Lajme

Trump: Do të parandalojmë pjesëmarrjen e sportistëve transgjinorë në Lojërat Olimpike 2028

Presidenti i SHBA-së, Donald Trump tha se do të kryhen “teste të forta” për të parandaluar pjesëmarrjen e atletëve transgjinorë në Lojërat Olimpike “Los Angeles 2028”, raporton Anadolu.

Pas një ceremonie nënshkrimi në Shtëpinë e Bardhë, Trump komentoi mbi pjesëmarrjen e atletëve transgjinorë në Lojërat Olimpike.

Ai deklaroi se atletët që dëshirojnë të garojnë në Lojërat Olimpike “Los Angeles 2028” do t’u nënshtrohen “testeve të forta”. “Nëse rezultatet e testeve të tyre janë negative, ata nuk do të jenë në Lojërat Olimpike”, theksoi Trump.

“SHBA-ja nuk do të lejojë burrat të vjedhin çmimet e grave në Lojërat Olimpike të vitit 2028”, tha ai.

Presidenti amerikan nënshkroi urdhrin ekzekutiv që ndalon atletët transgjinorë nga sportet e grave dhe shtoi se biologjikisht ka dy gjini meshkuj dhe femra dhe se nuk pranojnë asnjë përkufizim tjetër.

Sipas dekretit, financimi do të ndërpritet për të gjitha institucionet arsimore që marrin fonde federale nëse ato lejojnë sportistët transgjinorë të marrin pjesë në sportet e grave.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net