15 pikëve pas pesë xhirove, ndërsa Sileksi mbetet me 7 pikë. /SHENJA/