Lifestyle

Noizy sjell videoklipin si film, me Blerim Destanin në rolin kryesor! (VIDEO)

Reperi i njohur Noizy ka prezantuar projektin e tij më të fundit muzikor, “Lately”, i shoqëruar me një videoklip që shkon përtej kufijve të një videoje standarde, duke marrë formën e një mini-filmi të mirëstrukturuar, shkruan TV21. Në video, përveç vetë Noizyt, spikat aktori i njohur shqiptar Blerim Destani, i cili me interpretimin e tij sjell një energji kinematografike të veçantë, duke e kthyer klipin në një tregim vizual të mbushur me ndjenjë dhe dramë. Prania e shumë figurave të tjera i jep projektit një dimension edhe më të gjerë filmik.

Produksioni muzikor mban firmën e Erno dhe 6AM, ndërsa tekstin e kanë krijuar Noizy së bashku me Erno.

Video ngjason me atë Justin Timberlake, respektivisht klipin e publikuar në vitin 2006, ku këngëtari bashkë me regjisori Samuel Bayer zgjodhën aktoren amerikane Scarlett Johansson, pasi vendosën të përdorin aktorë “të vërtetë” për videoklipin e këngës “What Goes Around… Comes Around”. Edhe videoklipi i kësaj kënge u realizua në formë të një filmi të shkurtër. Përveç videoklipit, edhe kënga ka përafërsisht të njëjtin “vibe”.

Lifestyle

Kanye West mbërrin në Tiranë, publikohen pamjet

Kanye West ka mbërritur në Shqipëri, ku sonte pritet të zhvillojë koncertin e tij madhështor në periferi të Tiranës, në një stadium që pritet të presë dhjetëra mijëra fansa të reperit amerikan.

Pamjet e mbërritjes së artistit janë publikuar nga Euronews Albania, ku shihet Kanye West duke hyrë në një objekt, ndërsa është pritur me entuziazëm nga fansat e pranishëm.

Reperi pritet të performojë disa nga hitet më të mëdha të karrierës së tij, me koncertin i cili mbahet në një stadium të improvizuar në Kashar të Tiranës.

Autoritetet veçse kanë nisur përgatitjet për masat e sigurisë dhe kanë njoftuar kufizime të përkohshme të qarkullimit të automjeteve në zonat përreth.

Kryeministri i Shqipërisë, Edi Rama ka bërë të ditur se është gjithcka gati sa i përket organizimit të sotëm ku do të mbahet koncerti i Kany West.

Rama përmes një postimi në rrjetin social në Facebook tha se ky koncert do ta fusë Shqipërinë në një tjetër hartë globale, atë të komunitetit botëror të amatorëve të muzikës.

Megjithatë, koncerti i Kanye West në Tiranë nuk ka kaluar pa polemika. Organizimi i tij vjen në një kohë kur banorë kanë zhvilluar prej javësh protesta në kryeqytet kundër projektit për ndërtimin e një resorti luksoz në Zvërnec, duke kërkuar gjithashtu dorëheqjen e kryeministrit Edi Rama.

https://www.facebook.com/reel/2251566752269851/?t=0

Lifestyle

Zbulohet emri i djalit të princit Lekë dhe Blerta Celibashit

Lindi djali i Princ Lekës II dhe Princeshës Blerta, Oborri Mbretëror jep njoftimin zyrtar. Oborri Mbretëror Shqiptar ka njoftuar lindjen e djalit të Princ Lekës II dhe Blerta Celibashir, i cili është pagëzuar me emrin Aleksandër.

Sipas njoftimit zyrtar, Princi Aleksandër lindi paraditen e së premtes, më 10 korrik 2026, në orën 11:11, në Spitalin Universitar Obstetrik-Gjinekologjik “Mbretëresha Geraldinë” në Tiranë. Ai erdhi në jetë me peshë 3 kilogramë e 115 gramë.

Oborri Mbretëror bën të ditur se si nëna, Blerta, ashtu edhe foshnja gëzojnë shëndet të plotë.

Në njoftim, Princ Leka II dhe Blerta shprehin falënderimet e tyre për ekipin mjekësor të maternitetit “Mbretëresha Geraldinë”, duke vlerësuar kujdesin, profesionalizmin dhe përkushtimin e treguar gjatë lindjes së djalit të tyre./dritare.net

Lifestyle

“Po m’përcjell në lokacion…”, “Alarmi” u bën Halidit dhe Alkyt

Reperi Halid dhe këngëtarja e njohur me nofkën ‘Alky’, kanë lansuar këngën e tyre të re.

Ata në kanalin Youtube kanë hedhur këngën “Alarm”, që është në fakt si një alarm që vera ka nisur me një këngë verore, por, me një tekst që përshkruan shumë lidhje të sotme.

Projekti u finalizua edhe me klip nga Dardan, kurse, teksti u shkrua nga Halid x Alky x Vizion, me producim të Vizion Records.

Po ju, a e përcjellni partnerin në lokacion?